|
حماتي وتدخلها في حياتي
انا ساكنه مع اهل زوجي (والده ووالدته) ابو زوجي الان هو مسافر وراح يرجع بعد شهر
ابوه من النوع اللي يتدخل في كل شي لانه كبير في السن ومتقاعد و والله اتبهدلت منه ومن كلامه سرت اتحاشى اني اشوفه عشان لا اسمع منه كلام وسارت مشاكل تافهه وكان يسب ويرفع صوته ولكن كنت اخلي زوجي هو اللي يكلمه لاني لو كلمته ممكن من الغيظ اغلط عليه بس ربنا ستر والان بدات حماتي في التدخلات مع اني احاول اتقرب منها واقعد معاها واعمل اكلات تحبها واحيانا اقول لزوجي نخرج معاها عالبحر وطول ما هي قاعده تعطي اوامر بس هي بهدلتني بمشاويرها لان زوجي هو اللي يوديها ويجيبها وما قلنا شي حتى اول ايام زواجي اللي يسموه شهر عسل كان كله تقضية مشاويرها يوديها ويجيبها وانا كنت اغلي وساكته ودحين تتدخل في اولادي في كل حاجه ولا وتحاسبني عليهم ليش ما اكلتيهم وليش ما غيرتيلهم وليش وليش .... انا مو معقوله اجيب الاكل واقعد قدامها وااكلهم واحيانا اكون با انظف وبا انشغل عنهم والله طفشت منها حتى احيانا اعاند وما اعمل اللي تبغاه عشان لا تتعود تعطي اوامر ما اعرف ايه اعمل معاها طفششششششششششششت منها حتى سرت اسلم عليها وامشي ما اقعد معاها لو كنتو مكاني ايش راح تعملو ادعولي اسكن لحالي عاجلا غير اجل |
[info]الاشراف: ينقل إلى مكانه المناسب (عالم المتزوجين) [/info]
|
السلام عليكم ...
انا مقدرة لوضعك وشعورك ... ولكن اصبري واحتسبي فيها الأجر وكأنها والدتك ..مع المداومة على الدعاء والاستغفار بنية الفرج ... وصدقيني ...قد ما تبريها ...قد زوجات عيالك يبروك .. الله يبلغك بعيالك ويفرج همك دمتي في حفظ الرحمن,,, |
بصراحه اكبر مشكله هي السكن مع اهل الزوج وهي اللي تكون اساس المشاكل بين الزوجين الله يعينك حبيبتي والله اني مقدرة اللي انتي فيه الله يصبرك ،،، مافي اي حل غير انك تصبري و تحاولي تطنشي عشان ما تنكدي على نفسك وعلى زوجك |
اقتباس:
والله انا دايما ما اجيب سيرتها قدام اهلي الابكل خير بس حابه افضفض عن اللي فيني لكم وتعبت منها الف شكر على هدا المرور الكريم |
حبيبتي انا مثلك :( دايم يدخلون بس انا ساكنه لحالي .........تصدقي حتي في ملابسي ....يدخلون
ودايم مشاوير وزوجي هو الي يسمع الكلام من بد اخوانه ... فمشاوير كلها على زوجي ... بس وش اسوي غير اصبر واطنششششششششششششش على الاخر .....ولا احسس زوجي اني متاضيقه من اهله في تدخلتهم لان مومن صالحي ... اذا تبين تكسبين الرجال حسسيه انك تحبين امه وابوه .... ولاتنسين انا زوجك عاش فتره طويله مع اهله يعني 24 سنه او اكثر ...... وانتي ماعاش لا سنه او سنتين او ثلاث او اربع فايمكن اذا فتحتي الموضوع راح يوقف معهم لان الزمن له تاثير ... وتقبلي مروري ......:) |
اقتباس:
يعني ايه اللي راح اعمل غير اطنش ما حاقدر اضاربها ولا ارفع صوتي عليها مع انه عندي سلفتي (زوجة اخ زوجي)وهي سلوفاكيه تقدرها وما تزعلها ابدا يمكن لانها غريبه عنها وانا ما همها فيا وما تحسب اي حساب ليا الله يصبرنا على ما ابتلانا |
اقتباس:
وهو كمان مشتكي من تدخلاتها بس ايش راح نعمل وما يبغى يطلع بيت تاني الا لمن يشتري بيت>> يا ليل ما اطولك بس انتي ممكن اختي تخففي روحتك لااهله مشكوره ومقدره مرورك اختي الحبيبه |
ياحبيبتي انا ساكنه مع اهل زوجي لي 8 سنوات
عانيت مو بس من ابوه ومه عانيت من تدخل عمه وخالتوه فيي حياتي بكل شي والله ان امه تخل غرفتي وتشم ملابسي المستعمله وتقول بشوف ريحتها وملابسي الداخليه وطبعا كل اقاربنا يعرفون عن هذا تخبر اناس عن كل |
معليش بكمل ردي نزلته بالغلط
طبعا لمى اشتر اي شي لو صابونه يد غبيتها عنها لانها تزعل تحس اني اكلف على ولدها ولو تلقها تزعل واخوات زوجي لمى يجون يقلون لي انقلعي انتي دايم على روسنا روحي اهلك ازعجتينا ويطردوني من بيتي وزوجي يرفض يوديني اهلي لان اخواته كل يوم عندنا يقول ماتروحين لاهلك الامرتين بالسبوع شفت اهنات كثيره وقويه تحملتهم وصبر وماكنت ارادهم ابدا اذا تضايقت بكيت ورحت ادعي والله العظيم انهم الحين شايليني فوق روسهم خليتهم يحبوني غصب عنهم لي تقريبا سنه ونص ربي رحمني الحين خالتي كل تكلم الناس وتمدح فيني وتقول انها صارت احسن من بناتي بعد ماكانت تسبني انصحك اصبري ولاترادين ولاتعاندين لانه مو من صالحك لان زوجك راح يكون بين نارين ادعي ولمى يجرحونك سوي نفسك مو فاهمه وابتسمي واذا كان بصيغت امر قلي انتو تامرون امر والله لو قلوبهم حجر بتلين انا عارفه وش كثر تعانين لاكن مافي مثل الصبر عاقبته حلوه الله يحنن قلوبهم لك ويسخرهم امين |
| الساعة الآن 07:26 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©