|
أخت زوجي غاضبه لحديثي مع صديقاتها
بسم الله الرحمن الرحيم
.. قررت اكتب لكم مشكلتي مع اني اشوف انا شخصيا ماتسوى انها تكبر لكن تفاجئة فعلا وحسيت انهم يدورون الزلة المشكله :: ذهبنا لحفلة عرس وزميلات حماتي جلستهم بجانبي .. وحماتي ذهبت الى البيت لأن زوجها مانعها من ذهابها للعرس .. الحديث اللي دار بيني وبين زميلاتها كالتالي (اخت حماتي الكبيرة شتمت بنت حماتي الصغيره شتم غير لائق ومخل بالاداب وكلام فعلا ماينقال .. فاالبنات اللي كانو جالسين معاي نظرو فيني نظرة استغراب انا قلت لهم لاتستغربون هم كذا ترى .. قالو عادي نعرفهم .. سولفت معاهم سالتهم كيف تعرفتو على حماتي ومن متى تعرفون بعض زي كذا )) اليوم الثاني كل كلامي هذا صار ضدي انا كلمت حماتي على اساس اسولف معاها فقط مادريت انها زعلانة منى ولكن تفاجئت قالت انازعلانة منك بااي حق تروحين تتطلعين اسرار من بيتنا .. ووانتي وشدخلك تروحين تسئلين هم من وين تعرفو على بعض انا قلت لها ليش هل تعرفتي عليها مكان غلط .. كلامي لها كان مجرد سوالف فقط .. قالت انا مالي تفاهم معاك وانا قد وصلت الخبر لزوجك اللي هو اخوها قالت اصلا انتي تبين اخوي يصير تحت أبطك :30: اناهنا عصبت قلت وش دخله هو لو انتي تتمنين لناالخير ماتسوين هالاشياء احنا بنات وفاهمين بعض قالت انا مالي تفاهم معاك وقفلت الخط في وجهي :( جاء زوجي وتفاهم معاي قال لاعاد تتدخلين بينهم ولا تتكلمين .. واليوم الثالث جات حماتي بيت اهلها وبعد ماطلع زوجي من الدوام طلعنا وشوفو كيف الازعاج بالجوال ليش تطلعون انا بطلع اتفاهم معا زوجتك وتتصل عليي جوال ولاارد عليها قال زوجي سكري الخط وقفلي الجوال ورسلت مسج كتبت ان كان فيك خير ردي وصارت طلعتنا زفت والسبه هيه ماتركتنا بحالنا الجوال ماهدا منها على اساس انها تبغا تجي تتفاهم معاي قالالها زوجي خلاص انا تفاهمت معاها .. اليوم التالي اتصلت ام زوجي قالت ليش تطلعون البارح وبنتي كانت تبي تطلع قلت لها ليش تطلع سبتني بالتلفون وسبت زوجي وتبغا تسبني في بيتي قالت لو طلعت البيت بيت ابوها <نغزة مقصوده وقوية ودار كلام كثير مع امه قالت ان ولدي تغير ولاصار يهتم فينا ولا شي وههذه كل السالفه ابي رائيكم لأن محتاره احس اني عايشه عند ناس عقولهم مدري كيف اي كلام يفكرونه شي ثاني ابي حل منكم واي اسئله تبونها مني اناحاضر علما انا ساكنه بالدور الثالث واهل زوجي تحت عفـــــــــــواُ تم تعديل العنوان لتوضيح المضمون الاشراف |
اختي الكريمه00 لا تكرهني بحبك00 لم اجد رد اوعظ من هذا00 لمن كان له قلب والقى السمع وهو شهيد
سأل الصحابي الكريم الفقيه بالحلال والحرام ومبعوث رسول الله في التعليم والقضاء والفتيا معاذ بن جبل رضي الله عنه قال: ((قلت: يا رسول الله أخبرني بعمل يدخلني الجنة ويباعدني عن النار ؟ قال: لقد سألت عن عظيم وإنه يسير على من يسره الله عليه؛ تعبد الله ولا تشرك به شيئًا، وتقيم الصلاة، وتؤتي الزكاة، وتصوم رمضان، وتحج البيت. ثم قال: ألا أدلك على أبواب الخير؟ الصوم جُنة، والصدقة تطفئ الخطيئة كما يطفئ الماء النار، وصلاة الرجل في جوف الليل. ثم تلا: تَتَجَافَىٰ جُنُوبُهُمْ عَنِ ٱلْمَضَاجِعِ يَدْعُونَ رَبَّهُمْ خَوْفاً وَطَمَعاً وَمِمَّا رَزَقْنَـٰهُمْ يُنفِقُونَ فَلاَ تَعْلَمُ نَفْسٌ مَّا أُخْفِىَ لَهُم مّن قُرَّةِ أَعْيُنٍ جَزَاء بِمَا كَانُواْ يَعْمَلُونَ [السجدة:16-17]. ثم قال: ألا أخبرك برأس الأمر وعموده وذروة سنامه؟ قلت: بلى يارسول الله. قال: رأس الأمر الإسلام، وعموده الصلاة، وذروة سنامه الجهاد في سبيل الله. ثم قال: ألا أخبرك بملاك ذلك كله؟ قلت: بلى يا نبي الله. فأخذ بلسانه وقال: كف عليك هذا. قلت: يانبي الله وإنا لمؤاخذون بما نتكلم به. فقال: ثكلتك أمك يا معاذ؛ وهل يكب الناس على وجوههم ـ أو قال: على مناخرهم ـ إلا حصائد السنتهم) دمتي بحفظ الله00 |
جزاكي الله خيرا
بس ودي احد يعطيني نصيحه اذا احد صار له نفس الموقف او شي محتاره معاهم ومااعرف كيف اسوي |
يا اختي الله يعينك
يمكن عشان زوجك مهتم فيك كثير وتروحون وتجون مع بعض (غيرانين من اهتمام زوجك) انا ام زوجي كان زوجي يمدحني كثير عندها ومايرفض لي طلب صارلي مثل ما صارلك وحماتي كل ماتجي بس تسب في زوجها وتقارن بين حياتي وحياتها يعني مااحد عايش مرتاح دايما اقول مدام زوجي انسان فاهم ويعرفني زين ماهمني احد يعني اذن من طين والثانيه من عجين وعشان عيون زوجي يهون كل شي وانتي ماشاء الله باين ان زوجك انسان فاهم وعارف اخته لايهمونك وقدامهم خذي الامر عادي وخلك بارده صدقيني هم يبون يطلعونك من طورك عشان يمسكون عليك زله اهم شي زوجك واكيد لو هم مو غيرانين منك ومن اهتمام زوجك فيك ماكان سوو كل هذا وانتي طالعه صدقيني طنشيهم اكيد بتحترق من داخل بس لاتبينين لهم والله يهديهم ويسخرهم لك |
اختي عشان تعيشي بسلام مع اهل زوجك اتبعي نظرية ..( لا اسمع ... لا ارى ... لا اتكلم) يعني خلي العلاقه معهم سطحيه لأبعدالحدود .. انا ما اقصد انك اذا قابلتيهم تمدي بوزك ... لا .. خليك عاديه وكمان مرحه .. لكن خليك ذكيه و في نفس الوقت حذره في التعامل معهم.. لا تتدخلي في خصوصياتهم ابد ... ولا تعطيهم اخبارك ابد .. يعني استعيني على قضاء حوائجك بالكتمان .. و ما احد يقدر يلومك .. في البدايه راح يكون الامر صعب عليك لكن راح تتعودين على هذه الطريقه و ترتاحين من القيل و القال.. |
يقول المثل
الباب إلي يجيك منه ريح سده وستريح ويقول المثل إبعد بعيد حبك يزيد تحياتي |
اقتباس:
سلمت يا أخت أميرات بالفعل كلام يخط بماء الذهب.. |
السلام عليكم ..
انتي طلبتي النصيحة فاسمعيها .. اخطاتي ..اخطأتي عندما قلتي لا تستغربون تراهم كذا ... انتي تكلمتي عنهم بما يكرهون ...فالآن جاءك ما تكرهين كنتيجة .. فانتي الله يهديك قلبك من اساس فيه شي عليهم ولا ما كنتي قلتي كذا .. ولنفرض ان العلاقة ليست جيدة اصلا ..لم يكن عليك التدخل .. وكان سولفتي في شي ثاني واتركي الناس .. انا عارفة بتقولين بس من باب السوالف ..وانا اقولك سوالف فيها اخبار استقصاء عن غيرك اتركيييييه خذيها مني نصيحة ... نجي للوضع الحالي مع حماتك .. رأيي تتكلمين معها بعد ما تهدأ وخذي معك هدية بسيطة واعتذري منها .. انا عارفة ان رد فعلها مبالغ فيه ..بس تظلين غلطانة ...فصالحيها .. وعلشان تفهمين الموقف زييين ...حطي نفسك مكانها ..وان اخت زوجك بعد طلعتك قالت مثل ما قلتي ...ما اظن بترضينها لنفسك .. الحل تتصالحين مع اخت زوجك وطبعا انتي حرة تاخذين بالراي أو تتركيه .. بس ابي مصلحتك ... وخذي الموقف كله درس لك ...ومولد مبدأ جديد لك ... ما اتكلم عن احد ولا اسال عن احد .. دمتي في حفظ الرحمن ,, |
حبيبتي لو بدك تجري ورا خوات الزوج مابتخلصي صدقيني انا من زماااااااااااااان مالي فيهم وحتى زياراتي معهم قليله
بحكم اي كلمه تتطلع مني بوصلوها لزوجي واسمعي عاد يومها احمدي ربك زوجك مطنشهم زوجي لانه خواته اللي مربينه اي كلمه بيسمعها منهم تقولي حكم علي فاحمدي ربك اخر مره سكرت بابهم لما اخته قررت من كيفها انه لازم واحد من ولاد اخو زوجي يخطب بنتي ياللي عمرها 6سنين لما يكبروا تخيلييييييييييييييييييييي ،،،،،،،،،، بعدها حبيبتي ماعدت اروح الا بالاعياد وغير هيك بس اتصالات اما اقعد انا وزوجي واخته مستحيييييييييل حلك حبيبتي طنشي صدقيني اذا بدك تتدخلي بمشاكل مارح تخلصي واذا بدك تلاحقي الكلمه رح تزهقي وفي الاخر اكيد انت رح تكوني الغلطانه ماتهتمي وتعاملي معها باصلك ولاتقولي الها كلمه تندمي عليها وخلي بس زوجك يتصرف انت ماتتدخلي نصيحه لانه الكلمه اللي رح تقوليها رح تصير عشره ونصيحة لاتتكلمي عنهم لامن قريب ولا من بعيد حتى مايتكرر الموقف وبيكون في احراج الك اصلا مو حلوه انك تتكلمي مع غرب عنهم الله يوفقك تحياتي |
بس سكرت التلفون في وجهي
صعبة اروح لها انا ولا |
| الساعة الآن 11:03 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©