|
زوجي دائماً يقيدني .. ويضربني .. حتى تأذت طبلة أذني
السلام عليكم ..
أنا بنت متزوجة من سنة تقريباً .. أقف عند زواجي وأتذكر كيف كنت خائفة من زوجي وكيف راح تكون حياتنا :( طيلة هالايام تجيني مشاعر غريبة .. هل انا مقتنعه بما آل عليه زواجي أم لا ؟ زوجي طيب ويحبني بس المشكلة انه .. يضربني .. !!!! وليس كأي ضرب .. ضرب شديد جدا ومؤلم جسديا ومعنويا ودائما اصحى من بعدها وجسمي كله يؤلمني وانا ابكي ليه كذا يسوي مرة يقول انا آسف عيون الناس ومرة يقول انتي السبب !! لا أعرف ماهو السبب اللي يخلي الرجل يعطيها كفوف لدرجة يصير عندها فتحة في طبلة الاذن ؟؟؟ او انه يرميلها في الارض ويجلس يضربها على بطنها وهي طول اليوم تعاني من آلام ماقبل الدورة ؟؟؟ او يربطها بيديه ويجلس يستفزها انها هو الاقوى وهو القادر انه يتحكم فيها ويهينه ويجلس يضربها ؟؟؟ يتقطع شعرها .. تظهر العلامات الزرقاء ويحمر الجلد .. ومرة بغى يخنقني :( مااعرفله لمن يشوفني ابكي يضربني ولمن اصرخ بوجهه انه مايضربني يجي يضربني :( :( هل انا السبب ؟؟ صدقاً مافي سبب وجيه انا اقترفته يخليه كذا يسوي ويجي يقول انتي قللتي من احترامي بس انا هالمرة دافعت عن نفسي ودفعته عني حتى مايضربني بس ظل يضربني اشد قسوه عن قبل.. هذا اللي صارلي قبل كم يوم وقبلها مرتين وهالمرة أقوى .. هذا اللي مخوفني وماني عارفه وش اسوي انا ماعندي اطفال وقد كلمت اهلي بموضوع الضرب ولكن اهلي وخاصة ابي مايتفهمني .. !! انا خايفه ان هالموضوع يتكرر .. لاني في كل مرة يضربني يقوم يزعل او يتأسف ولمن يزعل لازم اجي انا اتأسف واحب راسه لاني خايفه من تبعات الامور وابي حل .. انا جدا طيبة وبسرعه انفعل وازعل وبسرعه اتصالح .. بس ماانسى :( |
مريض نفسي
|
هذا اللي مخوفني اكثر .. :(
الله يهديه يارب والله احبه |
والله لو هو شاف ان عندك ردة فعل قويه صدقيني مارح يتجرأ ويسويه.........والمؤكد من اللي تقولينه ان مريض نفسيا وانصحك انك تطلبيه يروح عند معالج نفسي..كان الله في عونك
|
الله يفرج همك......
اختي الظاهر ان زوجك مريض صراحه لو انا بمكانك مااقعد دقيقه اختي صراحه الي حسسني انه مريض (يربطك ويستفزك) وش الي مخليك تصبرين تخيلي مره وهو يضربك ذبحك ولا تخيلي عندك ولد مو ممكن يضربه اويذبحه مدام ماعندك عيال روحي لاهلك تقولين يحبك؟؟؟؟؟؟؟ اذا يحبك ويسوي فيك كل هذا اجل لو يكرهك وش يسوي اختي لا تزعلين مني الله يوفقك باختيار الحل المناسب |
الله يفرج عليك
|
السلام عليكم
اختي انا متابعه لهذا المنتدى من ثلاث سنوات ولكنني قليلة الردود بسبب رغبة زوجي ولكن ماقدرت اطلع من دون ماادعي لك وخليه يراجع طبيب نفسي يمكن عنده مشكله لانه بصراحه احسه يستمتع بالضرب وانتي عادي عندك كل اللي يسويه حتى لو اهلك ماتفهموك فيه جمعية حقوق الانسان تقدر تحميك منه ولا عليك من احد نصيحه لاتسكتين له اكثر من كذا ليه الدنيا فوضه ولا بنات الناس لعبه المفروض من اول مابدا يمد يده عليك وقفتيه عند حده الان بدا يتمادى اكثر واكثر صدقيني الرجل لايحب المراء ضعفية الشخصيه وفي نفس الوقت مايحب المتسلطه خليك وسط اعرفي حقوقه عليك وحقوقك عليه واجعلي خطوط حمراء عند الضرب الضرب الى الضرب وقلة الحترام الله يعينك ولاحول ولاقوة الى بالله |
عتريس افندي طيب كيف اواجهه .. !!
كنت فعلا ناويه اروح عند اهلي واظل عندهم بس اهلي مسافرين وهو المشكلة يهددني بأهلي ويقول انتي السبب لانك تغلطين علي بالكلام ؟؟ اقول انا مااسوي شي الا لانك ضربتني بالاول :( بس ماتجي للضرب وهالشي يستفر اي بني آدم واذكره بأيام الملكة يوم سألته ولمحتله اني مااحب الرجال اللي يضرب حرمته وقال ايوه وقاللي انه يضربها بدون مايطبع عليها علامات علشان يأدبها لان الرسول صلى الله عليه وسلم امر بهالشي ونهى عن الضرب المبرح .. !! |
ام مشموشة
امييين يارب الله يفرج علي وعلى الجميع هذا اللي مخوفني انه ممكن توصل لمرحلة اكبر وخلاص يصعب اننا نحلها انا ابي اهلي يرجعون من السفر علشان ودي اقولهم عن اللي سواه فيني صدقيني ماقلت غير لاختي ودعيت ربي كثييير اذكر يوم ضربني قلت له انت مريض اكيد متعقد وانت صغير لان ابوك كان يضربك كثيير :( اقوله اتقي الله انا لو اني رجال كان قدرت اردها لك بس المشكلة انا بنت وضعيفه ومااقدر عليك مااقدر ادافع عن نفسي :( |
سيرة الايام الله يفرجها على جميع المسلمين يارب :(
|
| الساعة الآن 03:40 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©