زوجي يحمل الكثير من العيوب وأنا تعبت معه .. ما الحل ؟
 

السلام عليكم ورحمة الله وبركاته

انا في البدايه متزوجه من سنتين وعندى بنوته ، كنت اعمل وزوجي جلسني عن العمل ، المشكله إنه عنيد مره بطلي ، و لا تسأليني وين رايح مع مين ، انا عرف مع مين رايح اخوانه واقاربه بس صار مايصدق ابدا معى ، وماعنده حس المسؤوليه مبذر في فلوس . قبل فتره سافر ولا قالي ولما اساله ليه يقول انا رجال . انحلت المشكله بعدها بفترة لقيته حاط على جواله رقم سرى استغربت عرفت الرقم السرى وفتحت الجوال ......... ياقلبي لقيت مسجات من وحده ومن ضمنها مسج تقول فيه ((استفتاء عن معامله الزوج لعشيقته افضل من زوجته اسفه على على هذه الجراه )) ولقيت صور سيئه له ، لما واجهته قال ((هذى انا متربي انا وياها من الصغر وعادى مافيها شي )) . حليت مشكلتي وقلتله امسح الرقم راح وغير الاسم أفيدوني ايش معني هذا ؟ واجهته مره ثانيه قال ((ابشرى مايكون خاطرك الا طيب ))غير الرقم السري ، و يقفل جواله لما يدخل البيت ، والاحد الماضي انسجن علشان مديون وابوي طلعه وساعده ، و من يوم الاربعاء الماضي وانا عند اهلي في نفس الليله دقيت عليه قال انا في البر بتاخر نامي ، يوم الخميس في الليل قال اخوى جته نوبه ربو ولادق على يطمني ابدا ، يوم الجمعه كنا معزومين ولا عندى لبس دقت عليه لين
تكسر الجوال اخيرا رد كنت تعبان وجو اخواني عندي وناموا وقال انا بااجي اخذك من عند قرايبك استني ، مادق ولا جى طلعت مع اهلى تاخر جت الساعة 11 دقيت عليه قلت له وينك ؟ قال انا قريب بتعشاء واحط اخواني واجي ، مادق إلا الساعه وحده ونص رحت معه كنت شاكه انه كذاب قلت وينك تعشيت قال في مطعم المهم اكتشفت انه طالع لمنتزه مع خالته وانا جالسه في البيت ، في البدايه انكر بعدين قال مواله المعتاد انا رجال ماتساليني . كلمت ابوي وجى اخذني من بيتي ارسل مسج لى قال ترى ماتغير في حياتي شئ بعد الزواج الا انه الله جابلي بنت وغسيل الملابس وباقي ولا شئ دقيت عليه اساله ليه ؟ قال انتي ماتهتمين فيني . وانا والله العظيم اني افسخ ملابسه لما يرجع من الدوام حتى وانتم بكرامه جزمته وشرابته واحممه ومحترمته وحاطته فوق راسي ....... في الاخير يقول الارض وسخه المكتب عليها غبار واحن عندنا 24ساعة غبار والله اني ادور بفوطه امسح ، ويقول انتي ماوقفتي معي ابدا يبغاني ابيع الذهب حقي علشان يسدد ديونه كنت حريصه كل شهر اني اجمع من راتبه للايجار وكان يقول عيشي حياتك ولا اخذ منه مصروف . في خلال اسبوع صرف 4 الالاف ريال وكنت متسلفله 2الف من الى معاه وراح وشراء جزمه300ريال وطير الفلوس ولا سد لناس حقهم ، ويقول انتي ماتبغي تساعدني يالله توظفي يحسب الوظيفه على الكيف قدمي على مدارس كل الرواتب 1700-2000 وش تسوي اجرة سواق ولا طلبات ولاولاولاوعن طريقه قدمت على مدارس يعرف مديرتها ولا وظفوني . ايش الحل الله يفرج عليكم ساعدوني اناتعبانه

تم تعديل العنوان ليتضح المضمون ..

الله يكون في عونك شكل زوجك لا يحب يتحمل المسئولية

بس ليت أبوك ما جاء يأخذ من البيت وخليته هو اللي يوديك راح يمسكها عليك وعلى أبوك

اصبري يا أختي عليه وخليك أعقل منه كله كم سنة ويرجع ويعقل وأنت شجعيه على تحمل المسئولية شوي شوي

صدقيني ياأختي الشاب بعد الزواج يحتاج له كم سنة حتى يتأقلم على الحياة الزوجية والمسئولية

1-اختي هو ماكان يحط على جواله رقم سري كان دائما راميه عندي وبعدين حطة تقريبا من 10 شهور وهو حاطه ولما سالته قال علشان الى معي في الدوام مايفتشون في جوالى
2- هو شايف نفسه انه ولد نعمه وهو مايوجد معه احيانا حق حليب بنته مره رحت اشتري عزكم الله جزمه لزواج اختي شفت وحده وعجبتني ولما ساله عن السعر قال 1900ريال انا عادي بس ميزانيتنا بتنهز وكان فيه التزامات اولا رفضت اخذها وزعل مني واصر اني اخذها
الاساليب هي :
1-احول اقناعه كل شهر بوضع ميزانية لكل شئ في حياتني من ايجار الى معيشه الى اخر وجبت له ميزانيه وعطيتها ياه ورفضها وقال انا رجال وانتي انثي مالك دخل
2-انه يقول انتي ماعند هموم بس بنتك وشغل البيت والله العلم اني كلي هموم من تزوجته هم حق الناس الاجار وهم ابغي اتوظف علشان اعينه وهم كيف ارتب امورنا الى حد ماينزل الراتب
3- عند المناقشة انا اسكت وهو يرفع صوته ويحرك ايدينه ويتلفظ بكلام بذيئ على نفس وبمعنى قوله ((انه كل حاجه وانا عارف كل شي ))وفي النقاش قال امي وابوى صاربيني وبينهم نقاش قعد 4 سنوات مايكلمهم ويقول وش انتي الى تساليني اني اكره كلمه وينك
4-بعد هذا كله اهلى واقفين معاه اكثر من وقفتهم مع ولدهم ودخلو اهلي في الموضوع ووعده خير وكانت النقاشات هادئه من دون اي مشاكل

مس ارت

انتي تبغيه ؟؟؟ وله لا ؟؟؟

وشلون ابغاه ولى لا

انا ماقدمة على الزواج الى بقناعه ولا طرحت المشكله الى علشان ابغي الحل

الحل الاستعانه بالله

وجلسة مصارحه

معناه تبغيه يعني عند زوجك صفات حلوة لانو بطريقة كلامك انو واحد جدا متعبك في حياتك وانك انتي ملاك عمرك ماسويتي شي غلط وانو انتي وحدة نزلتي من الجنة ماتغلطي باسلوبك معاه

الامر التاني مو حلوة مواجهة الزوج عن اشياء انتي اكتشفتيها كانت في الف طريقة وطريقة ممكن تجيبيه لحياتك

الامر الثالث تبي من طريقتك تبغي تسيطري عليه وهذا شي مو حلو وحدمري حياتك بطريقتك اللي مو حلوة سواء كانت بالاسئلة فينك فين رايح فين جاي فين ماشي الساعة والساعة ؟؟؟؟ طريقة جدا ما تبين انك محبة مبينه انك شرطية .

في الف طريقة وطريقة تعرفي تجيبي فيها زوجك ونتي فاهمته زي ما فاهمة نفسك

زي ماله سلبيات اكيد فيكي الف سلبية

ولا تجلسي تدقري على حياته لا تساليه كثير عن امور الشخصية خليكي طبيعية حاولي انك تكلميه مباشر


بعض المواجهات الرجل مايعصب من فراع اكيد الزوجة تكون ورا هذي التعصيبة وهيا تكون سبب لنرفزته فانتبهي من هذي الاساليب

ودمتي