|
حماتي ؟؟ وام زوجي ؟؟ ماذا افعل ؟؟
السلام عليكم
كيفكم يا حلووووووووووين ؟؟ ارجوكم ساعدوني مع مشكلتي مع حماتي ؟؟ انا حاليا مملكة يعني عاقدة قراني مع واحد مرة احبو وكويس وابن ناس واخلاق ومرة روعة ومافي منو وقلبو ابيض والحمدلله مرة متفهمين ومرتاحين ومبسوطين ؟؟ وفرحي ان شاء الله بعد اسبوعين ؟؟ بس المشكلة عندي في ام زوجي ؟؟ الله يهديها اسلوبها في الكلام مرة مستفزئ مرة يقهر ويعصب هيا الله يسامحها تبغا كل شي على مزاجها واحسها من هرجها ليا انها مصيطرة وتبغا تمشي رايها وانا بصراحة من غير ما امدح نفسي مرة مرة مسالمة ومني قدها يعني باطنشها وباعملها كل اللي تبغاه واجمالها وباسمع كلامها وباتحملها عشان زوجي مو عشانها واحبها واحترمها عشانها ام زوجي الي احبو وما ابغا اكسر بخاطرو او اعمل مشاكل عشان كدا الله يخليكم ساعدوني كيف اتعامل معاها ؟؟ وما ابغا اوضح لزوجي اني مضايقة من مامتك مع ان والله هيا حبوبة والحملله بس اسلوبها معايا في الكلام وربي يعلم قدي ايش انا صابرة وساكتة واحبهاوفوق راسي .. وكمان معليش بس شي واحد ابغا اخد رايكم فيه ؟ هيا في تفكيرها ( ام زوجي ) وعلى حسب ما اتربو انو ما عندهم احد في عيلتهم يلبس كم عريان ؟ وبناطيل مع بلايز طويلة ؟ وانا والله والله لبسي جدا محترم ومحتشم يعني مني مخلعة ولا متبرجة ووقت ما شافت جهازي جلست تقول انو اش الملابس دي ومايسير تلبسها وكانها راح تدخل نفسها في كل حاجة وتخرب زوجي عليا ؟؟ يعني والله مرة لبسي جدا جدا كويس وماعليه كلام بس شكلهم عائلة معقدة انا ا اعمل بالله في رايكم مين الغلطان؟؟ والله تعبت ؟؟ واخاف مستقبلا تنكد عليا ولا تصلط زوجي عليا ؟؟ سااااااااااااااعدوني ارجوكم وشكرا لكم واسفة على الاطالة |
يارب يوفقك ويسخر زوجك وحماتك لك
حبيبتي حسب شخصية زوجك إذا كان قوي الشخصية ولا يتأثر ومقدر عصبية امه وسيطرتها تجاهلي أنتِ سيطرتها وخليكي واثقة من نفسك ولا تقلقي وإذا كان من النوع اللي يتأثر اهدي وتوكلي على الله وكوني اقوى عليه بالتأثير ولكن بدون ظلم أو عداوة وزرع القطيعة سايريها واظهري لها الإحترام ومع الأيام ستكسبيها صدقيني ولكن الصبر الصبر حبيبتي فكل الحموات والأمهات في مثل هذا العمر وهذا الموقف يحتاجوا إلى صبر منا ومراعاة وفقك الله |
يسلموووو مرة حبيبتي
والله يعطيك الف عافية مرة فرحتيني وطمنتيني وبالنسبة لزوجي لا هو مهو شخصيتو ضعيفة يعني مقدر وعارف كيف طبع امو يعني مهو مساير امو ومالو شخصية لا بالعكس مرة كويس فالحمدلله انه زوجي فاهمني وعارف كيف امو بس يلا الحمدلله على كل حال وصادقة الصبر كويس وربنا كريم والله يجيب العواقب سليمة ياااااااارب وجزيتي خيرا يا غاليتي |
اسمعي
بكرة حتصيري ام وزي ماتسوي في ام زوجك حيجي اليوم اللي وحدة صغيرة تسوي عليكي حركات ترى الكبار عنوديين وخاصة الحريم لمن يكبرو يحبو يسيطروا على كل شي فخليكي طبيعية وسييكي من انو استفزتني وكيف وليش واشبها وحركات الحريم اللي مالها داعي وبعدين انتي ماترضيها على امك لو في وحدة متزوجة اخوكي وتسوي حركات على امك ترضي ؟؟؟ ترى كل الافلام العربية كلام فاضي ......... خليكي رزينة ونتي اصلا تعرفي تجبي امه لو تبغيها وبلاش الغيرة اللي مالها داعي الله يرضى عليكي لانها امه وان شاء الله ربنا يوفقك ومتي |
انت محجبة ؟
و اللبس للبيت و لا خارج البيت ؟؟ |
| الساعة الآن 03:06 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©