|
برجع البيت ...بس خايفة
صراحة غايبة عن البيت فترة طويلة شوي (4 اشهر03 شهور عمل وشهر نفاس)
والحين توي خالصة من النفاس... ابرجع لزوجي.. بس مررررة خايفة ... لأن معنا بالبيت والدته كبيرة واخوه انا عندي استعداد تام للتعامل معهم باريحية..ونفسي ونفوسهم طيبة ان شاء الله بس خاااااايفة من شيئين 1- ظهري مقصوم 2- وهو الاهم خايفة من التقصير...خاصة واني طوال الفترة السابقة وقبلها ماطبخت ولا نفخت..حتى اطفالي اهلي رافعينهم معي..يعني يساعدوني بكل شي...وانا من قبل ومن بعد مو بحق ست بيت(للاسف انا اهتم بالوظيفة أو اهرب اليها على حساب بيتي) ..والحين راجعة بطفل جديد اضافة للسابق!! والله مدري كيف حياتي بتكون ابي نصيييحة مو توبيخ... اللي صار صار وانا استاهل اتوبخ بس مو الحين مدري وش بسوي بالاطفال..منو بيعاوني عليهم..نظافتهم..تنويمهم الغداااا والحلا!! انا نسيت الطبخ تماما واعتقد لو بسوي بيض احتاج لوصفة كيف بننام انا واطفالي مع زوجي كيف بكون زوجه ومعي 2 بالغرفة وين انومهم والله هم يبكي ساعدوني |
آطلبي من زوجك يسوي لك جناح ويزيد الغرف عشان عياله عشان تكونين زوجة ..
والطبخ صدقيني انا معيشة زوجي على شابورة وحليب بوني بس من دخلت هالمنتدى في طبخات تجنن والله ساعدوني جزاهم الله خير .. واذا كان عندك ضغط مثلاً الملابس يبي لها تغسيل وهذا شيء معروف لانه عندك صغير بتكثر جيبي الخدامة الي بالاجار بالساعه تنظف لك الغرفة وتغسل الملابس .. وارسلي طفلك الكبير لاهلك عشان ترتاحين فترة .. لاتضحين بـ آسرتك من اجل وظيفة وانتي مو مستفيدة مااستقريت ببيت ولا جبتي لك خدامة فالافضل ديري بالك على اسرتك ولاتهملين وظيفتك .. |
هناوي الله يسعدك
جبتي فكرة روعة انا عندي غرفة جلوس متصلة بغرفتي...بحولها غرفة اطفال...بس هل حخليهم اثنينهم سوا...واقوم ارضع البيبي كل مابكي الطقل الجديد!!..بجرب اطرح الفكرة على زوجي..مني خسرانة بالنسبة للشغالة عندي بس لحماتي خاصة...وزوجي رافض يجيب واحدة للبيت ..يقول انا اش وظيفتي!! مع العلم اني الان اجازة ممتدة لمدة سنة..يعني مالي عذر ولازم اثبت اني ست بيت!! والأزيد ان اخوانه المتزوجين هالاجازة نازلين عندنا!! و انا بكون مسؤوولة عن البيت طبخا و نفخا..يعني لو ساويت شابورة ..بشبر على بيت اهلي انا لو على زوجي بس يا الله اقدر احل المشكلة...بس هالحين انا عندي أمة لا اله الا الله بالبيت!! وفوق كل هذا انا لافي العير ولا في النفير بس من جد هناوي الله يسعدك احس جزء من المشكلة انحل بردك |
مراااااااحب ..
طفل الصغير ماانصحك تخلينه بالغرفه مع الثاني .. والخدامة قولي لزوجك طفل صغير وملابس وحمولة كيف الحق او خليه يمسك اطفاله .. وزوجات اخوانه مو ضيوف تكون لهم يوم بالطبخ نفسك ساكنين ببيت اهل ازواجهم او سوي مثلي اطبخي يومين وقولي تعبت مااقدرت آلحق وقولي لزوجك يقول لاخوانه ان لزوجاتهم يوم يطبخون فيه .. لاتضغطين على نفسك فوق طاقتك .. |
أبشرك الاخوان بدون زوجاتهم..والله مدري افرح ولا ازعل..
بالنسبة للأخ الكبير اخاف يتعقد نفسيا لو نومته بروحه وكلنا بغرفة ثانية...يعني انا غايبة عنه 3 اشهر وبعدين رجعت له بطفل ثاني ..فالغيرة مابتكون بصالحه نفسيا.. مدري بفكر اتراجع عن الغرفة وانومه معي بمرتبة في الأرض لأن غرفة نومي ماتتحمل سرير اضافي للكبير..وش تنصحين به؟ |
هانت
أنا ضاق صدري أول ما قريت العنوان .. لكن الأمور سهلة ولله الحمد أهم شي .. حاولي تستمتعي بعمل البيت .. لا تخلينه هم على قلبك .. اقلبيه إلى متعة .. وكذلك الاهتمام بالولدين .. وكما زاد عملك وشفتي إنجازاتك راح تتحمسي أكثر للعمل وتذكري (كلكم راع وكلكم مسؤول عن رعيته) وبالنسبة لغرفة النوم .. حاولي تدبري غرفة إضافية .. حتى لو كانت بناء غرفة جديدة .. وارتاحي لا تعطي المشكلة أكبر من حجمها .. الأمور بسيطة ولله الحمد .. دامكم تحبون بعضكم ولا بينكم مشاكل كبيرة |
على فكرة
كم عمر الولد الكبير ؟ |
حبيبتي افرحي مادام مو معهم زوجاتهم انا حماة وحدة اسوي عيد اذا طلعت من البيت والشباب مليون بس مامنهم كلافة ..
والولد اذا عمره فوق 4 سنوات حاولي فيه بس اذا غيران خليه معك .. |
اختي الفاضلة هناوي واخي الفاضل تبا للعزوبية
ان شاء الله مافي مشكلة ..لأن انا راس المشكلة انا فاشلة في البيت والوالدة دايم تقول هالكلام..وزوجي بعد دايم يقولها لما يعصب ( دمروا ثقتي بقدراتي النسوية) ماعندي مشكلة بالغرفة بس كيف اترك الطفل عمره سنتين و 3 شهور وحده واخذ اخوه معي..بعد ماكان هو ينام بيننا..اخاف يصير ردة فعل سيئة عليه..خاصة وانه يغار منه الان لانه يحس ان راحت مكانته مع ان الجميع يحاول يحسسه بانه مكانته مثل ماهي!! صدق من قال بعد الخلفة يقل الحب..مو بيدنا بس بسبب المؤثرات الخارجية !! |
|
| الساعة الآن 11:16 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©