|
مطلوب طرق جديده للمشروبات
مرحبا .. ياجماعه اللي عندها مشروبات غريبه تكتبها في هالموضوع يعني : مثل المكسات اللي تخلطين فيها انواع اونكهات عصيرات مع بعض المشروبات الغازيه وتطلع نكهه غريبه وحلوة مثل الكاديه مع السفن اب وعصير الفراله (مثلا ) ... انا ماجربتها ولا اعرف اسويها لكن كم مره اذوقها وتعجبني ولا اعرف كيف اسويها.. ياليت تفيدونا بمعلوماتكم الاشراف / تم تعديل العنوان ليتناسب مع المضمون مستكة_مستكة |
انا احيان اسوي سلطة فواكه
تجيبي كيوي تفاح برتقال وممكن موز وتقطعيهم قطع صغيرة جدا وتحطيهم في صحن تقديم الفواكه وتسكبي عليهم ميرندا تفاح او سيدر تفاح او موسي بالتفاح جربيه راح تعجبك انا دايما اقدمها لضيوفي اول ما يجو عندي وبالهناء |
وفيه كمان وصفه ثانية
برتقال تفاح تقطعيهم قطع صغيرة جدا وتحطيهم في جك كبير ثم تسكبي عليهم مياه غازية تقريبا نصف الجك بعدين تضيفي عصير رواخ او سيدر تفاح ثم تضيفي كم ورقة نعناع على الوجه وتتركي الجك في الثلاجة الى ان يبرد يعني حوالي من ساعتين الى ثلاث ساعات وتزيني الاكواب الي راح تقدمي المشروب فيه بحلقات برتقال وبالهناء |
الله يعطيك العافيه اختي هذة النوعيات اللي ابيها بجربه اليوم
تسلمين |
شوفي اختي Osra>> انا اذا صار عندي فواكه كثيره في الثلاجه و بدت تخرب اقشرها و اقطعها و اثلجها .. يعني اقطع تفاحه و كمثرى و كيوي و موز او اي فاكهه عندي في اكياس صغيره .. بعدين اذا بغيت اعملها عصير احطها في الخلاط مع ماء و شوية سكر او مع عصير برتقال او عصير جوافه اللي يكون متوفر عندي و اخلطها بعدين انقط عليها كم نقطة فمتو تطلع مثلجه و لذيذه .. و هذه الطريقه دائما اعملها في رمضان للفطووور .. يعني اشربها مع الفطور عشان تشبعني و لا اكل كثير .. كمان في رمضان اعمل ( عصير زعفران ) لذيذذذذذذذذذذذذذ و منعش اولا: انقع كمية لا بأس بها من الزعفران في شوية ماء دافئ لحد ما تنزل كل الصبغه .. بعدين اخلط ماء مع سكر و اضع عليه منقوع الزعفران و اضع عليه نس فنجان او اكثر حسب الرغبه (ماء لقاح ) عامة اهل الخليج مثل السعوديه و خاصه المنطقة الشرقيه و البحرين يعرفون ماء اللقاح وهذا يؤخذ من النخيل .. لا يفوتكم تراه لذيذ .. |
حبيبتي فيه حركه شفتها عند وحده
بعد ما تعصر العصير تصب نصه في قوالب الثلج الي ع اشكال مره حلوه ولما تقدمه طبعا كل عصير مع ثلج من عصير مختلف بصراااااااااااااحه فن |
الله يعطيكم الف عافيه والف شكر على الافكار الحلوة
طريقة قوالب الثلج مبتكره جربتها اليوم مرررره خطييير شكلها اخت اميرات .. فكره حفظ الفواكهه في الفريزر ( بصرااحه ما جت في بالي ابد . دايما تخرب الفواكه عندي ولا استفيد منها وارميها الله يجزاك خير ذكرتيني ونبهتيني ) مشكوووووورين |
عندك في السوبر ماركت مانجو وفراوله وجوافه مثلج تخلطي كيس مانجو مع علبه زبادي ونصف كاس تانج برتقال وتخلط الفراوله مع الزبادي ونصف كأس فيمتووتصب مباشره في الكأس قبل يميع الثلج طبقات.والله جنان الكل أعجبه وصحة وعافية
|
اقتباس:
اختي انا حتى الرطب اذا صار عندي كثير في الثلاجه واحس انه راح يخرب اثلجه و استعمله مع عصير الفواكه يعطي العصير نكهة مره حلووووووووووه .. |
مشكورة اختي تميمية الله يعافيك يارب ...
اليوم اان شفت في احد القنوات هذا المشروب .. تحطين في جيك (الميبل سيروب) اللي هو شراب االقيقب تقريبا بس في قاع الجيك على حسب االحلا اللي تحبين وتحطين شاي الليبتون او اي شاي تفضلين (ممكن تحطين بودرة الشاي المثلج (الايس تي ) واعواد الدارسين (القرفه) عودين او 3 على حسب الرغبة تقطعين شرائح ليمون وتضيفيها ثم تصبين عليه ماااء مغلي (ضروري ماء ساخن جدا )علشان تطلع نكهة الدارسين والشاي والليمون وتتركيه الى ان يبرد ثم تبرديه في الثلاجه وتقدمينة باارد ومع كل كاس شريحة ليمون. انشالله يعجبكم |
| الساعة الآن 12:36 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©