منتدى عالم الأسرة والمجتمع

السلام عليكم ورحمة الله وبركاته ..

امممممممممممممممممممم انا من النوع الي احب احوس بالخلطات واجرب والعب بعمري ومن كثر مااجرب خقيت عند بعض الخلطات صرت لا استغني عنها مثل .....

الوجه ..
مرة .. عسل .. زيت زيتون .. اخلطيهم مع بعض وداومي على الخلطة اسبوع وبعدين شوفي الصفاء والخدود الوردية وماافي بثور والله لدرجة استغنيت عن التنظيف بالمراكز الطبية او التجميلية ..
والمرة تكون حبوب مو مويتها ..
وخليها على وجهك لمدة ساعة ..وبعدين اغسليها بغسول وجهك ومن ثم ماء ورد عشان ماتكون في ريحة المرة ..

الشعر ..
كانت وحدة من قرايبنا شعرها قليل جدا لدرجة انها دائم تلبس ملفع وماتختلط بالناس وبعد سنة شفتها بدون ملفع وشعرها طااااااالع ماعاد فيه فراغ براسها ومباشرة رحت عندها وسألتها قالت زيت الحية المركز بعد مااتروش استخدمه عشان المسام يكون متفتح ..
وشريته وصرت استخدمه وبعدين اتروش مو عدلة احطه بعد مااتروش قسم بالله التساقط خففففف وبدى يطلع فيني شعر كثير وتكون الشعره الجديدة سميكة والله يجنن من تجربة وادعوا للحرمة لانها مريضة الله يشفيها يارب ..

الجسم ..
اتروشي وسوي حمام مغربي او مقشرات انا كل يوم لي شيء وبعد ماتخلصين ادهني جسمك بزيت اللوز الحلو واذا جاء بعد ساعتين املي الباينو موية وبعدين جيبي علبة قد سويتيها فيها موية ورد ومسك ودهن عود وكبيها على الباينو واجلسي نصف ساعة وشوفي كيف الريحة كل جسمك ونعومة تجنن من الزيت ..
وماننسى خمرية للشعر ..

تشققات القدمين ..
عاد هذي مايبي لها فازلين بس كثري فازلين ولفي رجيليك بـ نايلون ثلاث ايام وتكون رجليك مثل باطن اليد ..

وهذا جدولي اسبوعياً ان شاء الله يعجبكم وتطبقون بعض الشيء ..