|
زوجتي عنيده اريد الحل!!!
فيها الكثير من الصفات اللي يحبها كل رجل ولكن عنيده وراسها يابس وتزعل لاتفه الاسباب
وللاسف تسمع الاغاني من وراي وكل وقتها تقضيه في المسلسلات ومتقاعصه احيانا عن الصلاه بتقولوا لي ليش ما سألت عنها من البدايه وعن اخلاقها ؟؟الجواب النصيب . مع العلم اني رجل محافظ على صلاتي وملتزم بتعاليم الشرع الا اللحيه مخففها شوي! وكل ما ابغي اسمع محاضره او اشوف شي مفيد تتضايق وتبغي تغير القناه على طول يا فلم او مسلسل او اغنيه فدلوني كيف اتعامل معاها بانتظار ردودكم الكريمه اخوكم ابو محمد |
اقتباس:
الا إن كنت تهزء فأنت كمن حاله من زحمة الالم ابتسم |
طيب ويش الحل يا بنت الناس ؟؟وقعت الفاس في الراس !
|
الله يعينك اخي اخي كم عمرها وكم لكم متزوجين وهل يوجدلكم ابناء؟ |
عمرها 26 سنه وداخلين عالسنتين ومافي اولاد والله يعافيك والقارئات الكريمات نزلت الجنين ميت رحمة الله عليه
|
للبيان فقط
الرجل قال فيها صفات زينة ولكن , لكن هنا للإستدراك ومعناه أن الصفات القادمة ماهي زينة .. يمكن من الصفات الزينة الجمال والسناعة والطبخ واستقبال الزوج مثلا ,يعني أمور ماذكرها الرجل عموما مسألة الأمور الدينية تحتاج وقت وجهد منك وتذكر (إنك لاتهدي من أحببت ) ليش ماتشيل الدش وتضع دش إسلامي لاموسيقى ولا مسلسلات , وحاول تأثر عليها شوي شوي .. وادع لها بصلاتك إن الله يهديها .. وسالفة العناد هذي كثيرة مرة في البنات خاصة الصغيرات , وتبي لها صبر , حاول لما تعاندك تمسكها بأصابعك الخمسة , مع يدها أو أي جزء من جسمها , وقل لها الكلام اللي تبيه يتنفذ .. لأني سمعت إن أصابع اليد هذي فيها كل الحنان والله تعالى أعلم . |
اخي الفاضل اصلح الله لك زوجك الحمد لله ان عيوبهاا لم تطال الدين بكبيره ولم تخرق الحياء او تخدشه انما هياا امورا ستتغلب عليها باذن الله فقط عليك الكثيررر من الحكمه والصبرر
اولا عنيده وراسها يابس وعلاجه بيدك ليس بالضرب ولا بالشتيمه ولا بشي يخدش الود بينكم فقط عليك بهجرها ان عاندت وامتنع عن الكلام معها والاكل والشرب الا ان تدرك غلطها وكرر هذا العلاج وصدقني متى ما ارادت ان تعاند تتذكر وقتها انك سوف تهجرها وسوف تمل لوحدها فتترك العناد ثانيا تسمع اغاني وتتفرج مسلسلات : هنا يأتي دورك اخي الكريم في حسن دعوه زوجتك الي الطريق الصواب بالحكمه والموعظه الحسنه اياك ان تمنعهاا فكل ممنوع مرغوب واياك ان توبخها فتنفرها ولكن حببها في القرءان والمحاضرات والاشياء الهادفه ازرع في قلبهاا مخافه الله وصدقني لن تسمع الاغاني لا من امامك ولا من وراك لانهااستشعرت مخافه الله ويكون هذا العلاج اولا بان تجلس معها جلسه وديه تذكرهاا باهميه الرجوع الى الله وبالموت الذي ياتي بغته وكيف اخذ فلان وفلان واذكر لها قصص عن اناس والعياذ بالله كانت نهايتهم على شاشاه تلفاز او على سماع اغاني حاول ان تهديهاا كتاب عن حرمه الغناء وفساد المسلسلات وشجعها على قراءته واخبرها بانه لو قراته كله انك تسالهاا وش استفادت وتكافئهاا والله العظيم يااخي الفاضل باذن الله سوف يشرح الله لك صدرها ويردها الى رشدهاا ولا تنسى الدعاء الدعاء لهاا في جوف الليل فسهام الليل لا تخطيء ثالثا تفاعصها عن الصلاه: هنا مربط الفرس ثق بان اثنان لا يجتمعان في قلب انسان حب الحان وحب قرءان الغناء راس كل بعد عن الله وعن الصلاه وموضوع تقاعصهاا لابد ان تكون لك فيه وقفه حازمه بان تنبهها اولا لاوقات الصلاه وتيقظها وان كانت نائمه لتؤدي فريضتهاا ثانيا عليك بان تلفت انتباهها بان الصلاه مفتاح كل خيرر فان عادت لرشدهاا فانعم واكرم وان تمادت فهددها بالزواج عليها او ان تصلح شأنها وباذن الله سوف يصلح حالهاا اسال الله ان يصلح حال زوجك وثق اخي الفاضل لا يوجد زوجه كامله على وجه البشريه فالنساء خلقن من ضلع اعوج ولكن عليك كزوج نصحها والمبادره باصلاحهاا اسال الله لكم الذريه الصالحه والصلاح والرشد |
اخي انت الرجل و كلمتك لازم هي اللي تمشي .. لازم زوجتك تعرف هذه النقطه جيدا وقت ما تريدها ان تطيعك و تسمع كلامك تكلم معها بنبره شديده شوي .. طبعا ما اقصد انك ترفع صوتك عليها او تهينها .. لا .. تكلم معها بجد و حط عينك في عينها .. و حسسها انها لازم تطيعك .. المثل يقول الخيل من خيالها والمره من رجالها .. يعني اذا المره شافت زوجها حازم فانها تمشي صح .. لان بعض الحريم اذا شافت زوجها راخي لها الحبل شوي تتغلى و تتدلع .. الامر يحتاج الي وقت .. لا يمكن ان تتغير زوجتك بين عشيه و ضحاها .. طوووول بالك عليها .. وربي يسعدك .. |
بصراحة اعقب على رد الاخت ليتنى اسلى
نوح عليه السلام كان ابنه كافر ومع ذلك وقت الغرق طلب منه ان يركب معه والقصص كثيرة ولا تنسى اخى الكريم هذه الاية .( ضرب الله مثلا للذين كفروا امرأة نوح وامرأة لوط كانتا تحت عبدين من عبادنا صالحين فخانتاهما فلم يغنيا عنهما من الله شيئا وقيل ادخلا النار مع الداخلين).. اخيك هون عليك وابدأ المشور الصعب فأنت من الرجال الأقوياء وستشعر بذلك حينما تمر الأيام .. اعتذر عن الاجابة السريعة |
فعلا انا مع الاخت اميرات لابد ان تجلس معها وتصارحها وانت الرجل بيدك الحل كلمتك هي اللي تمشي
واحسن شي طلعها بجو رومنسي وعشها وكلمها بالموضوع لعل وعسى ربي يهديها |
| الساعة الآن 11:46 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©