|
ساعدوني جزاكم الله خير (فكرة هدية)
السلام عليكم ورحمة الله وبركاتة
كيفكم اعضاء هالمنتدى الرائع اللي استفدت منه فايدة عظيمة من قبل لاأتزوج ومن تزوجت مادخلت ههههههههه:24: <--- قاطع والحمد لله مر على زواجي اكثر من سنة ولله الحمد والمنة والله لا يغير علي ولا على زوجتي السالفة ببساطة زوجتي مابقى شي وان شاء الله بتولد ابي اجيب لها هدية حلوة وافرحها فيها كفاية عليها الحمل مهبل فيها ابي منكم اي فكرة تكفون ساعدوني بارك الله فيكم انا نويت اجيب عطر لكن جبت لها اكثر من مرة وابي اغير ابي شي جديييييد مرة وفكرة جونااان وشاكر لكم ومقدر اخوكم ابو شجون |
السلام عليكم ورحمة الله وبركاته ..
اول شي الله يسهل ولادتها ياربي ويقومها لك بالسلامة .. بس سؤال اذا ممكن عشان ممكن نجاوبك .. كم الميزانيه اللي حاطها .. واشكثر عندك من الوقت .. وان شاء الله لي عوده لانه عندي كم فكره :) |
هلا فيك اختي حاملة الهم الله لايجيب هم
وجزاك الله خير والله يعطيك العافية على ردك لاني منطق بالمنتدى احتري احد يرد ههههههههه بالنسبة للميزانية نقول 500 ريال ادري انها شوي بس الشكوى لله (كل شي صار غالي ههههههه ) والهدية مو على قيمتها والله لو كل اللي عندي ماراح اقصر معها بس لو رفعتها شوي بقصر باشياء ثانية وبالنسبة للوقت اختي مافيه وقت ابدااااا زوجتي لها يومين بالعاشر يعني يمكن اجي بكرة اقول ولدت وتحياتي لك والف شكر ومنتظر ردك على احر من الجمر |
منتظرررررر وبقووووووة ........
|
الله يقومها بسلامه بس بح بح المبلغ شوي موكل يوم بتولد وبعدين جابت لك شي مايقدر بملايين الدنيا هات لها جوال جديد بما ان الذهب بالعلالي واهم شي الكرت لا تنسى تكتب لها كلام حلو
|
هلا فيك
والله انا عارف ان هالشي مايقدر بثمن لكن الدنيا وظروفها طبعا فيه هدية غير هذي ومفاجأت مخطط لها من قبل بس بعد الاربعين حاليا ابي شي بسيط والله مو بخل لكن صعبة الواحد يتسلف والهدية مو بقيمتها الحين الاحوال ميب مثل قبل كل شي يختلف وكل شي صار غالي الله يعين الفكرة بالنسبة لي اهم من الهدية بمراحل لان الفكرة ترسخ بالذهن عموما منتظر الفكرة انا |
طيب رح لم درعة اذا انت بالرياض تلاقية بالمجد والعثيم مول
خذ شنطة مكياج تلاقي عندهم شنط حلوووة واسعارهم من الميتين الى ميتين وخمسين وخذ معها عطر فية عطور جديدة منها (بلاك اكس اس النسائي ,, بربري ,, عطر جديد عندهم اسمة فراولة وسعرة 150 بجد خطيرررر ذا العطر ) والله يسهل عليها وبالتوفيق لكم |
خاتم ذهب
او طقم ذهب |
اخي العزيز إن شاء الله تقوم بالسلامه
انا رائي علبت مكياج وقارورة عطر [info]عفواً لفظ المشيئة يكتب هكذا (إن شاء الله)[/info] |
السلام عليكم والله انا احب الرومانسية يعنى كافية تعمل ليلة حلوة وتولع شمع وتشترى ورد على عشا توصى على من برة يعنى شى بسيط الله يسعدكم مع حبى
|
| الساعة الآن 05:14 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©