عاجل تعالو الله يفرج همكم كيس دهني على المبيض اكتشفته قبل زواجي بشهر بموت رعب
 

بسم الله الرحمن الرحيم

اعذورني حبايبي ماعندي وقت مافيني اعصاب احط مقدمه لان اعصابي تالفه ومنهاره تماما بدخل بالموضوع على طول
تذكرون يوم اكتب في انتفاخ بالجهة اليسرى تحت البطن واحس بغازات دوم في هذة المنطقه اليسرى وخاصه مع ايام الدوره وبعدين رحت استخدمت مبيض قبل الزواج اخذته من الصيدليه حسبي الله عليه عشان تبيض المنطقه الحساسه

وراح قشر لي المنطقه كلها والتهبت المنطقه وقدني من اول احس بتورم في المنطقه اليسرى المهم مع الاتهاب حسيت بزياده في التبول رحت عند الدكتورة قالت لي المثانه ملتهبه ممكن عشان كريم التبيض الى استخدمتيه خلى فيك التهاب المهم انه سوت تحاليل تطلع كل شي عادي المهم قلت ابغى اسوي الترا ساوند تلفزيون قالت مايحتاج شكلها دكتوره مو شاطره بالمره المهم الصاعقه انها يوم سوت الترا ساوند

شافت كيس على المبيض في الجهه اليسرى وبعدها انصرعت ارتعبت قالت ماتخافين هذا شي عادي يطع للبنات واحيانا حتى لصغيرات السن واحيانا حتى مع الولاده الطفله الصغيره ممكن يطلع فيها هذا الكيس


المهم حولتني لطبيب استشاري لنساء والولاده عندنا بالشرقيه وقالي كيس دهني فيه اشياء من الداخل مثل اسنان وشعر ومدري ايش قالي كمان يسمونه ورم حميد انا من يوم قال انه ورم وانا خلاص اسودت الدنيا بيعيوني يعني اصبت بحاله انهيار وتركت الاكل وكل شي زواجي بعد شهر وربي منهاره قالي حجم الكيس (9) واسمه( درمويد) ويقولي كثير كل شهر لازم تجيني وحدة فيها هذا الكيس فوق المبيض وراني وحدة حامل ومعها هذا الكيس بس حجمه 5 بس انا كببير

قالي الاحسن تشيله عشان مايكبر ونسوي لك عمليه ياهووو ياناس انا على وجه زواج اروح اشق بطني قالي شق صغير مايبان قلت طيب ممكن بعد الزواج قالي ممكن بس عشان لو تبغي تسافري وتهيصى احسن لك ترتاحي وقالي ان بنت اخوه فيها نفس الكيس واكبر منه بكثير ويقول انه شال لها المبيض وقناه فالوب ويقول انتى انشاء الله ما نطر نشيله

وربي انى تدهورت نفسياا ومعنويا وخاصه يوم بحثت في قوقل عن اسم الكيس لقيت كلام يرعب انه 99% ورم حميد وممكن 1% ورم خبيث او يتحوول لخبيث

سالت الدكتور قالي انه خبره بهذا المجال 35 سنه هذا النوع ما جا منه خبيث غير 3 حالات من اشتغل في هذا المجال وربي خلاص صر ت منهاره وخايفه يطلع خبيث

وانحرم من العيال للابد ابغى اعرف احد فيكم سمع عنه او احد لها تجربه شخصيه في هذا الكيس او الورمه

ارجوكم وش تنصحوني اشيله قبل الزواج او بعد الزواج اخاف زوجي يعرف يتركني او يقول ماتجيب عيال مع ان الدكتور قالي كثير سوووها وعنندهم درزن عيال .... وهل المبيض الايسر خلاص صار ماله اهميه ولا بعد مايشيلون الكيس يرجع طبيعي وربي خايفه بموت بموت



ملاحظه
وارجووكم ابغى تجارب شخصيه او اي احد سمع عن هذا الكيس او الورم ومابغى تسون مثلي وتعطوني معلومات من قوقل او احد المواقع لاني قريت تجارب البعض انه اختفى الكيس او انه صغر ارجووكم ابغى تجارب او عن اي احد سمع عنه من قريب وياريت دكتوره تجاوبني

الله يشفيك وانا اقولك خلي بعد الزواج شيلي مادام زواجك بعد شهر ........واذا كان هو مايأثر عليك ان شاء الله

اشكرك اختي بس اخاف انه يكبر ابغى احد مر نفس تجربتي هل في خطر

ولان كمان في ناس يقولون انه اختفى منهم مع الادويه العشبيه والعسل والقرايه ياريت اعرف تجاربكم

وين الدكاتره في المنتدى وينك يادكتوره بنت النيل وين اهل الخبره وربي مالي غيركم استشيرة وتنصحووني

مع العلم افيدكم ان دورتي دائما والحمدالله منتظمه هل هذا يؤخر الحمل

اشكرك كل الشكر وانا الحمدالله مداومه على الاستغفار يارب يارب الله عندة كل خير

يعني تتوقيعن السبب الأول من الكريم ؟؟؟؟؟

أو الآلآم هذي من قبل تستخدمينه ؟؟

وتفائلي خير إن شاء الله الموضوع سهل

الله يشفيك
شيليه الان كى تكونى تشافيتى وقت الزواج وجسمك مستعد للحمل
وزوجك بيتفهم حالتك

ا كان السبب في بدايه المشكله الكريمات لان فجئة كثر التبول وكان السبب في عمل الترا ساوند وبكذا اكتشفته لكن كثرة التبول راحت الحين