زوجي لايضع حداً لاولاده من زوجته الأخرى
 

السلام عليكم ورحمة الله وبركاته وبعد/هذا اول موضوع لي هنا فاسالكم بالله تفاعلوا معي واجعلوا انفسكم في مكاني وارشدوني للطريق والتصرف الصح
انا زوجة اولى وعندي اطفال اكبرهم في المرحلة المتوسطة وعددهم ماشاء الله 6وزوجي متزوج وعنده 3اطفال الكبير في التمهيدي انا ساكنة في دور والزوجة الثانيةشقة المهم زود مع عيالي الله يصلحهم زوجي ومرته ازعجوني بعيالهم يبونهم مع عيالي 24ساعة ولازم اتحملهم ولاارسلهم لامهم اخليهم يلعبون مع عيالي واللي يبغى الحمام الله يكرمكم اكون معاه وبالمختصر المفيد اربيهم مع عيالي ومتى مابغوا ياخذونهم انا احب عيالي زوجي واعتبرهم مثل عيالي لكن اهلهم استغلوا الحب هذا والطيبة الزايدة تبون الصراحة ماينعطون وجه الله يسامحهم فهمت زوجي اني ماتحملهم مع عيالي دايم خلوهم يجون ساعتين يوميا وليس يوم كامل حتى نوم عيالهم ماعندهم مانع ينامون عندي لكن زوجي يقول خلي عيالي متى مابغوا يجون لاتردينهم واتحملي زعلهم مع بعض وصراخهم وحوسهم الله يشهد ماصبرت شغالتي الا يوم زدنا راتبها وانا طفشت منهم مع اني احبهم والله لكن اله يرحمنا برحمته قبل لازاد الشي عن حده انقلب ضده حاولت مع زوجي يحدد لهم وقت مافيه فايدة بالطيب وبالزعل وبالهوش مافيه فايدة انقلبت حياتي الي مشاكل حسبي الله ونعم الوكيل تخيلوا ما اقدر انام الظهر قيلولة لازم اراقبهم لان شغالتي الظهر تكون في غرفتها وقت راحتها وغداهاوتغسيل ملابسها ماتجي الا الساعة 3العصر والله يشهد نزلهم مرة عندي الظهر قلت بكيفهم ابروح انام واتركهم مع اولادي قسما بالله صحيت من النوم لقيت بناتي الثلاث في غرفتهم قلت وين اخوانكم قالوا سووا حوسة في الغرفة وطلعناهم وولدي في المتوسط نايم ووحدة من البنات تلعب كورة مع اخوها واوح في الحوش والقى عيالي زوجي برا يكسرون الخاطر والله البنت تعبانة وماقالوا لي مرتفعه حرارتها وجالسة عند باب بيتهم بشكل يخلي العدويرحمها عمرها سنة ونصف واخوها نايم على بطنه والثالث يدور عند اخوانه اللي بالحوش دخلتهم وعطيت البنت علاج والباقي جمعتهم على الغدى وش الحل معهم قولوا لي اتحمل عيالهم او اضغط على نفسي وانسى ان زوجته تتسدح وتتطبح مع زوجي وانا اكرف مع عيالهم قلت لزوجي مايصلح اتقوا الله قال مالك دخل فيهم في بيتي وعند اخوانهم والشغالة لو ما اداريها هجت وخلتني شوروا علي وادعوا لي قسما بالله ما اكذب عليكم تكفون وش الحل اروح لاهلي وخلي عيالي مع عيالها اخليهم يحسون مع اني متاكدة بيرمون عيالي على الشغالة ومااحد داري عنهم كلمت زوجت زوجي وقلت لها تنتبه لعيالها وقلت لو ارسل اثنين من عيالي تتحملينهم قالت لا قلت طيب انا ماتحمل قالت ابوهم وش اسوي فيه مع ان بامكانها تقول ابنزلهم العصر الان وقت راحة من يوم يتصل عليها وهو عندي نزلي الاولاد تنزلهم طفشت والله الله يصلحهم وعيالي وعيال كل من قال امين اللي
جعل المشكلة تهون زوجي يحبني اكثر منها واذا سويت لعياله معروف طار فيني بس ماعد اتحمل حتى الحمام الله يكرمكم يقول ودي ولدي مع ولده يتعلمون سوا اعمارهم متقاربة سنتين ونصف الله يفرج عن كل من ردت علي لو بدعوة صالحة وجزاكم الله خيرا

وعليكم السلام وحمة الله


الله يفرج همك ويصلح أحوالك ,,,, حاولي تتفقين مع زوجك على وقت معين ينزلون عندك فيه مثلا ساعتين في اليوم وبس

الله يعينك ويقويك يارب

اختى كل شىء له حدود وانت ما قصرتي وبعدين امهم ما هي مر يضه ولا شىء وبعد ين خليكي اقوى من كذا والله يعطيكي على قد نيتك

الاخت الكريمه ام الاحبه لك من اسمك نصيب
اسال الله ان يكون بعونك ويعينك على ماانتي فيه
نصيحتي لك بان تتفاهمي مع زوجك لاني اعتقد ان زوجك يبي يجلسون العيال مع بعض لانهم اخوه قد لايعرف انك تعانين منهم
ولاتنسي انك ايضا تتفاهمي مع زوجته وتشعرينها بمعاناتك وتحاولين ايضا ان تجعلي عيالك يطلعون ايضا عند زوجة ابوهم الثانيه لانها اذا حست بازعاج العيال اكيد اهي يمكن تبقي ابنائها عندها ويمكن تحس بمعاناتك

اقدر اصالتك وطيبتك التى تنم عن معدنك الطيب

ربي يوفقك

اختي العزيزة الله يعينك ويصبرك ويفرج همك يارب
ما ادري وش اقولك يعني زوجت زوجك رامية كل الحمل عليكي والسبب زوجك الي مو قايلها اشي
انت وين حقوقك
انا بقول خدي عيالك وروحي عند اهلك اسبوع راحة واستجمام
يمكن بعد هيك تبطل تنزلهم عندك
الله يعينك
موفقة

السلام عليكم
اختي الله يقويكي ويعينكي والله صعبة انامتاكدة ان اولاد زوجك هم اللي ما يريدون يرجعون لبيتهم
لان الاطفال يحبون الاطفال وانت ما شاء الله حنونة
بيت اهلي عدهم نفس المشكلة ابناء اخي طول النهار عندنا وما يرضون يروحون لبيتهم يلعبون مع اخي الصغير(عمهم )

وايضا ما لقينا حل والدتي تعبانة عليهم تطعمهم وتحل مشاكلهم
وتقول انتظر الاجر من الله
انت ايضا الله ياجرك غير منك كان فرقت بين الاخوان
بارك الله بيكي ولا حرمك الاجر وان شاء الله يطلعون هم وابناءك من البارين بكي
عليك بالاستغفار

الله يفرج لك ومالك الا ان تحتسبين الاجر فيهم لان والله اعلم امهم ماعندها احساس ويمكن ابوهم ما يستامن عياله الامعك لانه شايفها مع عيالها وما اعجبه وضعهم عند امهم وده انك انت الي تربينهم
وبصراحه ما الومك محد يتحمل عيال احد ابد عيالنا ويالله نتحملهم مالك الا الدعاء
اذا مره وصلت معك ما فيه الا انك تطلعين انت واولادك لاي مشوار ( معزومه, بروح لاهلي ,او بيجيني ضيوف) اي حجه عشان يرجعهم لامهم

أنا مع رأي الاخ أبو تريكة

انتي سوي زيها اذا صار هو عندها أرسلي الاولاد عندها وبكذا بتحس بالتعي الي تحسين فيه والله يكتب لك الأجر على خدمتك لزوجك

اختي اقول لك على حل يريحك و لكن يستوجب تقسي قلبك شوي و تخلي عندك برودة اعصاب يعني حطي اعصابك بتلاجة و انسيهم
انتي باين عليك انك من النوع الامهات الحنون و هدا جلب لك التقدير من زوجك بس كمان مرته استضعفتك و استغلت هالشي , و النتيجه ان الان انتي مسوولة عن تربية اطفال لم تلديهم و لن تعوضيهم مهما فعلت عن مكانة امهم و رح تنسى كل تضحياتك بسعادتك و راحتك و راحة اطفالك مع اول تمرد من جهتك او احتكاك مباشر مع الست مرت زوجك ;; عشان باين من كلامك انها لا تقدر مجهودك و كمان زوجك مرتاح من الوضع ــ مادام اولاده في ايد تخاف عليهم. و اللي محروقة اعصابه هو للاسف انتي
و هنا اجي لاقتراحي البسيط , فالالول لا انصحك بالدهاب الى اهلك ... لا تخلي ساحة المعركة هههههه
و ابدي بخطوات بسيطة
انك تبردي يعصابك على الاخر ... واستقبلي اولاد زوجك بس ما تسوي كل الي يريدون .. لما يلعبون انشغلي باي شي و انسيهم , وادا يبون الحمام جاوبي انك مشغولة و خلي الشغالة توديهم يعني و كانك فجاة نسيتي شي اسمه تربية او اهتمام ... سوي نفسك مش ساءلة عليهم و لا تدوري متى اكلو و لا ما يكلون مع الانتباه طبعا انك تتقنين اللعبة , و لا ترجعي تحني او تحاولي تنبهين امهم .... فقط استمري بهدوء و دون انفعال حتى لو غير زوجك معاملته لك او اتهمك بالتقصير سوي و كانك ما فهمتي
و اهم شيييي ارجع و اقلك لا تنفعلي و لا تحني ... و اكيد لما مرت زوجك تشوف انك مقصرة اكيتد ما رح تفكر تخلي عندك عيالها
يا اختي فكري بنفسك و باولادك شوي و عطي نفسك حقها و الله يعينك