خالتي أهانتني فضربتها وأمي هي السبب
 

بسم الله الرحمن الرحيم
السلام عليكم ورحمة الله وبركاته
الموضوع حساس انا ولدتى مريضة وانشلت وكان مرضها صاعقة بنسبة لى لانى انا وحيدة عندها وليس لدى اخوان فهى منفصلة من ولدى وهى ربتنى الى ان تزوجت ولله الحمد الموضوع ومافي ان قبل ما تمرض ماما كانو اخوتها يحرضوها عليا دئما انو ليش بنتك ماجبتلك مقاضى للبيت او ماعططك فلوس او ما ودتك مشاويرك الخاصة ليش مارتبت بيتك وكلام كتير غيرو ,رغم كده انا كنت اعطيها فلوس من مصروفى الى يعطينى هو زوجى انا غير موظفة وكنا في بدايت حياتنا العيشة على قدنا وكانت لما تجى البيت عندى تفتح التلاجة وتروح تقول لاخواتها انها فاضية ومافيها اكل الله يسمحها كل خصوصياتى كانت تروح تقولها لهم لحد ماتعبت وانشلت وصارت ماتبغانى ابدا وتبكى وتصرخ لما تشوفنى وتجلس عندى وتبغى تنتحر تخنق نفسها بيدها اتانية الكويسة استمرنا على الحال هدا فترة طويلة كنت اوديها المستشفى انا وزوجى رايحين وجين وهو ياخد اجازة عشان ماقدر اشيلهالوحدى وخالاتى كانو يرفضو يساعدونى ويقلولى انت سبب مرضها و واخوانها كمان بعيدين عشان مايبغو يصرفو عليها او انها تعيش عندهم لحد ماجاء اليوم المشؤم رحت المستشفى اقول لماما دحين لما تخرجى بسلامة ترجعى معيا على البيت واسويلك ل الى تبغيه قامت قالت لللا لا لللللللللا انت لا مابغاكى انااروح مع اختى اشرت على خالتى (هادى خالتى اسأت ليا كتير اتكلمت على عرضى وقالت انى موكويسة وعندها صور خليعة تبغى توريها زوجى وتبغانى بعيد الشر انفصل عن زوجى وتسب وتشتم بألفاظ سيئة ) فأنا قلت لماما خالتى ماتبغى تأخديك وكلهم قالوليك محد يقدر ياخدك (لأنهم كلهم رفضو انها تعيش معاهم حتى ولو زيارة ) فرجعت صرخت وقالت للللللللا انت انا مابغاكي قامت خالت قالت يا غضيبة هادى الكلمة كانها سكينة في قلبى بعدها مسيكنة بعض بلأيادى وضربتها وخرجت من الغرفة جاء زوجها سب زوجى سب وشتم جدا بذيء وزوجى مارد علية وخرجنا من المستشفى بعد كده اتفاجئت انهم اشتكونى عل الشرطة خالاتى وخيلانى انى غضيبة وسرقت فلوس امى وضربت امى وطبعا (ضربت خالتى ) .


المهم بعد كده الشرطة استدعتنا وجابوهم هما كمان وحتى الضابط ماسلم من شرهم هزئهم وقال روحى انت و زوجك عيشو حياتكم وسألنى تبغى امك قلتلو لا خليها عندهم امكن ترتاح اكتر وخرجت وقلوا عنى انى اعرف الضابط عشان كده خرجنى لا كن رحمت ربى وسعت كل شئ كنت مانى عارفة اودى وجهى فين من زوجى جلست عندهم ماما امكن شهر وشوي كل مين يرمها عند تانى ومضايقين من خدمتها واشتكونى عند الناس انى رميت امى وبهدلونى بعد كده لما تعبت ماما قالت خلاص ودونى عند بنتى واخدتها عندى وكل بعد فتره لازم تجيها الحالة اسابقة تبكى وتصرخ وتقول ودينى عند اخوانى انا مابغاكى حتى وانا كنت نفاس سوت فيا كدة جلست ابكى من القهر معقولة تكون هادى امى مانى عارفة ايش اسوى معها كل الطرق جربتها معها جبتلها شيخ يقراء عليها جبتلها دكتور للعلاج الطبيعى كلهم تخليهم فتره بعدكده تقلب الدنيا عليا حتى الخدامة انا خايفة انها تهرب من كتر ما ماما معزبتها تسبها وتصحيها في نص اليلل وتبهدلها وترمى في وجهها اى شئ موعجبها اما انا جاتنى حاله غريبة انى ابتعد عنها واتجنبها قدر الامكان ولما اطبخ ما ترضى تاكل من الاكل الا انا اسوى . واكتفي بلكلام عن امي لحد كده بس ابغى اعرف رئيكم في الموضوع لان دحين رمضان قرب الله يبلغنا اياه وافكر اكلم خالتى , خيلانى ابركلهم الشهر الفضيل ومترددة بسبب الشئ الى حصل وعلى فكرة ترى محد يتصل يسأل عن ماما منهم الى 2 من اخوتها كل بعد فتره رغم انها عندها جوال خاص بها .
ادعو الله ان يشفى عن والدتى وعن جميع مرضى المسلمين يارب .

والله ما أنا عارفه أقولك ايه بس حقيقى انتى فى امتحان وابتلاء من الله واصبرى ولكى الأجر والثواب وحسبك انك متأكده ان أمك مش طبيعيه علشان كده بتعمل اللى بتعمله ده فخلاص عامليها على هذا الأساس واصبرى والله يساعدك.

الله يصبرك ويعينك

بس ماعرفتي ليه يعاملونك بهذه الطريقه

لا تعليق

الله ييسر اموركم

السلام عليكم

عزيزتي..

حالة أمك زي حالة عمة أم زوجي..نفس حركاتها تماما..كأنك تتكلمي عنها..الدكاتره قالوا المريض اللي عنده جلطة و مشلول تجيه حالة نفسية..يحتاج لرعاية نفسية..و علاجات نفسية...أقترح عليك تعرضيها على دكتور نفسي..

كل هذه الأمور تختفي عندها مع العلاج النفسي...و أكيد ما راح تتاثر بكلام خالتك بعد العلاج...

و لا تأخذي على كلامها أبدا و لا تزعلي من حركاتها..ترها مهي واعية للأشياء اللي تعملها..

وممكن تسوي بنصيحة الأخت :


أما بالنسبة لخالتك..حاولي ما تحتكي بهم..و خليهم يخففوا زياراتهم لأمك..( الباب اللي يجيك مه الريح سده و أستريح)...


طمنينا علي أمك ..و على أوضاعك..

..

مشكورين ماقصرتو جميعا بس انا مستغربة من اختى النور والحنان بتقول انى اسأت لخالتى انتى عارفة ان لو زوجى لاقدر الله سمع الكلام الى انقال عليا ممكن يرمنى ولايسأل فيا وانا ماعندى احد في دنيا هادى لاوظيفة ولا مال ولا حتى بيت ملك الحمد الله على كل حال وبنسبة على الدكتور النغسى جبت لماما وخسرت فلوس ولا جاب نتيجة لانها ترفض تاخذ الدواء حتى بعض الاحيان تعمل انها مريضة واجيب الدكتور يقولى مافي شئ ذى كل مره بس تستمر على العلاج وتخفيف اكل لاكن مستحيل انها تسمع كلامى . غير كده انا حابه ابعد قدر الامكان عن اهل ماما لانى خايفة على بيتى وزوجى لانهم من النوع المؤزين .