جزيرة موريشيوس ..
 

حبيت ابارك لك بالزواج
واقول احسنت في اختيار المدينه هاديه وجميله جدا انا بصراحه لم اذهب لها لكني قبل سنتين كنت ناويه اروح وبحثنا عنها وقرئت عنها كثيرا فعجبتني جدا جدا لكن حصلت ضروف منعت السفر
ربنا يسهلك ويعينك ويتمم زواجك وسفرك على خير يارب

اخوي اذا عزمت تروح اتفق مع مكتب السفريات ان البكج يكون لشهر عسل علشان يتوصون فيكم ويسون لكم اجواء خاصه

الله يوفقكم اخوي ويسعدكم

السلام عليكم


هذه بعض الروابط وان شاء الله تفيدك اكثر



جزر موريشيوس إبداع الخالق .. جمال الطبيعة .. معلومات متكاملة .. وصوووور أخاذه



جزيرة موريشوس..صور


في امان الله

الله يوفقك اخوي

انا سافرت لها بس مو شهر عسل لا بعد سنتين من زواجي وبتكلم عن فتره سفري من سنتين تقريبا

وبالنسبه لسعر التذاكر 7 الاف ريال ذهاب وعوده والسبب انها بعيده وبالخطوط الامارتيه

صرفنا فيها في 6ايام قد الي صرفناه في شهر العسل في 22 يوم :) والفرق موريشوس وماليزيا :)

الجو رائع بروده منعشه بس السكن غالي :) والمواصلات بعد




بنصحك نصيحه لوجه الله موريشوس رائعه جدا وانا اعجبتني بس انا بنصحك زي ما نصحت اخوي ما تنفع شهر عسل اوكي بعد الزواج جدد حياتك وروح لها بس شهر عسل لا ؟؟

والسبب انها بعيده وصغيره بسبب بعدها تذاكرها مرتفعه وما تقدر تجلس اكثر من اسبوع عشر ايام حرام وما فيها تمشيات كثيره
والواحد اول زواجه يبي نشاطات تكسر الحاجز الي بينه وبين زوجته بس اذا هو وياها متقابيلن ما راح يصير شي ولا راح يكون فيه ايام وليالي هنيه ولا رومنسيه الي متوقعها لان فيه حاجز موجود ولو كنتوا تمونون على بعض

انا صاحبتي راحت لها شهر عسل والله رجعت متضايقه تقول وع شينه شلون مدحتيها قلت لها انا مدحتها رومنسيه مو شهر عسل بالعكس شهر العسل حلو مكان فيه اكتفتي ونشاطات وحركه
وفعلا بعد سنه من زواجها احتفلت في ماليزيا تقول فرق حسيت اني احب زوجي :)
اتمنى تكون الصوره وصلت


وعلى كلا اخوي ناوي النمسا :)

وانا احب ماليزيا بس جوزته الحلوه ما تبيها :)


فانت تشاور مع المدام وفكر زين

والله يوفقك

ماقصرتو وبيض الله وجوهكم وبلغكم شهر رمضان قووولي امين

اخوي بعد ماقريت كلامك وربي غيرت كلامي وتخطيطي لن حسيت في كلامك المنطقيه واقتنعت منه وشورات المدام وقالت هو الصح في كلامك اخوي

لي ذلك قررت باذن الله ماليزيا 12 يوم و 5 ايام في دبي نحظر المهرجانات هناك ..

لن همنا تكون مدة شهر العسل طووويله

فايليت اذا تقدر اخوي تعطيني برنامج جميل ورائع في ماليزيا .وكم تتوقع اصرف اكثر شي مع التذاكر في ماليزيا ومارايك في البرنامج اني اكون في ماليزيا 12 يوم ودبي 5 ايام

قوووول امين اطال الله في عمرك على طاعته

ماليزيا ماتكفيها 12 يوم
ودبي حر وش تبي فيها ماهنا شي يستاهل انك تقضي فيها 5 ايام

وبالنسبة لماليزيا رخيصة فندق خمس نجوم مع التذاكر مايجي 20 اقل

وكل شي هناك رخيص

ولاتنسى السوق الصيني

والرحلة المكتب السياحي يظبطها لك

عندك بيننق
وجنتنق لاتنساهن

ادخل العرب المسافرون رح يفيدونك اكثر

انا رحت موريشوس بشهر عسلي مررررررررررة انبسطت روقااااان على الاخر ولاننا حجزنا بكج شهر عسل عملو لنا حركات روعه واعطونا هديه عشا على البحر على ضوء القمر والشموع روعه واعطونا قائمة العشا بأسامينا يعني كل طبق يدخلو فيه اسامينا وجابولنا كيكة على شكل قلب مكتوب عليها last name تبعنا يعني لقبنا طبعا لقب زوجي لانه عندهم الحرمه زي لقب زوجها
كنا في المطعم بس اانا وزوجي واثنين يعزفو لنا على الجيتار جو خيال ولا بالأفلام حتى من دون مبالغه
ومدامه شهر عسل لازم تصرف وتتهنى انت وزوجتك وخلي الزنقات بعدين لاحق عليها
بس طبعا بما انها صغيرة جلسنا فيها سبعه ايام وبعدين رحنا جنوب افريقيا لأنها قريبه منها تقريبا وكانت رحله روعه وتاريخيه بالنسبه لنا
ماليزيا بتحس كانك في السعوديه من كثرة السعوديين عن نفسي هذا الشي يضايقني يمكن انت بالنسبه لك عادي ما ادري والله!!!!!!!!!!!!!!!!!!
انا افضل الاماكن اللي ما استهلكت كثير تحس لها رونقها
ماليزيا مع احترامي للأراء خلاص القاصي والداني راحها
من رأي انت تكتشف المناطق الجديده العالم مليان جزر واماكن روعه
رحت ماليزيا قبل سنتين ماطقت نفسي 9 ايام غيرت الحجز ورجعت
على العموم الله يسهل امورك ويكتب لك كل خير