البنات الموظفات غير المتزوجات ..تعالو شوي ..
 

السلام عليكم ورحمة الله وبركاته

ياجماعة أنا حابة اخطط لحياتي شوي بس مو عارفة إذا هذا التخطيط له أهمية أم لا

مثل مانتو عارفين انا موظفة راتبي الحمد لله جيد جدا ..

وماني متزوجة ..

وصار لي 3 سنين من توظفت ..ما ادخرت ولا ربع ريال

مع اني لما أرجع افكر شوي أشوف ان مافي شي يستاهل ضيعت عليه فلوسي

مرة غيرت غرفتي بالكامل ومرة شريت لاب توب

بس راتبي مايزيد منه ولا ريال

اللهم لاتجعلها رياء انا ربي حط في قلبي حب الصدقة

أتصدق كثير بفضل الله

وباقي الراتب مثل ماانتو عارفين فواتير جوال ومصاريف أكل وشرب ودلع بنات وملابس وغيرها

لأن انا أحب أشيل مسؤولية نفسي بنفسي

حتى الشامبو ماأحب حد يشتري لي

خلاص أنا كذا متعودة

لكن في المقابل مو من النوع اللي يشتري ذهب والماس وشغلات ماركة

وين تروح الفلوس ماادري

أشوف صديقاتي اللي توظفوا معاي ماشاء الله(سواء متزوجات أو غير متزوجات) مدخرين جزء من راتبهم

وتجمع لهم مبلغ محترم

بس انا لا

ماأدري ساعات احس أنه من الغباء إني أجمع فلوس

فأنا بنت ومو وراي مسؤولية وحتى لو بفكر بالزواج مو مسؤليتي

أجمع مهر ولا غيره

خليني مبسوطة بلا زيادة هم

وساعات أقول لا خليني أجمع لي مبلغ يفيدني يمكن ربي يكتب اتزوج مثلا ويجيني واحد على قد حاله واساعده

خصوصا اني من النوع اللي يصير على فكرة السكن المستقل بعد الزواج

وماعندي مشكلة اساعد في هالموضوع مدامه يجيب لي الراحة

وانا مقتنعة اقتناع كامل ان في هالزمن الوحدة لازم تساعد زوجها في المصاريف

لاني اعيش في بلاد الغلاء فيها فاحش

وبصرف النظر عن الزواج اللي يمكن مايصير أصلا

هل تعتقدون بضرورة الادخار

أو أعيش على البركة

يهمني رايكم وأسمع تجاربكم ..

أعتقد ان المكان الناسب لها الموضوع هو عالم المرأة ياريت تنقلونه

والله ي أختي


أفضل الإدخار في الوقت الذي تكوني فيه مرتاحه ولا عليكي مسئوليات


لأن لا سمح الله حيجي اليوم الذي تحتاجين فيه ريال واحد وهو ما يسمونه باليوم الأسود



طريقة الإدخار

طرقتي هي الجمعيات المعروفه





تحياتي

حطي استقطاع من راتبك .. ولا تفكرين فيه نهائي , سبحان الله مقلب الأحوال , قد تحتاجينه في وقت وتحمدين الله على وجوده ..

بصراحة عين العقل لمن تفكري بمستقبلك...أهلك مهم دايمين لك...و الزواج مهو مضمون..حتى لو أتزوجتي الرجل مهو مضمون...خططي أنت أيش تبغى من حياتك...ليش ما تمتلكي عقار..أرض ..أو فيلا ...قسدي سعرها شهريا من راتبك..يصير منه تحطي فلوسك في شي محرز ..بدل خرابيط البنات ..

جزاكم الله خير

أنا مفكرة استقطع جزء من راتبي في حال نويت الادخار

ومازلت محتاجة آراءكم

اختي انسان ماهو الاستقطاع؟؟؟

عذرا من صاحبه الموضوع


بالنسبه لاعذروها انا اسمع بفكره حساب ادخار يعني ماتسحبين منه وكل فتره تشيلين من حسابك وتحطين به
بس خلينا نفهم الاستقطاع شكله احسن

حبيبتي ادخلي جمعية واشتريلك ارض من الاراضي الرخيصة وانسيها مع السنين بيرتفع سعرها
وعلى فكرة دائما الاراضي اللي بشمال كل منطقة حتى لو كانت بعيدة هي الافضل لأن بناء المدن دائما للشمال كما أشار ابن خلدون .

ومن ناحية ادخار انا زيك ابدا ما اعرف ادخر ولو حاولت ارجع واصرفها