|
لأهل التجربة (الزواج عن طريق الخاطبة)
السلام عليكم ورحمة الله وبركاته
طبعا اسمع كثير من الناس يواسون الاخوات الغير متزوجات بقول افعلوا شئ واعملوا وطبعا الكل يعرف انه المقصود بطرق شرعيه وليست محرمه طيب نجي لاول خيار وهو :- الخاطبه على كثر من يرشح هذا الخيار اسمع سواء من الناس او العامه صعوبته لان الخاطبه قد تمدح الرجل اكثر من اللازم وتكون الضحيه البنت طبعا وقد يرفض الاهل طبعا هذا التصرف وهو الإتصال على خاطبه وفي تلك الحاله يصعب الوضوع لان الخاطبه تحتاج مال وسياره لتتفق معها وقد يصعب على البنت وحدها عمل ذلك هذا غير المواصفات الكثيره التي يطلبونها من يذهبون للخاطبات من أهل الرجل ولكن إن كان ممن يقرا الموضوع وتزوج عن طريق خاطبه ونجحت فياليت يفيدنا وغير ذلك من إقتراحات...... ياليت تكون الإقتراحات مدروسه ومفيده وإن كنت أعلم انه لن يحدث شئ إلا بتوفيق الله |
عارفة يا أختي أجمل اقتراح هو الاعتماد على اختيار الواحد الاحد (لان بصراحة بعض قلت بعض الخطابات كذابات ) وصدق التوجه الى الله أعرف خاطبة اتصلت علي تقول إذا تمت الموافقة تريد 2000 يال مني ومن عريس الغفلة إلى جايبته 2000 ريال سعودي والله يكون في عونكم ياعرسان والله يرزقنا من فضله قولووووووووا آآآآآآآآآآآآآآآآآآمين
|
كثير يجوني عن طريق خطابات مدري من يدلهم علي
ولكن مشكلتي ما اقتنع ابداً بمبدأ الخاطبة ومقتنعة بأن الرجل الذي يستعين بخاطبة وراه سر ليه ماستعان باهله أو اقاربه ؟؟ وبالنسبة لي استحي اعرض نفسي على خاطبة مهما كانت حاجتي للزواج وليس الخجل من الناس ولكن من زوج المستقبل ونظرته لي ولأهلي بعدين .. ممكن تكون نظرتي خاطئة وقاصرة بس ما اقدر اثق .. |
مستشيره
طبعا يمكن المبلغ جعلك تشعرين بتعجب!!!!! ولكن...... الغريب وفي هذا المنتدى خاصه اسمع من ينصح باإتصال على خاطبه دون دراسة الفكرة فأحببت ان نوضح إيجابيتها وسلبيتها |
رواء الإيمان
أعتقد أن موضوع الخاطبه باب كبير وفعلا يكون هناك تساؤل كثير عن وضع الرجل الذي ياتي من او عن طريق خاطبه وهل؟؟؟؟ وهل؟؟؟؟؟ الله يستر على الجميع |
هذا الموضوع فتح لمناقشته لاهل التجربه ومن جرب الموضوع او سمع بقريب جرب هذا الموضوع عدد المشاهدات أكثر من الردود للأسف من الأفضل مناقشة الأمر ليستفيد الجميع
قد نوضح معلومات صعب الحصول عليها وأؤكد لاهل الخبره؟؟؟؟؟؟؟؟؟؟ معقوله لا أحد يملك معلومات ...... الله يعين |
والله انا من رائي الشخصي ان الخطابه عامل مساعد انا شخصيا جربت الخطابه وطلبت منها البحث عن عروسه لاخي لان تعبنا ندور ولا لقينا قلنا نشوف يمكن عندها شئ
والبنات الي حاطين اسمهم عند الخطابه مافيها شئ ليش تستحي الناس مو كلهم يعرفوا بعض وبعدين ممكن تكون البنت ماتطلع كثير ولا لها زيارات واهلها ايضا موحقين خرجات فالاستعانه بخطابه امر طيب وبالنسبه للرجل كما ذكرت نحن الي طلنا منها تبحث لنا وليس اخي نجي للمساؤ الخطابه الخطابه الله يهديها غالبا يكون همها مادي يعني مالها الا ان تكسب مما عانيناه معها اننا نطلبها موصفات معينه مثلا العمر اللون الحاله الاجتماعيه المستوى المادي للعائله تقوم تجيب موصفات مختلفه تمام واحنا نتنقل معها بس لما شدينا معها شويه وقلنا لها يانفس الي نبغاه ياروحي مانبغى خدماتك مو معقوله تدخلينا نص بيوت جده وانت عارفه الموصفات المطلوبه كانها عقلت شوي وبدت تدل على موصفات قريبه ثانيا 000 الخطابه مالها اي دخل في اخلاق الخاطب او المخطوبه وهذا شئ معروف واشوفه عاادي هنا يجي دور الاهل في السؤال عن العروسه او العريس ويعتبروه كانه جي عن طريق اي ناس ثانين يعني حرام نظلم الخطابه لان هذا مو دورها بعض الناس يفرحوا ويزوجوا على طول واذا مانفعوا الطرفين لبعض سبوا فيها وقالوا جابت واحد ماينفع ليش هي مااجبرت احد هي دلت فقط وعلى الشخص التحري الدقيق والسؤال هذا ماعندي على فكره في الاخر لقينا وحده لاخي دلتني عليها صديقتي وتم النصيب يعني مااخذنا من طريق الخطابه رغم انها ماقصرت معانا الله يزوج كل من يريد الزواج |
الاخت سويت شكرا لمشاركتك
بس عندي سؤال ماهي نظرتكم وبصراحه للبنات اللي عن طريق الخطابات وما كنتم تنظرون لهم نظره أقل من اللي عن طريق ناس ويمكن تشعرون انكم بتدفعون فلوس ولستم مظطرين للتنازل عن شروطكم؟؟؟؟؟؟؟؟ خاصه انكم بتدفعون فلوس؟؟؟؟؟؟ ياليت الصراحه |
أنا أرى أنه من المهم تفعيل دور أئمة المساجد
فإمام المسجد يجب أن يكون له دور في دلالة الناس على الزوجات الطيبات كونه يعرف جماعته جيدا وكون الناس يثقون في أمانته ( وهذا هو الغالب ) وليس شرطا ان يكو ن كل إمام مسجد ثقة وأنا بحكم كوني إمام مسجد يأتي إلي أناس من جماعة المسجد سواء من الرجال أو النساءببخصوص هذا الشأن وبالنسية للخطابات فالحكم فيهن يختلف من واحدة لأخرى ,, وأنا أدعو بهذه المناسبة إلى مقاطعاة الخاطبات الاتي يأخذن مبلغ 5000 ريال وهن كثر الله يغنينا عنهن[ |
اقتباس:
بالنسبه للنظره لاوالله ماكنا نشوفهم اقل من غيرهم يعني لو جابت وحده مناسبه كان والله اخذناها والموضوع خارج تمام عن اخلاق المخطوبه وحده وتبغى تستر نفسها ولم تمشي في طريق حرام اش المانع لما تكون عن طريق خطابه او غيره طيب احنا مابقينا احد ماسالناه لا من قريب ولا من بعيد والخطابه من ضمن الناس ويعلم الله دخلنا بيوت جدا جدا محترمه وبنات قمه في الادب والاخلاق ولكن النصيب انا واهلي واخوتي وكثير من اقاربنا ليسوا ضد الخطابه ولا معها ان دلنا احد نهتم بالسؤال عنه في كل مكان مكان عمله او عملها دراستها الجيران المقربين يعني هكذا على فكره انا سبق وسجلت بنات من اقاربي دون ان اخبرهم وصار الاتصال بيني وبين الخطابه قلت لها ابوهم عصبي صعب يعرف انهم كلموا خطابه او احد كلملهم خطابه اعرفهم تخيلي 9 بنات ولا وحده تزوجت واعرفهم حق المعرفه ادب واخلاق وجمال وعلم ولكن امهم ماتخرج والبنات كذلك مايخرجوا من دون امهم ومن المدرسه للبيت ومن البيت للمدرسه وال يسهل ويرزق كل من اراد الزواج |
| الساعة الآن 01:23 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©