محتاجه مساعدتكم جزاكم الله خيرا
 

اخواتي واخواني ابغى مساعدتكم ووقفتكم معايا
بكره السبت في مناسبه وحابه اعمل لزوجي مفاجئه
فكرت اني اعمل في البيت بس معايا حماتي لان المناسبه حابه نكون انا وهو بس
وفكرت اني اعزمه بره بس اتمنى تساعدوني بمكان في جده حلو ورومنسي واهم شي اسعاره ما تكون عاليه ارجوكم ساعدوني ضروري

اهلين
عندك بجده المطعم الدوار اللي في الحمرا أو اعتقد يقولوا شارع الاندلس مرة فخم وخدمتهم راقيه بس الاكل عادي مو مرة لذيذ بس ماعندهم بارتشن اذا هذا الموضوع يهمك وسعرهم غالي شوي يعني لو طلبتي طبقين رأيسيين مع شوربة مثلا يطلع لك بــ600 ريال تقريبا
بس يهون بالنسبه لفخامة المكان......
واذا تحبي التغيير في مطعم كان ياما كان بس ناسيه اسم المنطقه اللي موجود فيها هو تقريبا طرازه شبه لبناني أو مصري شعبي يعني ديكوراته تقريبا زي الخليلي, انا مرة عملت فيه حفله لزوجي ومن ضمن خدماتهم يعني لو تبغي انت ممكن يجيب الكيكة بزفه الدبكه مرررررررة كانت روعه وهيصه يعني كل طاقم المطعم يمسكوا الدربكة او الطبله الكبيرة ما اعرف اسمها المهم ويجو خلف اللي ماسك الكيكه ويغنوا مرررررررة روعه كان حلو كان نوع من التغيير واتوقع كان احلى عشان كان ميلادو فكان افضل يعني مهو رومانسي بس هادي الزفه سعرها اضافي .
وماشالله جده مليانه مطاعم ومقاهي حلوة ما اعتقد راح تغلبي...
واذا محتاجه اي مساعده انا في الخدمه
اتمنى اكون افتدك
تقبلي مروري

ااااه نسيت اقولك سمعت انه المطعم الفرنسي اللي في الهيلتون مرررة حلو بس انا والله مارحته

عندك الجزيرة الخضراء على الكورنيش مقابل العمارتين الطويلة جدا على الكورنيش مطعم حلو فوق الماء وديكورة خشبي مثل السفن وأسعارة مو غاليه مرة يعني في حدود 300 يكون الطلب جميل

لكن الأفضل تكون وجبه غداء حتى تستطيعوا النظر إلى البحر والاسماك الصغيرة تحتكم أما الليل فجيد

اختي انثى جريحه الف شكر حبيبتي
مررررررررررررررره شكرا على ردك واهتمامك
طيب ممكن سؤال
الزفه حلوة مره فكرتها بس كم يجي سعرها؟
لاني عامله ميزانيه لكل شي

الف شكر على هذا الاقتراح
وجعله الله في ميزان حسناتك

عندي خيارين
جاتني فكرة مطعم رومنسي عالبحر ادا ممكن احد يفيدني
اخواني واخواتي سمعت عن الملتقى ايش رايكم فيه ؟طيب والكزار؟
انتظر ردكم