|
أبي حرمني من المصروف .. لماذا يا أبي ؟؟
بسم الله الرحمن الرحيم.. السلام عليكم.. في البدايه ترددت كثير قبل ان اكتب هذا الموضووع لاني توني مشتركه بالمنتدى .. وانا والله مااشتركت ف يالمنتدى االا لاني محتاجه لأحد يوجهني ويرشدني ويصصح لي ويساعدني .. بقولكم مشكلتي من البدايه.. انا بنت ..... عمري الان وتوني داخله 20 العشرين..ادرس بالجامعه اول سنه لي وان شا ءالله المرحله المقبله سنه ثانيه .. مشكلتي بدت من اوول مادخلت الجامعه ..مشكلتي كانت مع ابووي :( ابوووي من اول مادخلت الجامعه شاال عني المصروووف ماقام يعرفني بشيء وانا والله مااطلب منه لان قلت دام عندي مكافأه خلاص ماله داعي اطلب واخذ منه ..وانا والله اصغر وحده ومافي احد يصرف عليه الا انا وامي ..بس انا بعض الاحياان تخلص مكافاتي والله اني تتصفع حالتي واذا طلبت منه يقولي ماعندي .. وانا اعرف انه عنده بس مايبي يعطيني لدرجة جوالي يتم بلاسابيع مافيه شحن وماتتصوروون شلون حالتي لصارت ايام اختبارات ولصارالوقت متاخر اجلس ارسل كولمي لبعض الزميلات واللله اجلس استناهم مده عشان يدقون علي وبعض الاحيان مايدقوون ..خلصت الدراسه وازمتهااا والاختبارت وشقاهاا..جاتنا العطله وقرروا اخواني يسافروون المهم اخواني مش ملزومين يسفروني معهم وعلى حسابهم انا جمعت مكافأتي وتسلفت من اخوي وقلت لستلمت مكافتي لشهر الجاي بعطيك اياهاا ..سافرنا والحمدلله وانبسطت وطبعا ابوي ماكان معنااا..جينا من السفر وطبعا رجعت وانا ماعندي ولا ريااال ورصيدي مافي ولاشيء وجوالي بعد مافي ولا هلله رصيد مخلص .. المهم قلت لمي وامي ماتقصر لصار عندها بتعطيني وشحنت لي المهم مرت اياام وخلص الشحن قلت خل اقول لبووووي المهم انا كنت عارفه انه بيفشلني بس قلت يمكن يحن قلبه ومايردني .. ركبت السياره قلت له ابووي الله يعافيك ابغى بطاقة شحن ب20ريال قالي ..:( لوتهلكيين لو تنبااع ب5 ريال ماشريت لك ..والله اني جمدت بمكاني ..قلت له انا ماعندي شيء ولاكان شريت حق عمري ومااطلبك بس شسووي وانا احتاج الجوال دايم المهم سفهني والله ان خاطري انكسر على عمري :(..بس انا ماانقهرت على هالشيء قد ماانقهرت يوم الشغاله تقوله ابغى عصيير وكاكوو وبسكوت من البقاله ونزل وشلرى له يمكن ب40ريال وهي تستلم راتب 800مية رياال .. يعني انا بنته ومستكثر علي بطاقة شحن ..والله اني اكتب لكم هالاسلفه وانا دموعي على خدودي ولافووق كذااا يوم قلت له شغاله تشتري لهااا وانا بنتك بطاقة شحن تقولي لو تهلكين تعرفون شقاال لي .. قال إذا ماسكتي بطردك برا البييت :(وحلف اذا تكلمت اي كلمه بيطردني من البيت ..:( وقسم بالله اني يوم قال هالكلمه تمنيت اني مت ولااسمع هالكلام ابشع شيء انك تحس انك ثقييل على اهلك واعز ماعندك ..والله جلست ادعي على نفسي ليتني مت ولا اسمع هالكلام .. انا يوم قلت له هالكلام غلطت ؟لي حق ولا مالي؟ تكفوون ساعدوني علموني اذا انا صدق غلطت؟ ؟ والله اني ماني عارفه اذا انا صح ولا غلط؟ احس اني بكلمته كاني ارتكبت اثم او جرم :( والله مابي منكم بس الا انكم تصححوني اذا انا غلطانه وتوجهوني وتساعدوني اذا تقدرون بنصيحه على الأقل والله انا تعبت ..شكرا انكم تحملتوني واسفه على الإطاله .. تم تعديل العنوان ليتناسب والمضمون . الإشراف |
http://www.66n.com/pics/hosted/rceo8...wsdlwui05g.gif
لا حول ولا قوة الا بالله الاخت الفاضلة لا شك ان التقتير والمنع امر لا يحبه الله ولا رسوله ووالدك مطالب بالانفاق عليك ضمن مقدرته لكن تصرف والدك بهذه الطريقة له سبب لا بد لك من البحث والتحري عنه فان كان دافعه لذلك بعيدا عن شخصك فلا سبيل لك الا الصبر والاحتساب ولا تنسي بانه والدك يعني انت مأمورة ببره حتى لو منع عنك المصروف بدون سبب وبالكلمة الطيبة والسلوك الطيب كل شيء بنحل ان شاء الله اما اذا كان سبب منعه يتعلق بشخصك فلا بد لك من تصحيح هذه النظرة عنك حتى يعود بر والدك لك ولا تخافي فان الله سيحاسبه على ذلك ان كان مقتدرا انصحك بضبط النفس ولا تتصرفي تصرفا كل اموال الدينا لن تصلحه وهو عقوقك له اذا كان والدك من النوع الهادئ فما في مانع من حوار تشعريه بمدى حاجتك له ومعانتك عندما يعرض عنك ايضا انصحك بتقديم هدية له يعني لما تتحسن ظروفك حتى يشعر بانك ورغم تقتيره عليك ما نسيتيه سيما بحاجتك الماسة للمصروف وهيك تصرفات اكيد بتجيب نتيجة والله ولي التوفيق |
حبيبتي .. هذا آبوك ولو بتفقدينه تتمنين بس طيفه يمر .. انا معك هو جرحك والرسول صلى الله عليه وسلم قال رفقا بالقوارير .. لكن منع منك المصروف لاسباب منها عشان ماتلعبين بالفلوس وتجمعين وتعرفين قدر الريال .. ويوم قال بطردك من البيت يمكن كان معصب آنتي كلميه واساليه عن السبب ؟؟.. تمنياتي لك بالتوفيق ..
|
ينقل إلى عالم التربية والحوار الأسري مكانه الأنسب بإذن الله .. احترامي ؛؛؛ |
أختي الكريمة ... لماذا لا تحاولي أن تنتهزي فرصة صفاء بينكما .. وتستفسري منه عن سبب منعه المصروف عنكِ ؟
فقد يكون لأنكِ مثلاً تصرفين ما يعطيكِ إياه بسرعة .. وبالتالي فيعتبر مصروفك في هذه الحالة كبيراً ... والآباء ( غالبهم ) لا يحب هذا الشيء ... نحنُ لا نعرف ما هو الوضع بالضبط ... لكنا نساعدكِ ونفتح لكِ الأبواب .. ولنعرف عن تفاصيل المشكلة أكثر .. وفقكِ الله ... |
مشكوورين والله كلامكم على عيني وراسي ..
انا بحاول اتقرب منه وان شا ءالله اقدر تكفون ادعووو لي هو زعلان احين مني ولايكلمني .. عشان هالموضووع الله يعافيكم اذا في احد عنده نصايح لايبخل علي ..ماقصرتوووا هو ماقصر معي قبل لا أخل الجامعه بس من دخلت وهو خلاص شال يده مني .. انا ماهمني المصروف ولا شيء بس ابغى احس باهتمامه حتى لو عندي ليه ماياسألني اذا كنت محتاجه لشيء ولا لاا حتى لو عندي ... والله نفسي اقوله هالكلام بس مقدر ..ابي يحس فيني بدون مااطلب او اقووول بس كيييف ؟ حاولت كثير بس دائما تكون اجابته صمت بدون اية كلمه .. فكيف انا اتعامل معه وهو كذااا؟؟ |
مع احترامي شكل ابوك ماعنده ثقافة التعامل مع الابناء
هذي النوعيه من الآباء لازم تكسبينه بالطيب والكلام الحلو ولايصير كل همك كيف تشحنين جوالك عادي عمره ما انشحن الي يبيك بيتصل عليك والي تبينه كلمي بجوال الوالده احمدي ربك وارضي واصبري ترا فيه بنات كثير ماعندهن لا مصروف ولا جوال ولا حتى مسموح لها تدرس وتاخذ مكافئه |
اختي الغاليه . انتي قلتي بعظمة لسانك انه قبل لاتدخلين الجامعه ماكان مقصر معاك بشي .. يمكن الحين يوم دخلتي الجامعه وصار يشوف انه لك مصروفك .. كان يريدك تعتمدين على نفسك ويخليك تصيرين قد المسئوليه ..
يمكن يريدك تعرفي قيمة الفلوس وماتصرفينها على الخرابيط .. حبيبتي هالزمن صار مايعرف الفرق بين بنت ولد .. بكره لا قدر الله بعد عمر طويل لوالدك يارب ... بتقولين الحمدلله اللي ماعطاني الفلوس وخلاني اتعلم كيف اصرف على نفسي بفلوسي ولا احتاج لحد .. هذا اللي حسيته من كلامك سبب تصرف والدك حفظه الله بهالطريقة لانه تقولين قبل لا تدخلين الحامعه ماكان يقصر معاك .. الحين انتي تنسين سالفة الفلوس واستحملي هالفتره ومن ينزل الراتب .. اكتبي اولوياتج وحاولي توفرين بعض من الراتب .. وروحي بوسي راس ابوك .. لانه والله الدنيا ماتسوى تزعلين اغلى واعظم انسان عندج في هالدنيا .. روحي له وقولي له والله يا يبا الفلوس ماتسوى ورضاك عندي بالدنيا كلها ... وان شاء الله انا بتعلم من نفسي كيف احافظ على فلوسي واوفرها بعد.. وحسسيه انك تبين تفتحين حساب للتوفير بس تحتاجين خبرته .. لا تحسسينه انك محتاجه فلوسه .. حسسيه انك محتاجه خبرته في هالحياه الطويله واطلبي شوره انه يعلمج كيف تحافظين على الفلوس .. اخيرا احب اقول لج كثري من الصدقة والاستغفار لانهم يكثرون الرزق ويجعلون للعبد مخرج من كل ضيق .. اسمحي لي ع الاطاله ... والله يوفقج يارب .. اختك .. ام فطومه :) |
كان الله بعونك
اطلبي من الله جل وعلا ان يحنن قلب والدك اطلبي من مالك القلوب اللذي يقلبها كيف يشاء ان يجعل والدك حنونا وكريما ولا تنسي الاستغفار واليك هذا الدعاء بالله الكريم مجرب ولكن عليك تستيقني بالاجابة اللهم ان كان رزقي في السماء فانزله وان كان في الارض فاخرجه وان كان بعيدا فقربه ,وان كان قريبا فاظهره وان كان قليلا فزده , وان كان كثيرا فباركه برحمتك يا ارحم الراحمين وان شاء الله نسمع خبر طيب عنك |
شكرا لك ام فطوومه..والله نصيحتك ..اثرت علي وان شاءالله بسووي الي قلتي لي ..
وبحااول وماقصرتي انا كنت بحاجه لتوجه وتصحييح ..مشكووره جدااا الله يعافيك ويمنحك الرضاء من والدييك ويحفظهم لك الله يطول بعمرك ..ماقصرتي ولاهنتي على كلامك الطييب .. |
| الساعة الآن 09:54 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©