زواج الاقارب تنصحون فيه ؟
 

لقيت قريبه كامله امواصفات


ولكن يوم طقطقتها براسي لقيت اني لو اخذتها ولا صلحنا بتوهق ؟؟ ماقدر اطلقها وكل مشكله بيننا بتروح تفضحني عند العائله ؟وش رايكم

اخي مو انت بتقول انها كاملة المواصفات ؟


يعني اكيد انها مربية جيد وهذا احد اهم المواصفات

وبما انها على قدر عالي من التربية واهلها جماعة محترمين فدع الموضوع يتوقف على النصيب


اذا انت شايف فيها زوجة مناسبة وشايف باهلها نسب يستحق فتوكل على الله

وزواج الاقارب لا يوجد سبب يخلينا ما ننصح فيه

والله الموفق

ليش لا

مافي أحسن من زواج الأقارب

واذا المرأة ذكية تقدر تحافظ على أسرار زوجها وبيتها

توكل على الله وربنا يوفقك

واللي مالقيته في الغريب يمكن تلقاه من القريب

يمكن لان وجه نظري نفس الرائي وارفض زواج الاقارب وحتى اهلي نفس الشي


لاكن اشوف ان فيه تجارب ناجحه وفيه تجارب فاشله

مثلها مثل اي زواج


التوفيق بيد الله عزوجل

وكمان فيه نقطه لاتتشائم من البدايه ودامك واثق من نفسك وانك ماشي صح وشوله تخاف من الفضايح

الحياه معروفه لابد فيها من الخلافات

واذا انت اتفقت من البدايه انه حياتكم كتاب مقفول مو مفتوح كل من مر قراه وحطيتو لنفسكم خطوط حمراء بحياتكم

باذن الله راح ترتاحون سواء كانت البنت قريبه او بعيده


استخير الله اكثر من مره

والله يكتب الي لك فيه خير لك يارب

زواج الأقارب مثل غيره بل في حال نجاحه يصبح أقوى من زواج غير الأقارب ,,
اهم شيء ان تكون الفتاة التي ستتقدم لها ذات معدن طيب فعليك بالسؤال عنها جيداً

والله ياخوك اذا عاقله ورزينه وفاهمه .. " بأختصار مثل ماقلت انت . كاملة المواصفات "
والكامل سبحانه

فليش لا ؟؟ ليه تتوقع تفضحك دامها عاقله وفاهمه ؟؟
تقدم لها والله يكتب اللي فيه الخير ..


بالنسبه عن نفسي .. انا ما راح اسويها :) لاسباب كثيره

الله يوفقك ويختار لك اللي فيه الخير

مسلسل متوهق بعمره!!!
‏@‏
كاملة المواصفات سياره اهي
مابقى الا
تقول موديل 2008