|
طفلي عنيييييييييف ؟؟ عطوني حل
السلام عليكم ورحمة الله وبركاته عندي ولد عمره سنةو8شهور عنيف بشكل كبير على طول يضرب حياته كلها ضرب في ضرب جميع انواع الحركات الشينة يعرفها مثلا : يعض يرفس يمشع يسطر يلوح اي شي قدامه تعبت منه عندي بنت اكبر منه عمرها 6 سنوات دايما يضربها مايخليها في حالها ومع انه اصغر منها الا انه يغلبها مفشلني قدام العالم مااطلع مكان الا ويضرب الي حوله سواء كبير ولا صغير ومايحترم احد وجربت جميع الاساليب مانفع معاه سواء كلام او تهديد اوضرب او تشجيع واحسه بعده صغير مايفهم علي عطوني حل كيف اتعامل معاه لاني بجد مليت حتى انا وابوه يضربنا ماعنده احترام لأحد انا اقول يمكن تعلم هالحركات من اخوي الصغير الي عمره 7 سنوات لانه شقي جدا وراعي حركات بس انا مو على طول اروح بيت اهلي يمكن 3 مرات بالاسبوع مو معقولة يكون تأثر فيه لهدرجه هذا بنتي تشوف اخوي ولاتعلمت منه انا احس ان طبعه كذا دفش بس كيف اتصرف معاه ؟؟؟ ابي طريقة تخليه يعقل ولا يصير عنيف؟؟ الا عنده حل ينجدني وله خير الجزاء تحياتي |
السلام عليكم
اختي اولا الله يعينك الصغار تربيتهم متعبة .... انا برأيي المتواضع ان الطفل عندة طاقة باللذات الاولاد و راح يطلع هذي الطاقة بأي شي اذا ما تم توجيههة .... اولا : طنشية و لا كنة يسوي شي لانة يستانس انة يغيظكم و يلفت نظركم مرة مرتين 3 ان شا الل10 صدقيني بيمل اذ تم تطنيشة ... ثانيا : الطاقة اللي عندة حاولي تجيبين لة لعب تركيبات او قصص اللي تكون فيها مجسمات بتشغلة حتى لو يشقها طبيعي جدا .. بس طولي بالك علية .. ثالثا : لا تقولين ما يفهم بالعكس الطفل جدا ذكي يقدر يسوي اللي يبي غصبا عن اهلة باللذات اذا كان مثل ولدك عنيف .... رابعا : 3 مرات بالاسبوع لبيت اهلك مع طفل بسن التعلم مرررررره كثير .... خففي روحاتك و لا تخلينة يختلط بأخوك كثير قد يكون متعلم منة .... خامسا : عمر الظرب ما جاب نتيجة بل انة يؤدي لنتيجة عكسية و يزيد العنف لانك بطريقة غيرمباشرة تعلمينة لغة التفاهم باليد و استخدام العنف ...... اختي .... ارجو اني ما طولت عليك و عساني افدتك .. بس عن تجربة قاعدة اقولك ان البدائل تنفع .... الله يخليلك عيالك و يقر عينك فيهم ... |
السلام عليكم ..
هذا ردي على احدى الأخوات في موضوع مشابه .. وانا شخصيا استفدت كثيييرا منه مع ابنائي السلام عليكم .. يوجد كتاب / حاول ان تروضني ... تأليف : ليفي / أوهانلون يوجد منه نسخة مترجمة .. الكتاب راااائع .. ورغم تخصصي التربوي الا انني استفدت منه اقصى استفادة .. احدى مميزات الكتاب ... انه يناسب جميع الفئات من حيث حب القراءة .. فالفصل الواحد من الكتاب مقسم الى ثلاثة اجزاء .. الجزء الأول ..في صفحة واحدة يلخص لك الفصل والاجراء المستخدم مع الطفل .. الجزء الثاني يشرح الاجراء بالتفصيل وبالصور احيانا ... الجزء الثالث يلخص الاجراء في نقاط .... خصوصا اذا مالك خلق تقراين الجزء الثاني .. الكتاب جدا ممتاز ولا يفوت اي والدة ان تقرأه .. دمتي في حفظ الرحمن ,,, |
اقتباس:
صدقتي تربية الاولاد غير عن البنات وبحاول اوجه الطاقة الي عنده بشيء مفيد عسى ينفع وبطول بالي معاه وبشوف بالنسبة لبيت اهلي صعبة اقلل روحاتي لهم لان عطله وامل بروحي بالبيت فلازم امر عليهم على الا قل 3 مرات بس مع كذا بحاول اني مااروح كثير عشانه وعساني اقدر والضرب بحاول ماأضربه بس ساعات يزودها حبتين فيطفشني واضربه بس موضرب قاسي بس تخويف ومشكورة اختي على المرور ولاطولتي ولاشي بالعكس كلامك ريحني وعطاني امل انه يتحسن لك مني تحياتي |
اقتباس:
وان شاء الله بشتري هالكتاب واقرأه واستفيد منه في تربيتي لأطفالي جزاك الله خير ماقصرتي |
| الساعة الآن 07:42 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©