مساعدة أرجوكم((حرارة في الصدر))
 

السلام عليكم

بنات بدي مساعدة سريعة الله يرضى عليكم

انا ولدت من أسبوعين و عم رضع طبيعي اليوم صحيت من النوم على وجع و حرارة في صدري الشمال و كان ينزل حليب كتير جربت انه أرضع بنتي منه بس وجعني كتيييير وجع مو طبيعي اول ما لمست صدري و ما كملت صدري لهلا عم ينزل حليب و موعارفة كيف اتخلص من الحليب لانه صعب أرضع منه ؟؟؟

بليييييييييييييييز بدي مساعدة بسرعة حاسة الحرارة عم تطلع على جسمي كله

حبيبتي مافي حل غير انك تطلعي الحليب وتتخلصي منه ادا عندك الة شفط هو راح يتعبك بس اتحملي
لان الحراره والالم من تجمع الحليب نزليه اول باول

انا كتير خايفة لانه عنجد مؤلم كتير عم حاول أعصر صدري عم ينزل كميات قليلة .. جربت ارضع بنتي بس كتيييييير وجعني طلعت روحي .. ما في طريقة غير الشفط ؟؟

حبيبتي ممكن تعملي كمادات دافئه ومساج بزيت الزيتون من الداخل للخارج باتجاه الحلمه
وانتي شكلك دوبك والده مشان هيك بتحسي بالام
اهم شي انك ترضعي بنتك او تتخلصي من الحليب قبل ما يتملئ اول باول
والف سلامه عليكي حبيبتي والله حاسه فيكي بس اهم شئ هدي بالك ولا تتنرفزي
والله معاك

شكرا لجميع من حاول المساعده
انا رحت للدكتورة وطلبت مني اعمل كمادات مي سخنة و باردة واعطتني مخفض حرارة و قالتلي لازم أتخلص من الحليب عشان ما يعمل سخونه

الف حمدلله على سلامتك
وربنا يطمنا عليكي دايما ويخليلك الزغنونه الحلوة
بس هدي بالك حبيبتي وربنا يسهلك

الله يسلمك اختي و يبارك فيكي يارب و ألف شكر على متابعتك واهتمامك بالموضوع