انتم مثلي ولا لا ؟؟؟؟؟؟؟؟؟
 

انا عندي سووووووووال ؟ انا زوجي مايحب اطري له طاري السفر معه مع اني ادفع كل سفره نص المصروف يعني فيفتي فيفتي

واسمع كثير مثل اخته وزوجه اخوه رجالهو يحبون انهم يسافرون معهم ويزعلون بعد اذا مارضوا يسافرون معهم

ولما نتكلم في ها الموضوع يعصب ويقول مو فريضه كل سنه نسافر ؟؟؟؟؟؟؟

طيب متى نسافر اذا كنت انا موضفه ولا اقدر اسافر الا بالعطله بعد سنه شاقه ومتعبه وكرف

يبي اذا عطلنا يروح يرميني عند اهلي انا وبنتي ويروح اهو يسهر في استراحاته

يعني نجتمع بوقت الدوام ونفترق بوقت الا جازه هل هاذا عدل وانصاف اسالكم بالله

واعرف ان الرجل ما يمنعه من السفر مع عياله وزوجته الا المصاريف ولكن ماادري وش السبب

يبي هو يروح بروحه ابي رايكم

بسم الله

الزوجة الذكية لا تكتم على نفس الزوج

وتريد تصاحبه في كل مكان يذهب إليه

والموضوع يحتاج إلى تفاهم

هل وصلتك في التفاهم إلى درجة أن يقول لك أنت أفتخر بالسفر معك

وتريد منه أن يقدم لها تقريرا عن جميع تحركاته

على الزوجة الذكية ألا تشعر زوجها أنها تتجسس عليه

مادامت تثق فيه إلا إذا كان الموضوع غير ذلك والثقة معدومة

موضوع المال بالنصف بالتراضي وبدون أن تمن عليه وتؤذيه

والمفروض الزوجة لها ذمة مالية مستقلة

وتعطي زوجها الثلث أو النصف بالتراضي


على الزوجة الفطنة:


1) الصبر والرضا والبعد عن المقارنة

2) الدعاء خصوصا في جوف الليل بان يزداد الحب والتفاهم بينها وبين زوجها

3) استخدام وسائل كالكتب والأشرطة التي تبين الإحسان من الطرفين وبيان الحقوق للطرفين

أو حتى آداب الجماع وحسن المعاشرة

4) التأثير عليه لتقنعه أو لفت نظره برفق ولين ليصاحبه في السفر

والله تعالى أعلم

اختنا الفاضله
ليس من المفروض السفر كل سنه فهذه ليست قاعدة يجب اتباعها , هذه واحده , اما الاخري فهي موضوع تقاسم تكاليف السفر فقد يكون هذا الموضوع سبب ضيق زوجك فهو يريد مثلا ان يتكفل بالموضوع كله , وقد تكوني _ بدون قصد طبعا _ تشعريه بهذا الموضوع مما يجعله يعتبره منة منك عليه ويسبب له الحرج , بالاضافه الي باقي الاسباب الجوهريه الني ذكرها الاخ الاكبر
hamam129 من ان الرجل يحتاج الي شوية هواء للتنفس بعيدا عن زوجته , حتي يزداد اشتياقه لها ويتجدد الحب بينهما

مال الزوجة لها لوحدها ..... إذا كانت ذات مال.... ولا تعطي الزوج ولا يحق له أن يفرض عليها ...

أم إذا كان الزوج ... محدود ذات اليد ..... وتريد الزوجة ....راغبة.... مساعدته .... فهذا عمل نبيل ....



السفر ... ممكن بالداخل وليس بالضرورة أن يكون في الخارج ... وليس ضروري أن يكون

سنويا .... كما أن الزوج مسئول فقط عن النفقة الشرعية ...

مشكورين على المرور بس انا حبيت اوضح بعض النقاط

بالنسبه لا ن الزوجه مايجب ان تكتم نفس الزوج ومن قل لكم اني كاتمه نفسه بالعكس انا اخليه يروح ويجي على راحته وادور الي يسعده حتى لو كان على حسابي اهو يبيني دايم عند اهلي وعلى الرغم من اني اهلي بعيدين عني يعني اربع ساعات سفر يقولي ليه ماتروحين لهلك مو غريبه بالعاده الرجال مايحب كذا وتلقاه يقطني عندهم خميس وجمعه مع انا المشاوير على متعبه بس اقول شسوي الي يبي

يبي العطله اروح عند اهلي من اولها لا خرها وتلقاه يجلس بالبيت بروحه ولا يسافر عند اهله عشان الا ستراحات

انا مااقول لازم كل سنه اسافر للخارج ولا برا انا مااتكلم عن السفر بحد ذاته انما استغرب عدم حرصه على تواجدنا معه

من غير المعقول يااخواني اني اجي لبيتي بالدوام والعطل عند اهلي واهلي مزوجيني عشان اقابلهم اربع وعشرين ساعه مع اطفالي
؟
وبالنسبه للفلوس انا مااذله انا اقولكم عشان تفهمون اني اساعده عشان مااحد يقول يمكن اهو ماايقدر على المصاريف
عشان كذا ماايحب يسافر معك واعتقد ان مافيه رجال يبي سيافر لوحده الا اذا كان فاسقف يبي الفسقه

واستغرب اكثر ان زوجي مو من هاذا النوع يعني واثقه فيه مررررره من ها الناحيه انه مو حق ها الحركات عشان كذا اقول ليه ماايبي اطري له طاري السفر ؟

وللمعلوميه اهو دايم يردد عندي ايه زملا يي يقولون المره ماتنعطى وجه لا تعودها على السفر يعني اتوقع انه شخصيته ضعيفه ويحب يثبت انه قوي ويصدق اصدقاء السوء الي مامنهم الا خراب البيوت واتمنى منكم المشاركه وابدا الراي للفايده ودمتم

والله ياختى مدرى وش اقلك .......الله يعينك ويفرج همك ..

اختى انسى حكايته السفر صدقينى طول ماتبين تسافرين مراح تسافرين وفى نفس الوقت بتتعب نفسيتك وتفكيرك مشغول فيها...

وانتى ماستفدتى شئ ....اى شئ قلتى له عليه وقالك لا قولى طيب خلاص نصيحه من اخت تعزك لانك اذا رفض بتفكرين بالموضوع

وبتشغلين تفكيرك وبتتعب نفسيتك وانتى ماستفدتى شئ .....سبحانك اللهم وبحمدك اللهم انى استغفرك واتوب اليك

الله يساعدك وحاولي أن تقنعيه وقولي له أنا ما أصخيبك تروح بدوني ياحبيبي وليش عاد تتركني ماتريدنا نكون مع بعض تراه السفر تفريج هموووووووم

حاولتي تسأليه عن السبب؟؟
وحلي العقبات اللي تواجهكم
البسي له اشياء جديده ماشافها قبل
ارقصي تدللي زياده
لاتتسوقي كثير لانه بيتعب ويزهق ويمل
طيعيه لو على حساب زعلك المهم ماتنكدي عليه في السفر
لاترهقيه بالطلبات مشي حالك معاه باي شي
أهتمي بلبسه
تغزلي فيه قوليله (أحلى السفرات لي معاك ) ( يازين الإجازه تصدق بدونك ولاشي)
(ماكنت ادري انه الدوام ماخذني منك ياحياتي ) يا بعد عمري لاتحرمني من متعة السفر)
ومن هالعلوم وطبعاً قوليها له بكل حنيه ومحبه وصدق
المهم أسعديه في السفر عشان يعرف الفرق بين السفر معك وجلسته في البيت او السفر مع اصحابه
وتحياتي لك

جزاكم الله خير بس زوجي مو رومنسي ابد