منتدى عالم الأسرة والمجتمع - ستيك العجل مع معجون الزبده الحاره

السلام عليكم اخواتي

هذي اول مره اشارك معاكم في قسم المطبخ والاكلات .. واتمنى ان اول مشاركه لي معاكم تعجبكم
هي صحيح مشاركه متواضعه لكن اتمنى انها تعجبكم

طبق الستيك مع معجون الزبده

تاخذي لحم الستيك (عجل صغير )
تقريبا 3 قطع صغيره وتكون فيها شحم بسيط ... ملاحظه (يكون الستيك سميك)

ملعقة طعام زيت زيتون
ملعقة شاي فلفل اسود (او حسب الطلب)
ملعقة شاي ملح

تخلطي زيت الزيتون مع الفلفل وبعدها تقومين بدهنها على الستيكات (لاتضيفين الملح)

ثم تضعين الملح مباشره على الستيكات قبل شويها في المقلايه

تضعين الستيكات في مقلايه (بدون اضافة زيت ) لان زيت الزيتون سيقوم بالمهمه

تقومين بتقليب الستيكات بشوكه .. حسب درجة الاستواء المفضله لك..

بالنسبه لي ... اقلبها لحد ما اشم رائحة الستيك اللذيذه ...

معجون الزبده:
تاخذي 4 او خمس قطع صغيره من الزبده
فلفل حار قطع صغيره جدا
ثوم (حسب الرغبه)
ملح (حسب الرغبه)
كزبره
ثم تخلطيهم حتى تصبح عندك على شكل عجينه .. ملاحظه .. انا احتفظ بها في الفريزر او الثلاجه ... لاي طبق ثاني سواء ستيك او بطاطا مشويه

عند التقديم .. تضعين الستيك مع بطاطا مشويه او مقليه وشرائح الخضار ... و قطعه الزبده فوق الستيك وتتركيها تذوب بعشوائيه فوق الستيك الساخن

وبالهناء والشفاء