فكرة الخلفة
 

السلام عليكم


موضوعي هذا ابي اوجهه حق اخواني

انا متزوجة من9 اشهر ووعدني ريلي يوم بيزيد معاشه بنفكر في عيال
ومن كمن يوم رفعوا راتبه وااايد والحمد لله
بس يوم فاتحته بمسالة العيال ترد وقلت له انك وعدتني
بس كان رده انه متردد من هالسالفة وبس....قلت له شو السبب بس ما قالي؟؟؟
شو السبب الي يخلي الزوج انه يتردد من هالمسألة.....

يمكن يبي يتهنا زياده ^_^
في ناس يقول ليتني تأخرت ماجبت اولاد بدري

نبي نتهنى ببعض وكأننا عرسان فتره اطول .. مانبي سالفة حمل ووولاده
ومعرووف ان المرأه اذا خلفت يقل اهتمامها شوي بزوجها .. لان اغلب اهتمامها يروح باولادها
لذلك يبي هالاهتمام يكون له وبس :)

ما اظن ان سالفه فيها تهني ، الريال دوم يبي يشوف عياله و ما تزوج الا لامرين اشباع الرغبة و الذرية، انتي حاولي انك تتفاهمي معاه و تعرفين السبب، و تجيبين حجج زي ان الناس كله تسالني متى بتحملي و امك تقول متى اشوف عيال ابني وانا ابي ياهل يملي علينا دنيتنا و من هالكلام يمكن يرضى والله يرزقك الذرية الصالحة ان شاء الله

أولاً .. مب على كيفه!!!!!!!

ثانياً .. مسألة الإنجاب من المسائل الزوجية المشتركة .. ولا يجوز بأي حال من الأحوال أن يُتَخذ فيها قرار فردي.

ثالثاً .. وبغض النظر عن اقتناعي بربط الإنجاب بالراتب .. ولكنه وعدكِ .. وما دام قد تحقق الشرط الذي وضعه منذ البداية ـ وهو زيادة الراتب ـ فلا يحق له الآن التردد والتراجع عن تنفيذ وعده.



عزيزتي .. الإنجاب (حق) أصيل لكِ .. وهدف أساسي من أهداف الزواج ... ومن حقكِ أن تحصلي على إجابة ((مقنعة)) لسؤالكِ .. وزوجكِ ملزم بذلك.


وبصراحة .. قد أتفهم أن الرجل لا يرغب في عدد كبير من الأبناء بسبب غلاء المعيشة وكثرة المصاريف .. ولكن ألا يرغب في أبناء على الإطلاق .. فهذا أمر يدعو للشك في نواياه وفي مستقبلكِ معه!!!!!!

مشكورييين على ردودكم الطيبة
والي من صدج شرحت صدري

والله المستعان

دعواتكم