|
جوالي هل من الممكن ان يتصلح ؟
السلام عليكم ورحمة الله وبركاته
عندي جوال عزيز علي مرة لأنه هدية من ماما الله يحفظها ونوعيته: Nokia6500s-1 وهذي صورته: http://up.stop55.com/upfiles/fyG31288.jpg المهم إنه طاح مرة في طشت موية ومرة هوى من علو شاهق "من الدور الثاني للقبو :d" ومرة انكب عليه حليب وتصقع لين قال بس و........... الخ من الإصابات :29: وفي كل مرة يرجع يشتغل مرة ثانية ماشاءالله تبارك الله .. فجأة الجوال بدا يخبص ! يسكر فجأة !! يقلب الشاشة فوق تحت !! الشاشة ماتشتغل !! الشحن انتهى وأنا توي شاحنته !! كل هذا صار في ساعة وحدة ! يعني كل شوي تطلع مشكلة !! ثم قفل ولعد اشتغل أبدا .. والظاهر إنها عين ماصلت عالنبي لأن كل من سألني عنه مدحت قوة تحمله وقعدت أسردله مغامراته مع الطيحات ومالطيحات :( وديته لكل محلات الصيانة المعروفة عندنا وكل شوي له مشكلة وآخر شي قالوا مايصلح لأن القلب خربان ويبله تغيير بـ 700 ريال !! وقطعة الغيار هذي مو موجودة ..! هذا كلامهم !! وش أسوي الحين ؟؟! رايكم أشتري واحد مستعمل وآخذ القلب حقه أحطه بجهازي ؟! بس كذا بيكلف علي :29: وإذا سويت هالحركة بتنمسح أرقامي ورسائلي لأنها بذاكرة الهاتف ؟ :( الزبدة: فيه أمل يتصلح ولا لأ ؟؟! |
اقتباس:
اقتباس:
وتشتري جهاز جديد لان واضح ان الهاتف انتحر انتحار من التعذيب والعوض بوجه الكريم |
ليه هالتحطيم ياأبو عمر :(
أعترف إني أهملته ومااهتميت فيه على الوجه المطلوب لكن الأطفال الله يهديهم :29: والي خلاني أستغرب إنه خرب فجأة !! يعني مو بعد طيحة ولاشي ! |
اقتباس:
لك والله الرحمة حلوة :d خليه يرتاح بعد هالسنين الخدمة وهالنكبات ياخد نهاية خدمة مع مرتبة الصبر جيبي واحد وخليه مثل الديكور بغرفتك او مكتبك |
أي سنين وأي هم ياأم وليد والله ماكمل السنة حتى !!
طيب هو وأخليه ديكور بس رسايلي وأرقامي :( على قولك شكل مشكلته جت نتيجة الكبت :29: الله يشفيه يارب .. |
شوفي يالغلا
بإذن الله فيه أمل يتصلح....والأمل بالله أكبر... وديه نفس الوكالة حق الجوال..وشوفي وش السبب الأساسي في الخراب إذا قالوا لك نفس الشيء إن القلب خربان..مالك إلا تحفظيه كذكرى..أو تشتري القلب لأنك شاريه شاريه جوال غيره..فحطي فلوس الجوال الجديد بالقلب إا طلع منه الخراب.. وبإذن الله يتصلح ويحفظ لك نور البيت أمك ..وفيه طريقة سمعتها..إنك تفككيه..يعني تنزلي الشريحة ..تنزلي البطارية...وتخلي الجهاز مكشوف طوال الليل إلى الصباح وبعدين ارجعي ركبيه مرة ثانية يمكن تضبط معك... أعتذر ع الإطالة لكـ تقديري أحلاهم وأغلاهم |
أحلاهم وأغلاهم
الله يعطيك العافية ماقصرتِ .. وعلى قولك مادامني دافعة دافعة أحسن لي أشتري مستعمل .. |
ههههههههههههه ياحبي لك ياجنة الدنيا
والله زين منه الي صبر لذا الوقت:d ذكرتيني بجوالي مسكين يطيح بمعدل 3 مرات باليوم :) ووولدي بعد ماقصر مره من المرات مبربس به بالمويه :d والحين اتحراله تجيه سكته قلبيه :d مالك الا تشترين جديد الله ييسر امورك |
اختي جربتي تشتري له بطاريه جديده
ممكن يكون سبب من الاسباب هذا بعد ماتفككينه مثل ماقالت لك اختي لانها مجربه الطريقه بس حاولي بالبطاريه الله يسر لك |
والله ياجنة خليتيني اضحك من قلبي
حليب وطشت مية و قبو وكمااااان ........الخ من الاصابات يعني لسة في كمان بعدين بتقولي خرب فجاة هههه مش فجاة بكون ماقدر يتحمل نفسيا وحب يرتاح من التحطم الي بصير معو لو كان الو لسان لنطق وقال ارحميني شوي ماتزعلي بمزح معك انت وديه اكتر من محل معتمد وشوفي شو حيقولو الك يعني ماتعتمدي عمحل واحد إن شاء الله يتصلح |
| الساعة الآن 05:12 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©