زوجي يتدخل بشؤون الخادمة
 

اليوم صار موقف بيني وزوجي رحنا السوق وكان معنا الشغالة المهم اخذنا اغراض كثيرة انا حاملة كيس وهي معها كيسين بعدين قال لي وش فيك على الشغالة هي حمار خذي عنها كيس قلت له ماعليها خفيفة المهم جلسنا على كراسي نريح ويوم جينا نقوم اخذ الاكياس اللي عند الشغالة واللي عندي وقهرني به الحركة ويوم وصلنا البيت دخل البيت والاولاد والشغالة قالت اشيل عنك قلت دخلي اللي معك وتعالي وجاء زوجي وانا متعمدة اشيلها كلها قلت له وينك ماتشيل عني والا الشغالة قمت تشيل الاكياس عنها قام يحلف والله مادريت عنك وكنت هلكان ماقدر اشيل ولاكيس المهم انا عصبت وانقهرت من تصرفاته دايما يقول انت ماترحمين الشغالة حتى في خرجاتنا يقعد يقولي خليها تخرج تتنفس موب ادميه وانا اقول اذا خرجت مرة في الاسبوع كفاية احسه دايما واقف معها احيانا اقول على نياته يقعد يسوى كذا مرة طيب ومو بعيدة يقول تاكل معنا واحيانا انقهر كانها ضرة والله ان الشغالات بلاء كنت مرتاحة قبل اخذها واضطريت اني اجيبها بعد ماسكنا البيت الكبير وارتحت من الشغل وقلبي ماارتاح هل في احد زي حالتي

عفـــــواً
تم تعديل العنوان لتوضيح المضمون
الاشراف

عادي حبيبتي يمكن يشفق عليها
ليش تنقهرين وتزعلين وتسوين افلام
‏_

تصرف زوجك صحيح وسليم ولا تحطين الحبة قبة فيتدخل الشيطان ويهدم بيتكم ، وخروج الشغالة معكم في توسيع لصدرها

والتنفيس عنها فهي غريبة الدار تركة أهلها من أجل هذا المال الزهيد الذي تأخذه منك فأحمدي ربك الذي أغناك وفضلك عليها

يا بنت الحلا ل الامور كلها سهاله

اجلسي معه وناقشيه

بعدين هذا زوجك ما قال كذا الا شاف الشغاله عليها تعب وبس

الله يوفقكم

اختي الشغاله بلاء هذا من الامور المفروغ منها

حاولي الا تفكري كثيرا في اتفه الامور

وناقشي مع زوجك الامور المتعلقه بالشغاله

يجب ان تكون بيدك انتي اي ان لا يتكلم امامها

باي شي عنها وكل تعليقاته تكون بينكم انتم فقط

لكن لاتعكري صفو حياتكم من اجلها

لا تجعلين زوجك يتعامل مباشرة مع الشغالة بل كل شيء يكون عن طريقك فمثلا يريد شاي أو قهوة خليه يطلب منك و أنتي تطلبي منها ذلك ولا تتساهلي في الموضوع

مشكورين على الردود والله اني احاول بقدرالمستطاع اني اداريها عشان اطفالي حتى زوجي يقول خافي عشان اولادك وهو من النوع اللي يكره الشغالات ولايدانيهم حتى اهله واهلي استغربوا يوم اخذ الشغالة فلان ياخذ شغاله وهو اللي كان يعارض الشغالات قلت عاد مجبورين عشان البيت الكبير وهو مايحب اصلا تمد له كاس الحمدلله كل شئ علي انا واذا جاء البيت طلعتها فوق حتى هي تعودت على كذا وانا والحمدلله عارفة انه زوجي يسوي كذا من باب الرحمة وانها في غربة ودايما يقولي حطي نفسك مكانها وانت في غربة وحد يعاملك بقسوة والله امس كنت متضايقة بس الحمدللة صراحة من كثر مانسمع عن مشاكلهم صار الواحد يخاف حتى اختي تقول اسكتي واحمدي ربك ماكنت تتوقعين يجي لك شغالة لايروح الحين ويسفرها