|
قصه مع زوجتي
السلام عليكم وررحمه الله
احبتي الكرام كنت سوف اكتم ما بقلبلي ولكن عندما قرات مواضيعكم زاد الحماس بداخلي فاحببت ان تشاركوني قصتي وسوف اختصرها لكم احبتي انا تزوجت منذ خمس سنوات من زوجه انا من اختارها وعشت معها خلال هذه الفتره وانا صابر على كسلها ومراوغتها فلم استمتع بما يستمع به الازواج ولم اشعر بالسعاده فكنت اقضي وقتي خارج بيتي من كثره الصباح والمشاكل ولا ادخل الا وقت النوم حاولت التفاهم بجميع الطرق ولكن للاسف خلا فتره زواجي ذهبت الى اهلها ( 5 ) وعلى اتفه الاسباب قبل شهر من وقت كتابه طرحي نويت الزواج لكي ارتاح واحس اني متزوج المهم انه جاني اتصال في اللي وانا نايم الاتصال من واحده والله العظيم ماعرفها ولكن بطبيعه شغلي الخاص فاتلقى اتصالات من جميع الاجناس ذكور واناث بالعربي ( يطلبون عقارات ) وزوجتي تعرف الشي هذا واهلها يعرفون انه اتكلم مع حريم واقابلهم من الرزق لا اقل ولا اكثر المهم ردت بنتي الصغيره وسمعت زوجتي صوتها وانهالت عليها بالكلام وانا نائم ما عندي خبر اتصلت على اهلها وجو البيت واخذو جوالين وراحوا صحتني بنتي الصباح وقالت لي القصه كلت زوجتي وش الحاصل قالت انت تطارد الحريم قلت لها عندك خبر اني اكلم حريم ولكن ما مينع قالت لا انت متزوج مسيار قلت لا انا بتزوج على السنه وليه المسيار .... المهم كلمتها لااجي من الدوام الا والجوالات رجعت جيت من الدوام واهلها في البيت خير ان شاء الله؟؟ قالوا انت تبي تتزوج؟؟؟ قلت ايه. قالو لا بنتنا ما تتزوج عليها وانت وانت وانت الخ المهم سالت زوجتي اذا تبيني والله لا طردهم الان وا احد يقدر ياخذك مني . طبعا ما ردت .. قلت انا خارج فكري وشوفي جيت وهي شالت عفش البيت كله وراحت حتى بناتها رفضتهم اخذت بناتي ونزلتهم عند اهلي في الدور الارضي ويومين قالوا نبي البنات ونبي الف ريال مع كل واحده عشان الشغاله قلت لا امهم تخدمهم والا خلوهم عندي اجيب لكل واحده شغاله ومربيه ومالكم صلاح فيهم والى الان وهي عند اهلها وهم رافضين يرجعونها علما اني مصر على الزواج من الثانيه وهم مصرين على الطلاق والضحيه بنتين والله رغم اني مرتاح من داخلي لكن بناتي ما هانو علي هذه قصتي ودمتم والضحيه بنتين |
يا اخي والله الضحية هما البنتان
والي فهمته ان الحرمة الي كلمتك ماكان لها اي سالفة زواج بس هو الموضوع جه كذا انا رايي انو لخاطر بناتك قلها هذي اخر فرصة لك يا اما تمشي كما يرضي الله يا اما بتزوج وهذ شرع الله |
اعطيها فرصه أخيرة وأفرض عليها شروطك ....
الله يصلح الحال ويكتب لكم مافيه الخير |
والله ياخوي اذا انت شايف الحياة ماتحتمل معاها انفصل
مو اول بنات ينفصلو اهاليهم بنتين ولا اكمال زواج وتصير عائلة كبيرة وضحايا أكثر طبعا الافضل انكم تتفاهمون وترجعون لبعض |
زي ماذكرو الاخوان عطها فرصه واملئ شروطك
وانشا الله تتعدل الامور لاتستعجل بالطلاق .. والله يكتب الي فيه خير.. |
تزوج واتركها عند اهلها هذا رأيي ..تبي ترجع ؛؛رجعها ...ماتبي ترجع ؛؛ ماسويت غلط
|
لاتستعجل الطلاق ليس حل اتركها لفترة عند اهلها
وستعود لك حاول التفاهم معها عن كل ماتحتاجه وكل مايضايقك لاتترك الشيطان يدخل بينكم فأفضل عملا يقوم به الشيطان أن يفرق بين المرء وزوجه. أصلح الله زوجتك لك وأصلحك لها وأصلح مابينكما.. أختك طاغية الملامح |
الله يعينك ويصبرك واتمنى ان اهل الزوجه يتداركون الامر ويردون زوجتك ويحافظون على بنتهم الطلاق صعب جداً هذا هدم بيت اصبر ولك الاجر ان شاء الله
|
كان الله في عونك00
إذا تدخل الاهل بين الزوجين00 بتصرفات غير مسؤوله00 كأخذ الجوالات00 والتهديد00 فالأمر يصعب 000 ويصبح معقد00 يا ترجع زوجتك من اجل بناتك00 وتلبي طلباتهم00 وتصبر00 وإلا الإنفصال00 والله يغني كلاّ من سعته00 فكر في الامر00 واستخير 00 واستشير00 وحاول الإصلاح00 وياليت تكلم زوجتك على إنفراد00 وتفهمها انه لا داعي لإدخال اهلها في مشاكلكم00 فهمت00 كان بها00 ما فهمت00 اعمل اللي فيه الصالح لك ولها ولإبتيك00 الله يصلح ما بينكم00 |
كان الله بعونك اخوي .. في حريم نكديات و للاسف اهلهم بدل ما يصلحونهم وينبهونهم يساندونهم على الغلط .. اذا خمس سنوات و ما انصلح حالها و ما قدرت انت تغير من طبعها و خلقها السئ فمن الصعب انك تصلحها انت متزوج اخوي عشان ترتاح مو عشان تربي زوجتك من اول و جديد .. وثانيا هي بكل هذه السهوله استغنت عن بناتها و انا عارفه انها استخدمت البنات عشان تضغط عليك و نفذ شروطها .. لكن انت تمسك بموقفك .. اذا هي تبي البنات تاخذهم بدون شروط ... او اترك البنات عندك تزوج اخوي لكن حاول كثر ما تقدر انك ما تطلقها من اجل بناتها .. |
| الساعة الآن 04:14 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©