|
شاركوني بأرائكم محتاره بين الطلاق وإكمال الدراسة ..
مرحبا...
صباحكم / مسائكم ...ورد.. وعدتكم بقصتي وانا معكم لافضفض وعلشان تشاركوني تجربتي وتعطون نصايحكم والله يوفقنا للي فيه خير..انا بنت عمري 22 ربيعا اعيش مع اب وام منفصلين بعد زواج استمر 17 سنه مرت بانواع المشاكل ،وبعد الانفصال انتقلت انا واخواني الكبار علشان نسكن مع البابا في مدينه ثانيه غير الي تسكنها امي واقاربنا ،مريت علينا سنين الله اعلم بها لان ابوي كانت الحياه معه صعبه جدا جدا جدا.. وصلت لسن مناسب للزواج بس كانت فرصتي للزواج قليله لاننا نسكن بعيد عن اقاربنا زائد انه مستوى جمالي بسيط ،بس رحمه ربي كانت اكبر وتقدم لي شاب من عائله (حموله ) متوظف ويسكن في نفس المدينه الي امي تسكنها حسيتها فرصتي وافقت بدون تردد مع ان الكل مامدح بأخلاقه بس توقعت ان الناس تبالغ ...وللاسف اراد الله وتم الزواج تفاجأت من ليله العرس بأمور ه العجيبه واسلوبه بالكلام الي يعني يفقد للذوق بس طولت بالي ... لمح لي من ليله العرس بأنه يبي يقرب لي مرت اول ليله بسلام ، مع الوقت بديت اكتشف به اشياء اكثر مثل انه بخيل يبي يفرض سيطرته من اول يوم مافي اي مجامله اودلع اوذوق مع انه ايقالنا عرسان.. بعدها تفاجئت بالطامه الكبري انه لما قرب مني صار مايقدر يكمل ..سكت وماقلت شي اول ثلاث ايام من زواجي كان بس هنا تفكيره مافي شي اسمه نطلع نتمشى نسولف ابدا... اليوم الرابع نزلت انا لااهله وانا عندهم تأخرت ماطلعت له يوم طلعت لقيت الرجال معصب علي وجلس يهاوشني صراحه بعدها انصدمت يعني لحد هنا وصلت حشا منيب عرو س كأني مرته من 30 سنه ..ماتحملت دقيت على اهلي وطلعت ، دق بعدها علي وهاوشني ،وقلت خلاص مالي رجعه له ، من بكرا العصر دق يتأسف صراحه مارضيت بعدها اتصلت امه بعد اصريت على موقفي لاني صراحه حامت كبدي المهم اتسكر الموضوع وانشغل ابوي ونساني وهم بعد تركوني مرت الايام وسجلت بالجامعه وقررت اكمل دراستي والحمد لله انقبلت ودرست بعديها بكم شهر اصر ابوي الا ارجع حولت اقول لا مافي امل يعني بالغصب يوم رحت قلت ببداء صفحه جديده وبحاول وبالفعل انا وحتى هو حاول بس للاسف بعد بأسبوعين رجعت لبيتنا وبعد قلت مانيب راجعه له ..وزي المره الي راحت انشغل ابوي ونساني وجزمت انا هالمره على الطلاق بس للاسف اتذكرني ابوي والاترجعين حاولت ورفضت ودخلت وسطات بيني وبين ابوي وبس ابوي بعدها فاجئني بالعصا ...!؟اذا مارحتي حفاظا على كرامتي رحت ،مااكذب هالمره كان استعدادي النفسي سيئ بس حولت وماقدرت ورجعت لااهلي ،< ونفس الدوامه ؟نساني ابوي ودرست ونجحت هالسنه بس للاسف تذكرني ابوي حاليا وخيرني يأماارجع واكمل دراستي، او اتطلق ولااكمل دراستي ..<يعني لازم اني اختار اهون الشرين. بس كان فيه عرض مغري انه لو رجعت هالمره ابوي بيستأجر لي بيت وبيشتري لي كل الي ناقص لان الي ايقاله بيتي كان وضعه يفشل وناقصه اشياء كثيره .. احترت وش اختار ؟ اخاف اختار اني ارجع له مع انه هو عارف اني ماابغاه لاني كم مره عرضت عليه بالصراحه انه يطلقني بس هو كان يقول مااطلق الا اذا ابوك طلب.. ولا افرط بدراستي علشان الطلاق وابعد عن امي .. انا اخاف اختار ان ارجع بس اخاف اني مااصبر يعني يصير بس تضييع وقت وجهد وآلم .... بخاطري كم نقطه بوضحها لكم قبل لااختم :انا كنت والله ابرضى بالقليل منه فجأني ببخله . صراحه كثير بأيامي معه كنت اتضايق من طريقته بالاكل ، كان قليل كلامه بالحيل نوع ما طبعه صعب يعني وش مااقول انا يحب يسوي العكس كأنه خايف اسيطر عليه .. اما عن وضع الـ ....... بأيام رجعتي انا صراحه صار عندي رده فعل وكنت احاول اساعده بس انا نفسي كنت بحاجه لمساعده ..وهو كان يعني ممممم مايعرف يخليني ارغب هالشي بكون صريحه وجرئه بقول مايعرف شي اسمه مداعبه قبل الجماع انا اعتقد ان المراه تهما الاشياء الي قبل اكثر من الشي نفسه كانت اتضايق كثير من هالشي عنده بس طبعا ثقافه العيب عندنا تمنعني اني اقول لابوي .... واعذروني اذا طولت بس طلبتكم لاتحرموني نصايحكم ولادعائكم .. بأنتظار ردودكم.. |
صغيرتي..هلا و غلا
اّلمتني حياتك كثيرا، لا حول و لا قوة إلا بالله. عليكي بالإستخاره، و كثرة الإستغفار، اللهم يحنن قلب والدك عليكي و إذا في خير بزوجك الله يهديه بإذنه تعالى راح يصلح حاله. تحياتي القلبيه |
تسلمين .. لاتحرميني من دعائك ..
بأنتظار اراء البقيه .. |
حبيبتي ..
والله ماعرف شقول .. ماحب انصح حد بالطلاق مهما كانت الأسباب بس من قلبي ادعي لج ربي يكتب لج الخير ويوفقج ويسعدج ياااااااااااااارب |
الله يلحقك خير (آمين)
بصراحة الوضع صعب , أن رحتي مشكلة وإن قعدتي عند أبوك مشكلة .. استخيري, والله تعالى أعلم |
عيوب زوجك (اللتي ذكرتيها) ..
*مع ان الكل مامدح بأخلاقه.. *واسلوبه بالكلام الي يعني يفقد للذوق .. *بخيل.. *يبي يفرض سيطرته.. *صار مايقدر يكمل .. *مافي شي اسمه نطلع نتمشى نسولف ابدا.. *يقول مااطلق الا اذا ابوك طلب.. *كنت اتضايق من طريقته بالاكل .. دق يتأسف >>>حسنة.. (لم تذكري عنه أي حسنات أخرى !!!!) ....ماتحملت دقيت على اهلي وطلعت ، دق بعدها علي وهاوشني ،وقلت خلاص مالي رجعه له >>>قوية منك!!! ترك بيت زوجك بهذه الطريقة مهما صدر منه (خطأ).... على كل حال ما أراه أن ترجعي له ( ولا تحملين) يمكن يتحسن الوضع مع (العرض المغري) الذي وضعه الوالد وبتكسبين شئ مهم جدا وهو( دراستك) إذا أنهيتيها ومازال الأمر كما هو...فاطلبي الطلاق.. الله يوفقك عزيزتي ...ويسعدك ...ومالك غير الله استعيني فيه واقربي منه كثيرا حتى تستريحي..ويتبين لك الأمر.. إذا ممكن أسألك (خارج نطاق الموضوع) بما أني مطلقة وابنتي بعيدة عني وأبيها مثل أبيك تقريبا .. لما كبرتِ هل تشعرين بنوع من الللوم تلقينه على والدتك (لماذا لم تصبر وتمكث مع أبي لأجلنا) ؟؟ ماهي مشاعرك اتجاهها؟؟ |
عزيزتي كان الله في عونك
عليك بالاستخارة حتى ييسر الله أمرك ان كنتي لمست منه حبا لك فارجعي حتى على الاقل تكسبي دراستك وان لم تجدي الحب و اجتمع معه سوء الخلق فلا ترجعي ولكن لماذا لن يطلقك الا اذا طلب والدك هل ليعتبره خلع فيسترد ماله كله أتوقع ان هذا تفكيره .... واذا وصلت لهذا الأمر فلا أعتقد أن للحب وجود وفقك الله |
اختي الكريمه00 هند00 مساءك فل و ياسمين00
كم جلست مع زوجك ؟!! وصدقيني00 لم ارى مما كتبت عن زوجك من سلبيات او عيب !! إلا أنه بخيل00 ولكن لن تتضح الامور حتى تتعايش معه00 وانت اربع ايام ورجعت لبيت ابوك !! وبعدين رجعت لمدة اسبوعين00 الصبر يا اختي00 الصبر00 أما إذا لم ترتاحي له 00 ولم تجدي في قلبك موده ورحمه000فهذا امر اخر الله يصلح ما بينكم00 |
أختي هند
وسعي صدرك مع زوجك .. ممكن يكون مشحون كلام كثير من أصحابه .. وآخذ فكرة سيئة عن الحريم .. أنتي ارجعي له .. وأشعريه أنك تابعه له .. قراراتك من قراراته .. ومطيعه لكلامه .. باحترام وتقدير .. وأشعريه بقيمته كرجل وزوج .. يعني باختصار خليه يستحي على نفسه .. ومشكلة البخل تنحل إذا حبيتوا بعض .. أكثري من الاستخارة .. وتوكلي على الله .. وإن شاء الله ما تحصلي إلا كل خير |
الله يفك همج ويفرج عنج
|
| الساعة الآن 02:46 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©