|
زوجي جرحني (حُلت و الحمدلله)
السلام عليكم
مادري كيف ابدا جرحي او موضوعي انا وزوجي دائما متفاهمين ونحب بعض بس مادري وش اللي صار اليوم شفت في جوال زوجي مقطع بلوتوث بس ما انفتح معاي وتركته مااهتميت بعدين انتبهت للعنوان وارسلته لجوالي وانفتح معاي وشفت صور بنات ولاتقولون انتي تفتشين في جوال زوجك لان زوجي تجيه رسائل معلومات عن الفلك ودائما نقرئها مع بعض ولاتقولون شوفي نفسك لاني عمري ماقصرت معاه في شي سواء في لبسي او نظافتي ودائما ادور رضاه وعلى لساني مافي غير ( اطلب _حبيبي_امر_قلبي_عمري_حياتي) اسئلكم بالله ردو علي قولولي وش اسوي محتاره محتاجه مساعدتكم |
مرحبا
ابحثي عن من ارسل البلوتوث يمكن اخوياه تبادلوا بالمقاطع تاكدي قبل ماتكبر المشكلة ويعقتد انك مو واثقه منه |
حبيبتي
انتي من كلامك انك متفاهمه مع زوجك وعلاقتكم حلوه ماشاء الله ويارب ما يغير عليكم عشان كذا لاتخلي موضوع زي هذا يأثر عليكم ويهز الثقه الي بينكم وترا اغلب الرجال تكون بجوالاتهم مقاطع مثل كذا يكونو متبادلينها مع اصحابهم مشي الموضوع عادي ولا كأنك شفتي شئ ومن فتره لفتره شوفي جوال زوجك بس عشان تعرفي هل تتكرر مثل هذه المقاطع ولا تكون مره وحده وبالغلط ولو شفتيها تكررت سوي بلغلط كأنك ماسكه جواله وهو جالس وكأنك مو داريه ايش بالمقطع وانتي تسأليه ايش هذا المقطع قبل لا تفتيحه وقتها راح يبين من رده اذا قالك ما ادري وخلاكي تفتحيه من غير ما يهتم معناه شئ عادي ولا في شئ مجرد مقطع جاه من واحد لكن لو عصب وسحب الجوال وقال مالك دخل او اي شئ ثاني افهمي انه في إن |
لا تكبرين الموضوع دايم الشباب يتبادول هالمقاطع بينهم وبين بعض ( هداهم الله ) .
|
اااااااااااااااااااااااااااااااااااااااالف شكر لكل من رد علي
ولله الحمدانحلت المشكله سويت نفسي مادري عن شي بس كان واضح على وجهي اني مضايقه قالي وش فيك قلت مافيني شي لكن بعد الحاح منه وريته المقطع قال ارسلها واحد من اخوياه ولا انفتح وانا اصلا مااحب هالاشياء واعتذر ولله الحمد والمنه رجع كل شي زي ماكان واحسن اماااااااااااااااااااانه اي احد يدخل موضوعي يدعيلي انا وزوجي بالهدايه والتوفيق والله لايغير علينا |
رضاه وعلى لساني مافي غير ( اطلب _حبيبي_امر_قلبي_عمري_حياتي)
انا لو زوجتي كانت تكلمني بنفس الاسلوب ماكان طلقتها.... |
الحمد لله تعالى
أسأل الله لكما التوفيق |
الله يوفقكم ويجمع بينكم ولايفرف بينكم.......
|
اقتباس:
انا زوجتي ماتقول لي ولا ربع هذا الكلام ومع ذلك عايشين مبسوطين ومرتاحين الحمدلله ولكاتبة الموضوع الله يوفقكم ويجمع بينكم ولايفرق بينكم ابد |
ربي يسعدكم ..
|
| الساعة الآن 06:34 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©