|
ممنوعه من اشيا كثيره والسبب اني غير متزوجه هل الله يرضى بهذا الشي
بسم الله الرحمن الرحيم
السلام عليكم قبل اي شي اانا كاتبه الموضوع لأفضفض وما ابغي يردون الا اللي يشعرون بغيرهم لان انا كاتبه بعد الله هنا احتاج لكلمات تزيل الهم مو تزيد الهم هل في حد مثلي ، بنت مو متزوجه واهلها ما نعينها مثلا من الخروج لوحدها او السياقه ،هذه امثله بسطيه يعني لو كنت متزوجه يقولون لكان الوضوع مختلف هل معقوله ادفع انا الثمن ياربي انا ماذا افعل حتى اتزوج حسبي الله والنعم الوكيل |
الله يرزقك بابن الحلال
والله يهدي أهلينا أحيانا لا يتفهمون مشاعرنا وحاجاتنا بالعكس لازم الوحده تخرج وتشوف الدنيا لأجل التخفيف عنها نفسيا الله يكون بالعون |
مو شرط مو متزوجه انا أهلي ما نعيني من السواقه طول ما أنا في بيت أهلي رافضين تماما
بس زوجي موافق تعتمد على العائله يا حبيبتي مش موضوع متزوجه أولا هما خايفين عليكي يا قلبي الله يرزقك الزوج الصالح عاجلا غير أجلا اللي يسعدك ويعملك كل اللي تتمنيه |
يا قلبي يا نايت
مو مانعينك لانك غير متزوجة بالعكس لانهم خايفين عليك والهم حق لو إلي بنوتة عسل مثلك وربي ما اتركها تظهر وحدها واذا بدا تروح مشوار انا بآخدها مو مستغنية انا:) لا تاخديها يا قلبي بحساسية الزمن صار يخوف وسمعة البنت من أهلها مع انو الي مثلك ما ينخاف عليهم ما شاء الله بس شو بدنا نقول هيك العادات البنت ماتظهر وحدها الا اذا متزوجة الهي يطعمك رجال ابن حلال أصيل عاجلا غير أجلا أم وليد |
حاسه فيكي ياقلبي ومريت بأصعب من حالتك أنتي ممكن يهون عليك الوضع لأنك بنت بس أنا أم واحتاج اطلع وامشي ولدي اليتيم اللي ماحد يفكر فيه وكنت ممنوعة حتى من بيت اختي وتخيلي اخواني قاسيين لأبعد درجة حتى في العيد اموت صياح على ولدي يوم يشوف عيالهم جايين بهدايا المهرجانات فما بالك احتياجاتي انا النفسية وحجتهم اني صغيرة وارملة والزواج بالنسبة لي هروب فاشل تعذبت ولجأت لله بدموعي آخر الليل والحمدلله فرجها ربي من عنده وفكني منهم وأبدلني خيراً من صحبتهم " ومن يتق الله يجعل له مخرجا ويرزقه من حيث لا يحتسب " لا تفتكري الزواج مخرج ياقلبي ممكن تتزوجي ويكون زوجك معقد أكثر من أهلك الزواج أحيانا يكون فرج واحيان يكون سجن ياحبيبتي أدعي ربك يصلح حالك ويرتب حياتك بما ينفعك ويرزقك بزوج يعرف قيمتك |
اختي العزيزه مدام ولاء الله يستجيب لك ،جزاك الله خير والله يفرج همك وهمي الف شكر لي عزيزتي على تفهمك ومرورك
اختي العزيزه زوجه احمد، الله يتمم زواجك على خير يارب، بصراحه اسعدني مرورك وطمنتيني في احد مثل اهلي ،والله يسخر لك زوجك يارب احنا في بلدنا الغالبيه العظمى يبغونها تسوق وموظفه وانا لا اسوق ومش موظفه الحمد لله على كل حال اختنا العزيزه على اكل سلامات ياقلبي ،نورتي اختي العزيزه بجد اسعدني تواجدك لان فتره طويله لم اراكي هنا ! الله يستجيب لدعوتك الحلوه يارب لكن اختي العزيزه كأم ما الذي يجعلكي تخافين على بنتك وانتي واثقه منها ، ايش الفرق لو تزوجت !!!!!!!! الله يحفظ لكي ابنائك وتشوفينهم متزوجين اختي العزيزه رواء الأيمان ، الله يفرج همك ويثبتك ويصبرك صبراجميلا صدقتي الزواج ليس مخرج بس انا اقول بنفسي لو قليل اطلع وكذا انفس عن نفسي عن وحدتي لأن المتزوجه مشغوله مع زوجها ابنائها ما راح تحتاج للخروج لوحدها مثل اللي مش متزوجه لكن فعلا في رجال يخنقو والله اعلم هل ممكن تنصحيني كيف عوضتي وحدتك اشعر بعض ظروفك متشابهه مع ظروفي الله يبلغ ابنك ما تتمنينه جزاكي الله خير على النصيحه والدعاء |
كنت زيك وأكككككككككككثر قبل ما أتزوج .. لكن بعد ما أتزوجت عرفت ليش أهلي كانو ما يطلعوني
لو بنتي تطلب مني تطلع لوحدها ما أسمح لها .. وأخاف عليها أنا مع أم وليد |
حبيبتي نايت الله يرزقك الزوج الصالح ويعوضك خيرا
عزيزتي كلنا كنا كذا يانايت تمر الشهور ماخرجنا الا للمدرسه او صله رحم السوق ممنوعين منع باتا وكنت اشوف اهلى متشددين لكن الحين عرفت السبب الله يجزهم عنا خير الجزاء ويحرمهم على النار والان انا ام وبصراحه مستـــــــــحيل اخلي بنتي تطلع لوحده او مع احد بسنه مع اني واثقه فيها 1000 \100 وحتى معي ماتروح للسوق الا بحالات نادره جداجدا ورجلها برجلي ماتتقدم خطوه وحده وفي الملاهي ما اخليها ابد كل هذا من خوفي عليها حبيبتي حنا بزمن تخافين فيه على الولد فما بالك باالبنت |
اسال الله العظيم
رب العرش العظيم عاجلا وغير اجلا ان يمن عليك بستره بأن يهب لك الزوج الصالح النصوح الذي يتق الله فيك عاجلا يا ربا العالمين غير اجل |
اقتباس:
السؤال غير موجه لي ولكني سأجيب بأية حال .. انا واثقة من بنتي صحيح فبالتالي أنا لا أخاف ( منها ) بل ( عليها ) والثقة لا علاقة لها بالموضوع .. الله يرزقك بالرجال اللي يستاهلك ...ويجيب لك بنية حلوة زيك تخافين عليها ورجلك على رجلها .. الله يجزى أمهاتنا وأبائنا بالجنة .. ما نعرف معنى كل كلمة لا ....لحد ما صرنا امهات وعرفنا ان الضنى غالي يالغالية بالنسبة للشق الثاني من السؤال .. انتي عارفة ان لو حصل لك شي غصب عنك وانتي بنت ستر المصيبة مب زي ستر لو حصل شي للمتزوجة .. اعتقد المعنى واضح ما يحتاج أفصل أكثر .. دمتي في حفظ الرحمن,,, |
| الساعة الآن 04:32 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©