هل اعاود الباس ابني الحفاض ؟؟؟
 

السلام عليكم والرحمة



عندي مشكلة مع ابني واريد منكم المساعده والله يعطيكم العافيه



ولدي عمرة سنتين و11شهر



في بداية شهر ربيع ثاني ابتديت وياه في تعليمه على الحمام



وتعرفو هالمرحلة لازم فيها إن ما تعدي على خير واحنا مصدقين



لكن الحمد لله عدت على خير مرة ألبسه حفاظ ومرة لا



المهم قررت في نهاية شهر ثاني ربيع اقطع الحفاظ نهاااااااااااااائي



ووسعت بالي عليه وااااااااااااجد حتى الكل كان مستغرب مني لأني عن جد وااااااجد عصبيه



وقلت ما امبا أعيد مأساة اخوه الكبير اللي ظل عليه الحفاظ تقريبا 3 سنوات ونص



خلني اصبر واصبر



والحمد لله صبرت و ارتاااااااااااح بالي من الحفاظ والتطهير وكل شي



والله حتى كان احسن من اخوه من يحس على طول قام.........مو مثل اخوه اذا بقى شوي منها راح الحمام



وألحين جت النايبه العودة



صار يسويها في ثيابه وهو مايحس بروحه



والله من جد نفسيتي تعبت واااااجد



حتي اليوم وديناهم قلعة القطيف ركبناه لعبه وهومستانس بس ماقام منها الا شاخنها في ثيابه وكانت اول لعبه يلعبوها



وبعدها رجعنا البيت.........مشوار على الفاضي بس



ويش تنصحوني أرجع البسه حفاظ لو أعيد المحاولة من جديد.........والله تعبت واني مامبا أضربه لا تتعقد الامور ولا مبا اتساهل وياه ويصير الامر عنده عادي



ما عليه اسمحو لي هدرت واجد بس والله ارتحت فضفضت اللي في قلبي

السلام عليكم ورحمة الله


احب ان اتابع مثل هذه المواضيع المتخصصة في التعامل مع الاطفال

انقل لك تجربتنا مع ابني ذو العامين

فقد بدأت امه بتعويده على الحمام بسن تقريبا سنة ونصف

وبقيت المعاناة تقريبا 6 شهور مرة نمون عليه يروح الحمام ومرات ما يسيطر على نفسه

لكن ولله الحمد بعد تكثيف المحاولات والاصرار والتوبيخ مرات والمعاملة الحسنة مرات اخرى زرعنا بداخلة ضرورة قضاء الحاجة بالحمام والحمد لله الان يصر اصرارا على الذهاب للحمام رغم ان عمره سنتين لكن انا اعتقد انكم تاخرتم في ذلك يجب البدء بتعويد الطفل على ترك الحفاظ بسن ابكر حتى يصل السنتين ويكون قد قطع شوطا كبيرا في هذا الامر

الامر بحاجة الى صبر

المفروض اذا كنتي تعلميه على الحمام ماتطلعي مشاوير بعيدة

اختي الغالية لا تلبسينه ابد وطووووووووووولي بالج من تجربتي
انا عودت بنتي وهي عمرها سنتين ونص وهو السن احسه انه طبيعي
قبل الصيف ولما سافرنا في الصيف رجعت ولبستها
وحياتج جاتها نكسه بعد مارديت وماااا تعلمت الا قريب السنه ولحين تجيها اوقات خاصه اذا كانت مدمجة في اللعب ما اتحس ابروحهااااااا واذا اوصلت راحت الحمام وما تحمل الا اتسويها في ثيابهااا
لكن انا اعتبرها غلطتي وماااا ضربتها مثل ما قالوا لي بس اقول لها ان هذي وساخه وهي بطبيعتها تنقرف بسرعه ومن اي شيء

وبعدين لازم اذا بتطلعينها معاج تاخذين احتياطج من الثياب عشان اتبدلينه وتمشين امورج:23: