|
اختي الحساسه
السلام عليكم ورحمه الله وبركاته :24::24::29:اليوم عندي مشكله وحابه اشوف اراءكم وحلولكم واتمنى الاقي التفاعل انا اكبر خواتي البنات واحنا ثلاثهوبينا فروق بسيطه انا 23 سنه واختي الي بعدي 22والصغيره 20 ونص واحنا اكبرمن الاولاد انا مثل ما يقولو الاخت الكبرى واخواني كلهم مقتنعين فيني والحمدلله يحبوني ويسمعون نصايحي ومافي مشاكل انا الان متزوجه وعندي طفلين واختي الثانيه تزوجت من 7 شهور كمان وحامل الله يتمم لها على خير وتشوف بنوتتها امين يارب واختي الصغيره للان في بيت اهلي قبل سنه ونص بقريبا اختي الوسطى ما كانت متزوجه وتقدم خاطب لاختي الصغرى وكان مناسب بجميع المقاييس وشافها شوفه شرعيه ووفقت عليه ووافق عليها الى هنا الامور تمام ولكن اختي الوسطى اعترضت وسوت مشاكل لاعد لها ولاحصر لانها المفروض هي الي تتزوج لانها الاكبر وان هذا الخاطب امه شافتها ولكنها خطبت اختي الصغيره والمفروض نرفضه يعني سوت قلق مو طبيعي وبكا ونواح وحاله وسبحان الله ربي ما كتب نصيب والان الشخص هذا متزوح ربي يوفقه.. اختي الصغيره تقول ان اختي الوسطى كلمته على انها هي وقالتله انها ما تبغاه لان انتهاء الموضوع كان بطريقه غريبه جدا وبدون اسباب بعد ما وصل لامور متقدمه .. اختي الصغيره جميله جدا وصغيره ومؤدبه وخلوووووووقه جدا وتنطلب واجد الان ولكن ما يتم النصيب سبحان الله المشكله الان انا في غربه لمده بسيطه واكلم اهلي على برامج المحادثه صوتا وصوره اخر مره كلمت امي وكانت اختي مو موجوده واخوي الكبير معاها (عمره 18 ) فسالت امي عن اختي وان اذا حد تقدملها او لا واني دايما ادعيلها في هذا الوقت انا عندي بنت عم اصغر من اختي هذي بسنه انخطبت ما شاء الله ربي يتمم لها وكانت اختي معاها تتمشى بحوش البيت .. سكرنا هالمحادثه ومن بكره اكلم اهلي الا اختي زعلانه وتبكي اخوي وصلها الكلام الي انقال الله يهديه بس وفسرت الكلام على كيفها وتقول اني انا اقول عنها انها غيرانه من بنت عمي المخطوبه وانها رح تحسدها وانا اصلا ما قلت هذا الكلام وانا اعرف اختي طيبه مره وما تشيل ولا تحسدومستحيل اقول عنها هالكلام بس هي صارت حساسه بهالموضوع جدا .. انا كل الي سويته سالت امي عنها حتى اطمن بس وامي تحلفلها اني ما قلت هالكلام ولكن الان هي زعلانه وساكته دايما وما تتكلم معي.. علما ان اختي هذي احب اخواني لي طيبه حساسه محبوبه من الجميع وعيالي يموتو فيها ومتعلقين فيها وجميله جدا وصغيره عمرها 20 ونص كل مكان اروح فيه اذكرها واشتريلها ملابس واكسسوارات حتى ان زوجي صار يقولي ليتني اختك هاذي حتى اكون على بالك اسفه عالاطاله بس حبيت افضفض خصوصا اني منقهره ومو عارفه اتصرف وهنا ما عندي احد اتكلم معه بالموضوع وزوجي ما احب ادخله بمشاكلي مع اهلي وحابه اسمع اراءكم هل انا غلطانه وكيف اتصرف وشكرا جزيلا اخواني وخواتي |
والله ياقلبي احس الموضوع بسيط ان شاء الله
على قولك مواصفاتها حلوة .. بإذن الله مارح يستمر اللي هي فيه .. وتنخطب وتنسى هذا كله اتركيها فترة .. ولا تفتحي الموضوع معها .. وسوي نفسك موفاهمه اش فيها .. ولا حتى انك انتبهتي انها متغيرة عليك وعادي اضحكي وتكلمي معها .. وبإذن الله رح ترجع .. وحتى لو فتحت الموضوع .. سوي نفسك مو فاكره اصلا وخليك مثل ماكنتي معها .. بس زيدي شوي واشتري لها هدايا .. واهتمي فيها اكثر .. وخليها تحس ان فعلا ماهي ناقصه عن غيرها وموشرط الزواج او الخطبة هي اللي تحدد اذا البنت ناقصه او مو ناقصه .. خليها تحس هالشي بطريقه غير مباشرة وان مكانتها عندكم مرة عاليه وانكم من غيرها رح تحزنوا والحمدلله انها بوسطكم .. ومن هذا الكلام .. لا تعطي الموضوع اكبر من حجمه .. لأنه فعلا رح يكبر .. وممكن تجرحوها لو حسستوها انكم فاهمين اللي يدور براسها وفعلا تأكدوا لها ان فيها نقص وغيرانه خلي المواضيع تمشي عادي .. وربي ييسر لكم الخير |
اقتباس:
شكرا جزيلا اختي على المرور والرد وانا قاعده اتجاهل الموضوع وبحكم اني بغربه الان فانا اقل اتصالا فيهم ولا اراهم الا في اوقات محدده وقليله الله يصلح الحال ويهديها ويرزقها الخير والزوج الصالح عاجلا غير اجل وكل بنات المسلمين |
شكرا لك اختي على تفاعلك الوحيد معي
وحابه ابشرك وابشر الي قراوو الموضوع ان اختي اليوم كلمتني عادي ولا فتحنا هالموضوع نهائيا ياربي لك الحمد والمنه |
الحمدلله
الله يشرح صدرك والله أسعدني خبرك الله يصلح احوالنا واحوالكم ويشرح صدورنا ويلهمنا حسن التصرف والحكمة |
| الساعة الآن 05:42 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©