|
أختي بتتزوج مسيار وأن أحاول أقنعها ...ساعدوني بالنصح!
السلام عليكم والله أنا متابعة لهذا المنتدى الرائع من 4 سنوات يعني من يوم انضميت لنادي المطلقات الصغيرات:d والله حبيت تشورون عليّ وتنصحوني في المشكله اللي أنا فيها لأنه على قولتهم"غلب حماري" أختي الكبيرة عمرها تقريبا 37 سنة و هي عاشت مآسي من يوم عمرها 15 سنة ،اتزوجت ولد عمي و أخينا في الله طلع حبيّب و عاقب عشيقته بزواجه من أختي وبس بعد ما صالحته طلق أختي بعد زواج 6 شهور فقط!... بعد تقريبا 6 سنوات اتزوجت واحد مطلق وعنده ولد مريض عقليا ،والله والصدق ينقال الرجال كريم مررة وطيب مرة ،بس بعد تحاليل وحوسة مستشفيات طوال 4 سنوات قلها يابنت الحلال أنا ماأخلف روحي شوفي نصيبك! و طلقها وصارت نفسيتها سيييييئة وبعدين دخلت كلية وكملت تعليمها وبعد 4 سنوات بالضبببط رجعها ووقتها كان توهم طلعوا بأطفال الأنابيب وحاولوا كم مرة وصرفوا آلالالافات المهم بعد 4 سنوات كمان نجحت عملية طفل الأنابيب والحمد لله ...في هذه الأثناء والعائلة في قمة السعادة قام يشك فيها ويقول خرابيط وكلام شييين مرة، وسألت شيوخ ودكاترة كثيير قالولها هذا مريييض وهذا المرض كان فيه من سنييين بس مخبي.. المهم مرت التسعة شهور طبعا من اسوأ ما يكون وطبعا في بيت اهلي ،وولدت وجابت ولد... المهم ما خلصت الأربعين الا وهو راميلها ورقة طلاقها و فوقها المؤخر بعد مية ألف رياااال..... و طبعا هي انصدمت مرة لأنه كل هذي السنين والمحاولات ولما يجي الولد يصير كذا ...المهم مرت السنين و الحين لها 3 سنوات متطلقة و أبو الولد يجي ياخذه في الويكند ويمشيه و يصرفله راتب كويس...و طبعا هي ما تشتغل زي حال المئات من الخريجات.... المهم قبل أسبوع راحت عرس وكان فيه خطابه توزع كرتها ، ودقت عليها وقالتلها مواصفاتها وقالتلها الخطابة صراحة وضعك مرة شين متطلقة ثلاث مرات ولا انتي موظفة ...بعد يومين فقططط دقيت عليها وجابتلها عريس لئطة بس الشرط ايش............مسياااااار و طبعا من مجاميعه بيت و مهر وكلش حتى ولدها بتاخذه معها طبعا انا اتوقعت انها ترفض بس المفاجأة انها وافقت وباصرار والمشكلة الوالد الله يعافيه سلبي مرة قلها انتي حرة انتي مو صغيرة ...وامي مخرجة نفسها من الموضوع و انا متقطعة أحاول افهمها تقول حتى لو تطلقت مرة رابعة عادي علأقل أعيشلي يومين ..12 سنة وأنا في عذاب ما اتهنيت بشباااابي نص عمري قضيته ببيت أهلي.... شوروا عليّ أنا صح ولا هي.... |
لو إنها اختي
بأقول لها توكلي على الله وتزوجي للمرأة احتياجات وأحاسيس والمسيار زواج مجاز شرعاً ولا فيه اي شئ بعدين هذا ما قصر وفر البيت والنفقة وكل شئ بسسسسسسسس حق المبيت مو موجود فخليها تتوكل على الله وتتزوج بوركتم |
والله يا أختي ما تنلام اختك
من الي شافته وذاقت مرارته الله يرزقها بزوج صالح ويسر امورها الله يطعمها ولا يحرمها |
لايااختي انامطلقة مرتين ولاافكربحياتي اتزوج مسيااااااااااار مهماكان ليش مالي حقوق وبعدين حرام اخسر حياتي واخسرنفسي ولااؤيد تتزوج مسيااااااااار نصيحة قوووووليها وحذريها تراهابتمووت قهرزياااااادة خليهاتفكر قبل ماتندم وتستخيرربي وربي يعوضهابالزوج اللي يقدرها ويسعدهاااا
مهماكان لاتياس والحياة حلووووووووة وقوليلهاتتفاؤل وربي يرزقهاا |
بصراحة أنا لا أحب فكرة المسيار ... ولكن حسب شرحكِ فإن أختكِ مرت بظروف صعبة جداً .... و(تبهذلت) في حياتها كثيراً .. ولا أدري حقيقةً هل سيكون المسيار في صالحها أم أنه سيزيد من بهذلتها وتعبها.
في كل الأحوال ليس في يدكِ إلا أن تنصحيها بالسؤال جيداً عن ذلك الخاطب ... والاستخارة مرات ومرات حتى يفعل الله ما يشاء. |
لا لا لا لا ترضى بل سيكون مسلسل الماسأة سيستمر والله العالم ممكن تلقى واحد يأخذها الرابعة أحسن من المسيار
|
المهم ان الزواج شرعي وقانوني خليها تتوكل على الله
|
شوفي حبيبتي المشكلة في كلمة زواج مسيار !!!
بس, لكنه موفر لها بيت وبينفق عليها هي و ولدها يعني بالله وش فرقه عن الزواج العادي ؟ بتقولين انه زواج سري, يا كثر الزواجات اللي بالسر وبيجي يوم و بينكشف وبعدين ترا اغلب اللي يعددون كذا تكون زواجاتهم وانا اعرف بنات متزوجين كذا و لا يسمونه زواج مسيار ! باركي لاختك وادعي لها بالتوفيق... |
لو كانت أختي لوافقت
ياناس اتقوا الله بنت ظروفها تعبانة لهذه الدرجة يعني تكون بين اربع حيطان طول حياتها احسن خليها تتوكل على الله وتتزوج وان شاء الله بعدين الرجال بيسكن معها على طول اذا عرفت تعامله صح |
الله يفرج همها يارب
وربي يكتب الي فيه خير لها بالرغم من اني معارضه لزواج المسيار وبقوه وللاسف البعض استغله خطاء الا اني اجد فيه راحه اكثر ولدها معاها وكمان بيوفر لها بيت ويجيها ايام بالاسبوع متفق عليها وبتعيش مرتاحه شوي لامشاكل ولاقلق ولا واحد يغثها اربع وعشرين ساعه لاكن اهم شي تستخير وتسال الله ان يكتب لها ما فيه خير لها وتسال عنه ووعن دينه |
| الساعة الآن 03:26 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©