|
من كتر الغيبات جاب الغنايم - راح اشوفها قريب
مرحبا الأعضاءو مشرفين
والله ما اتوقعت اني راح كتب دا الموضوع وانا مضايق , ليا كم سنة و انا في دا المنتدى و مستني اليوم الي اكتب فيه اني راح اشوف او ملكتي او زواجي المهم اقولكم بالترتيب طبعاً في ناس تابعت احداثي من اول و بنت خالتي الي كنت اباها و خالتي ما رضيت اول كنت زعلان منهم بس خلاص ما علينا.. و بعدين الإنسانة هادي اخت صاحبت الوالدة و يعني مدحتها كتير جمال و اخلاق و الأهل كويسين و انا يلا اقتنعت و قلت طيب كلميهم دا الكلام قبل فترة اليوم اتصلت صاحبة الوالد و قالت الأهل مرتاحين و مرحبين و قالو مرحبابكم.. وحددو الميعاد على اساس انو الأحد بكرة 10 / 8 المهم انا روحت الحلاق و روحت الحق نفسي و الوالدة و الوالد الله يديهم العافية مع اني معصب مررررررة راحو بنفسهم اختارو الإسورة الي البسها للبنت و طبق شكولاتة انا كنت برة يتصلو يسئلو عني فينك و فينك لمن جيت البيت جو بعدي وروني العلبة اصلاً عصبببببت و اضايقت اني من اول يوم ما سويت ولا شي بنفسي واني ما اخترتها بنفسي و أصلاً ما عجبتني الإسورة مررة حتى قيمتها مو مررة 2000 ريال لو اعرف انزل الصورة كان نزلتها و اخدت رئيكم المهم و اتكلمت مع امي و كيف كدا ومدري ايش و كنت مضايق وهيا زعلت و بكيت و انا مررة مني عارف ايش اعمل و زعلت على الي سويتو بس مصر اني اغير الإسورة او اروح اشتري غيرها و بس جيت على طول كتبت هنا.. |
T_t مامتي بتبكي .. و انا زفت مرة مضايق
|
المفروض ترضى باختيار الوالدة
روح راضيها واكسب رضاها لجل تحل البركه ولا تنسى ان الوالده هي الخير والبركه وبعدين اشتري كثر ما تحب الجايات اكثر ومبروك عليك |
غالبآ النساء اعرف بأذواق بعضهم
يعني انت شيل من بالك ..انك بتختار احسن من الوالده _الله يحفظها _ وبصراااااحه .. مافي شي يسوى ان تنزل دمعة امي ..عشاني .. والامر والادهى ان تكون الدمعه ضيقه مني وزعل .. يااااااااااااااااااامالك من الخير ... اذا بتتزوجها غرقها ذهب بالمبلغ والشكل اللي تبيه ... بس الحين بين لامك ان الاسواره مرره حلووووه ..وانها عاجبتك بس الربكه عامله عمايلها فيك ... والله يوفقك يارب .. |
^
^ ^ مـثـل ما ذكرت الأخت هاايدي ، أنت تمر بحالة إنفعال وإرتباك لإقدامك على الزواج ... ولهذا أنت معصب ومتضايق ومنفعل فاستعذ بالله وخذ دش بارد ،،،ورح راضي والدتك واطلب رضاها الله يوفقك ويرزقك الزوجة الصالحة ومبارك مقدماً.... أخوك عزوبي:21: بس:d رجل:30: دمتم بحفظ الرحمن |
اووف كتبت كلام كتير و ضغط باك سبيس و رجعني ورااا و ضاع الكلام
- - - المهم قبل شوية أتصلت عليا وحدة من خالاتي الي اعزها و قلتلها الي صار قالتلي لالا حرام عليك كانت مرة فرحانة و دا شي طبيعي الأم دايماً تختار الإسورة فلان و فلان و فلان امهم اختارتلهم عادي روحت للوالدة تاني و قلتلها انا اسف و خلاص طيب عشانك قالت لو مرة مو مقتنع خلاص بكرة روح السوق و شوف الي يعجبك و يعني خلاص راضيتها وانتو الي في المنتدى أحبكم في الله .. |
امك ثم امك ثم امك كيف تزعلها والمسكينه راحت بنفسها
اشترت لك الاسوره وليش تقول انها رخيصه تعرف ان الذهب مررررررررره غالي والله اني اشوفها غاليه وانت بس رايح تشوفها لوكانت ملكه انا معاك انت تختار الي يناسبك وناسب العروسه اتعوذمن ابليس ولا وتقدر خاطر امك وتنغص عليها فرحتها انك تشوفك عريس وتصير ان شاء الله في عالم المتزوجين روح عند الوالده وخليها تدعيلك ان ربي يرزوقك ببنت الحلال مو من بدايه الزواج غضب امك عليك الله يهديك ويتمم عليكم على خير |
حااااضر .. :-)
|
اخي انا اتذكر مواضيعك السابقة
بس مافهمت اللحين بتخطب وحدة ثانية يعني مو بنت خالتك ؟؟ ثاني شيء معليه ارضى بإختيار والدتك وبعدين بتشري لزوجتك غيرها وعلى ذوقك كمان الله يوفقك لما يحبه ويرضاه |
معليه ياخوي
لا تكسر خاطر أمك هذا من فرحتها فيك و بعدين لاحق بإذن الله تهدي زوجتك اللي تبي وفقك الله و سدد خطاك |
| الساعة الآن 08:13 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©