|
كيف تكون العلاقة مع أهل زوجتي؟؟؟؟؟؟
السلام عليكم الاخوة والسيدات المتزوجين لااريد ان اطول عليكم لانكم متزوجين وعندكم مشاااغل..... :d:d السيرو يبي يصير مثلكم متزوج بس محتار في العلاقة مع اهل زوجته (الاب - الام - الاخوان -الاخوات - العدلاء) شلون يخلي العلاقه معهم : رسمية زيارات في المناسبات وبين فتره وفتره ولا يخش عرررض ويخليهم مثل أهله وداخل طالع وميااانه عالاخر طبعاً اكيد العلاقة اللي بتكون مع اخوانها او امها مو مثل العلاقة مع ازواج اختها يعني اتمني منكم تفصلووون بالاجابة الاب: الام: الاخوان: الاخوات(طبعا يحرم عليه مقابلتهم شرعاً): العدلاء(ازواج اخواتها): ؟؟؟؟؟ |
مبدئيا كلهم خل العلاقه معاهم
= السلام_وعليكم السلام_شلونكم_شخباركم بس )من بعيد لبعيد _ بعدين اللي يخش عرض على قولتك يعتبرونه خبل _ بعض العدلا @ازواج خواتها@ يحشون وينقلون السوالف لحريمهم ديربالك انا ماقول انعزل لكن خلك ذكي بالتعامل معهم |
والله على حسب ..
إذا كانت العائلة محافظة ويعينونك على الخير .. وعشرتهم طيبة فالأفضل إنك تكون جزء منهم .. أما إذا كانت غير محافظة .. وتخاف على نفسك من كثرة مخالطتهم .. وتخاف على عيالك أيضا فمن الأفضل جعل العلاقة رسمية أحيانا تكون الزوجة رائعة جدا .. لكن إخوانها سيئين .. دخان وأغاني وقلة اهتمام بالدين وو .. فمثل هذه العائلة لا تربي أحفادها بشكل جيد من واقع تجربة شخصية .. وبما أنني بين عوائل محافظة ولله الحمد .. ألاحظ بعض أنسابنا يرتاحون معنا كثيرا .. بل صار لي علاقات قوية جدا مع بعض أزواج بنات عمي أو عمتي أو خالتي .. بل بعضهم صار ينظم اجتماعاتنا مع أنه من خارج العائلة أصلا .. لكن بعد الزواج صار جزء منا وفقك الله لما يحبه ويرضاه |
عاملهم مثل ما تحب انو زوجتك تعامل اهلك
والله يوفقك |
اخي العزيز اتمنى ماتفهمني خلط بس انا نفسي اعرف ليش كل الرجال يتحفظو من اهل الزوجه ولكن بالمقابل مايحبو ان الزوجه تعامل اهل الزوج بهذه الطريقه مع انها بتحس بنفس احساس الزوج لما تتزوج بحكم انهم ناس مختلفين عن اهلها بعاداتهم وتقاليدهم , المهم ماني مطوله لكن احب اقول انه اذا شعرت ان ممكن ماتتفق معاهم بالشكل الي تحبو زوجتك
الافضل انك تخلي المعامله رسميه يعني مثل ماتفضل الاخ ناااني براي من قبل , بس ملاحظه لازم كمان تراعي الزوجه يعني لا تفرض عليها شي ما تحب انه احد يفرضو عليك . واتمنى لكم السعاده الدائمه. |
اقتباس:
@@@ آآه طعنتيني في انوثتي ااانااا بنوووته مو ولد ): @@@ المعذره من صاحب الموضوع |
شكلك حازم من أولها انويها خير وتوكل على الله
|
الأم والأب اتوقع حلو الأحترام والرسميه وتأدية الواجب فيهم وزيارتهم
الأخوان على حسب شخصيتهم موحلو الميانه الزايده ودك يكون لك احترامك وهيبتك بس مايمنع تحظر اجتماعتهم ولو نادوك في عشوه خلك حبيب مو عليله:) العدلا على حسب اذا كانت هي واخواتها يجتمعون في استراحه كل اسبوع ادخل معهم وخلك كريم ومره شعور حلو ان عيالك يكونون يوم عند اهلك معك ومع امهم ويوم عند اهلها بوجودك ولو ماصار عندهم اجتماع اسبوعي يمكن تصير حمعاتكم رسميه شوي بس العدلا خلك سواليفك معهم عااااااااامه مافي خصوصيه ابدآ مره شعور حلو اذا طلعت مع زوجتك واختها وزوجها يعني يرجع لطبيعة العائله أنا من واقع تجربه الجمدلله علاقة العدلا مره حلوه وبينهم جمعات متفرقه كل شهرين والله يوفقك يارب |
خلك رسمي
يعني اذا حضروا عندك تكلف في الأكل والشرب والملبس إذا وديت أهلك سلم عليهم واجلس ولا تطول . لا تدخل في مشاكلهم الخاصة ، ولا تعطيهم فرصة يتدخلوا في مشاكلك الخاصة . امها لازم تشتري لها هديه كل سنة وهذا يشعرها بالإحترام ويبعدها عنك . انا هذا رأيي |
يازين الواحد يعامل اهل زوجته
زي مايبي زوجته تعامل اهله |
| الساعة الآن 05:24 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©