|
أنوي غدا ً إقامة ليلة رومانسية لزوجتي أفكاركم
بسم الله الرحمن الرحيم أعاني من بروووود زوجتي القاتل وسببه مشاكلنا المتكرره أفصحت لي لما سألتها عن سبب عدم رغبتها بالجماع عن عدم وجود مايرغبها وأن الآن أنوي أن أفعل جميع طريقة تمكنني من تملك قلبها فلعله يتحرك فيها شيء من رحمة بي لأنني وبكل أسف بدأت أفقد حبها الذي كان يتملك قلبي رغم المشكلات التي تواجهنا ومن أهمها عدم سماعها لكلامي واتهمامها للناس وعدم اهتمامها بي فأكاد أقول انها لا تتزين لي أبدا ً وإذا أرادت أن تخرج للناس فإنني أرى امرأة أخرى بكل ماتحمله الكلمة من معنى وإذا أتت من المناسبة التي تزينة من أجلها فإنها تتململ لكي تغسل المكياج وتفك التسريحة وتقعد عندي بخشتها المرتزة ههههههه والله صرت أفضفض وأن ابي ليلة رومنسية . مالكم بالطويلة أريد أن أضع ليلة رومنسية لأنني اتهمت نفسي بالبرود العاطفي ووالله لست كذلك ولكنها اشتكت من قلة الرومنسية فأريد أن أجرب معها الرومنسية لأرى هل تستجيب لي أم لا ولن تكون هذه الأولى ولكن عندما لا أحبها فقط أجد لنفسي العذر في أن اقول لها خرجت من قلبي ولا مكان لك في بيتي . أفكاركم لليلتي الرومنسية .. بس لا تكون افكاركم تبي فلوس واجد لانه هالشهر الميزانية مش ولا بد :d. |
الله يسعدك دنيا وآخره
ماشاء الله عليك إنت طيب وقلبك أبيض .. الله يكثر من أمثالك صراحه المفروض هي اللي تبحث عن كل شئ يفرحك ويرضيك ترى الدلع الزائد للزوجه يفسدها يكفيها منك الكلمات الرومانسيه والمعامله الطيبه تحقق طلباتها ما تمنعها من زيارة اهلها لو قرأت وسمعت عن تعامل بعض الرجال الوحوش مع زوجاتهم كان شكرت ربها إن رزقها مثلك عموما ممكن تعزمها على مطعم أو اقضي معها ليلة في فندق أو هدية بسيطه أو سفره يومين على الجنوب اصرف في حدود إستطاعتك لا تكلف نفسك فوق طاقتها الله يصلح حالكم |
عبدالعزيز
فرح شكرا لكم بانتظار الإخوة الباقين |
الاخ عبد العزيز ما قصر
اتمنى لكم حياة زوجيه رائعه |
حياك الله اخوي
والله يسعدكم ويسخركم البعض طيب غير من كلامك طريقتك معه حركه جديده معه هذا اشياء بسيطه مابتخسرك مثل * أثناء وجودكم بين مجموعه من الأهل أو الأصدقاء اخذ زوجتك على جــنب واهمس في أذنها بجمله رقيقـــــــه مثل ( أنتي أحلا المــوجــودين ) * أثناء تجولكما في الســوق .. توقف وقل لها مبتسماً ( انا مبسوط إنــــك زوجتـــي ) * مهما مر على زواجكما من سنين نادي زوجتك بين الحين والآخر بـ ( عروووستي ) مو شرط حفله بجمع لك افكار ماتخسر وبرجع ان شاء الله <<والثقل زين >>> عفواً: ان شاء الله تكتب على هذا النحو الإشراف |
شف وانا اختك رجعت اقراء كلامك زين وعذار زوجتك
ان اعتذاره ان مافيه شيء يرغبه البنت كلمه حلوه تاثر فيه بس تبي تحسسك ان التقصير منك مو منه وانت اعلم بنفسك وقدراتك تقدر تقيمم نفسك انت تقصر معه او لا ياخى طالبتك تكفى اثقل شوي فيه زوجات يوم تشوف اهتمام زوجها بزياده تدلع وتسحب عليه |
^
^ طيب انتوا وركم هبيتوا في الرجال اثقل واعقل ..واركد ...!!! ماسوى شي غلط ..يبي يستانس مع زوجته ويرجع حبه القديم ..ويستمتع فيه !! طيب يمكن الزوجه ..تستحي من حالها اذا شافت الزوج مسوي هالحركات وهي لا .... وتحس على حالها ..وتمسك زمام الامور في هالشغلات ..ويرتاح بعدها ؛؛>>ان شا الله ربي بيعطيك على قد نيتك .. لاتهبطوون الرجال ..كل حرمه ولها عيووب .. وهوبيحاول يصلح هالعيوب بطرريقه مرره حلووه .. وبيحرجها ,,زياده << وهذي الطريق المثلى بين الزوجين انك ماتطلب مباشره تطلب منه بطريقه غير مباشره ..ويكون له تأثير اكــــــــــــبر من الطريقه المباشره .. عمومآ الله يوفقك ... ويديم المحبه بينكم |
اخوي في طرق كثيره عشان تحسسها بالحب
قبل كل شي انت تشبعها من حنانك وحبك انا ما اقصد الجماع اللي اقصده تكثر من حضنك لها ومن قبلاتك في بنات يشوفوا ازواجهم مايعطونهم حنان يقولوا ليش نتعب حالنا المهم انت تبي فكره انا اقول لك او شي روح سيتي بلازا (سنتر بوينت) فيه اشكال كثيره للشموع بس بما ان الميزانيه ماتسمح اخذ لك هذي الشموع الصغيره اللي على شكل دائره 100 حبه ب 12 ريال بعد كذا روح محلات بريالين بتشوف عندهم قاعدات شمعيه تجنن وكمان راح تشوف شغلات حلوة واشتر كمان ورد مجفف الكيسه ب 10 ريال وتكون معطره قماش حرير باللون اللي انت تحبه لايخدعوك القماش الحرير المتر بالكثير 15 ريال بدلة نوم على ذوقك انت نجي للتطبيق طبعا قول للحرمه روحي للزياره لاهلك المهم انك تصرفها اكبر وقت ممكن ارجع البيت طبعا ماراح تقدر تطبخ العشا انت اطلب من المطعم المهم عند مدخل باب الشقه استخدم الورد المجفف وارسم شكل قلب جميل في داخل القلب استخدم الشموع اكتب كلمه احبك بالانجلش يعني تكتب اي وترسم قلب وبعدها تكتب يو طبعا كل هذا بالشموع نجي للصاله حط قطعه القماش على الطاوله واذا كانت ماعندك طاوله تقدر تستخدم الارض مافي مشكله وزع فيها كميه بسيطه من الشموع والورد المجفف وانتبه لازم تخلي مكان لصحون العشا بارضيه الصاله وزع قاعدات الشموع بالشكل اللي انت تحبه نجي لغرفه النوم رتب المفرش وحط فوقه بدله النوم اللي انت اشتريتها وطبعا تكون انت معطرها وكمان تقدر تحط عطور فواحه عشان تخلي ريحة الغرفه جنان طبعا في هالوقت تتصل على المدام وتقول لها ان زوجة صديقك تبي تشوفها وراح توديها ولازم تكشخ المدام راح تكشخ لك كشخه مو طبيعيه اخذها ورجعها للبيت وراح تتفاجئ باللي يصير وبالعافيه عليكم |
الصور حلوه شغل تقليد
http://img247.imageshack.us/img247/2843/01bed1qa9.jpg http://www.6-ef.com/uploads/6-ef_02/...956925f387.jpg وهذا بعض الحركات بدون حفله وخساير ـ وانتم على السرير اقترب منه ولفه بذراعيك ونام .. ــ لما تصح من النوم .. خل اصابعك تداعب شعرها ورقبته وملامح وجهها قبل كلمة صباح الخير.. - داعب قدميه وانتما تتحدثان .. باصابعك بكف قدمك .. - رسائل جوال تكون فيه جراء شوي.. امممممممم وبس |
| الساعة الآن 04:23 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©