|
كيف اوضح لزوجي أنني غير مسرفة ؟
بسم الله الرحمن الرحيم
انا عضو جديد في منتدى واتمنى اصير اخت عزيزه على قلوبكم وترحبون فيني ...........:27: مشـــــــــــــتكلتي ......:(:( انا متزوجه لي 4شهور بس........... "وعمري 16" يمكن مشكلتي صغيره بس ييمكن صغر سني يخلني ماعرف احل مشكله زوجي دايم يقول انتي مصرفه مبذره يدك تحكك اذا عندك فلوس وماخرجتيها هو على قد حاله يعني راتب قليل وغير قرض زواج وشقه وسفره مضغوط بلحييييييييييل.......... وانا ماخذ االا 300 ريال في شهر بس ............ في ذمتكم كثير ؟ هو مو بخيل يعني يجيب لي كل شهر هدايه وهذا شهر نجحت وجاب لي الابتوب بس كليوم انتي مصرفه وانتي تخلينا يتسلف علشلنك وانتي وانتي وانتي ......................الاخ وانا من تزوجت مارحت سوق لان قبل زواج قضيت ثياب دنيا حق زواج ......... وانا مو بطناويه امشي اكل ولا اطلب كثير من مطعم ............ يعني مقدره ضروف زوجي . كيف اوضح لزوجي اني ماصرف الا الي احتاجه بس ؟؟ اتمنى تعلموني كيف احل مشكلتي ......... معليش نفخت راسكم:d تم تعديل العنوان ليتضح المضمون .. |
والله ياأختي الكريمه لازم تقدرين ظروف زوجك بهالفتره هذي
يعني لا تخلينه يكره اليوم اللي قرر انه يتزوجك فيه انتي قلتي راتبه ضعبف يعني وعليه قروض ووو ف بهالفتره هذي اكيد يبي يضبط وضعه نوعا ما ف لا تزودين العيار على زوجك هي فتره وان شاء الله انها تعدي مع الوقت وانتي الحين ماشاء الله عليك صرتي زوجه وان شاء الله عقبال العيال يااارب ف وضعك ببيت زوجك غير وضعك ببيت اهلك يعني الحين صرتي مهمه وعليك يتوقف سعاده البيت او تعاسته اي والله من جد اكلمك انا والله للحين ماقدرت اتزوج وللحين احاول اجمع وربنا يسهل ربي يغنيكم ويفتح لكم من فضله |
أولا أهنيك بزواجك و أتمنى لك السعادة
و ارحب فيك أخت عزيزة ثانياً حبيبتي أنت في بداية مرحلة جديدة من مراحل حياتك و زوجك مثلك و جزاك الله خيرا على صبرك و تقديرك لظروفه اصبري و زوجك مثل ماقلتي عنده التزامات مالية و حاولي توصلين له المعلومة بهدوء>>انك ما تصرفين كثير و بيني له انك تقدرين جهوده و تفرحين بهداياه و كلها فتره و تتحسن ظروف زوجك المادية بإذن الله و إن شاء الله ترتاحون بعدها |
يعني كلكم ضدي مشكورين .............
بس انا وربي مااتطلب عليه بشي كبير بس الي احتاجه وبس يعني من رايكم ....... اني اطلب الي احتاجه ولا مااطلب الي احتاجه ؟ |
عزيزتي لست ضدك
ارجعي لردي و ستعرفين أن تصرفك المتزن في الصرف أعجبني أنا ققط أرد أت تفهمي أن الضغوط المالية على الزوج في بداية حياته الزوجيه أمر طبيعي هذه الأيام و أريد أن أعطيك معلومة ربما تدركين صحتها كلما زادت خبرتك الرجل يحمل هم الديون بشكل لا تتوقعينه لأنه لا يحب أن يكون مقيد لهذا يحاول أن يقتصد قدر استطاعته أنا معك و لست ضدك وفقك الله |
مشكوره اختي ......اطايف........... على نصايح والله يوفقك في دنيا ولاخره .....
وسمحيلي اقول عنك انك عقلك كبير وتعرفين حل مشاكل وتعرفين تتصرفين ....... مشكوره |
اختي مبروك الزواج وبالنسبه للمصاريف اذا ساعدتي زوجك الان بضغط المصاريف بالاخير سيعود هذا على راحته النفسيه واذا كان يقدر تضحيتك معه فانتي الربحانه بالاخير والله انشاءالله يوفقكم ويرزقكم بالذريه الصالحه ويسعدكم :25:
|
أولا مبرووك الزواج والله يسعدك....وثانيا حياك الله .... ((وانا ماخذ االا 300 ريال في شهر بس ............ في ذمتكم كثير ؟))>>>لااا مو كثير عادي والله يبارك فيه... ((وانا من تزوجت مارحت سوق لان قبل زواج قضيت ثياب دنيا حق زواج ))>>>ما شاء الله عاقلة... ((وانا مو بطناويه امشي اكل ولا اطلب كثير من مطعم ))>>>شئ جيد إقتصاديا وصحيا ... طيب ..إسأليه ...ما هو الشئ المطلوب مني أتركه عشان ما أكون مسرفة ؟ وننتظر الإجابة ... |
حبيبي لما تطلبي اطلبي بأسلوب يعني انتي مرا و تعرفي هالشغلات يعني شوية دلال ودلع و :rolleyes:ما تنسي لازم تختاري الوقت المناسب ودايما قوليله انك مقدرة الظروف وما تردين شي غير سلامته ووجوده في حياتك:21:
ونصيحة مني لاتخلين كلامك الحلو دئما مربوط بطلب لأن حتى لو كنت بس تقولين كلام حلو رح يقول خير ان شاء الله شنو الطلب هالمرة:( |
لا تاخذي بكلامي انني اقصد زوجك ولكن هناك من الرجال مافي مره صرح لزوجته انه الحاله تيسرت!! دائما ما عندي ومن وين اجيب لك الى اخره من الكلمات التي لا تفارق فاه ! فاذا كان الصدق والشفافيه والصراحه والثقه هو شعاركم فمن وجهة نظري تتحملينه شوي الى ما يفرجها الله فالذي يخاف الله عمره ما بيبخل عليكي ابدا وبيحطك في عينه وما بيقصر فيك
واسأل الله العلي القدير ان يوفقكما في حياتكما الزوجيه |
| الساعة الآن 11:14 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©