هل الشاب اذا رفض لايتاثر نفسيا؟
 

http://www.66n.com/forums/showthread.php?t=170709

قال لي :

( يا أخي حرام عليك تناظر بنات الناس وتروح تخليهم )


واخرى تقول :

( ترضى احد يشوف خواتك ويروح )

ويرد الاخر :


( بنات الناس مو لعبه عندك )

وتتساندها بقول اخر

( انت شفت شكلك قبل ) وكأنها تعرف شكلي !!


وتقول اخرى :

( الجمال جمال الروح فقط ) >>>lمع انها لها موضوع ورأت فيه الخاطب ولم يعجبها شكله فرفضت !!


طيب والشاب اذا رفضوه اهل البنت ماينكسر خاطره !!! ولا ماله قلب ؟؟ :18:


واذا احيان رفضته البنت من نفسها لانها ( مارتاحت ) مايصير بهالحاله حرام عليها ولا بكيفه بالطقاق !!



جاوبوني يامن جعلتموني مجرما !

تم تعديل العنوان
وارجو متابعة مواضيعك وعدم فتح موضوعين بنفس الوقت

لك الحق في النظر واخذ القرار ولا عليك من كل ما قيل فلكل إنسان مواصفات معينه في فتاة الأحلام وإن كنت أرى بأن تخبر أهلك بمواصفات الفتاة الشكلية قبل التوجه لرؤيتها فإن وجدة المواصفات تنطبق على فتاة الأحلام أقدم على النظرة الشرعية وأحب أن أؤكد أن ما يحدث لك هو بالغالب عدم توافق للأرواح وليس الشكل فقط فكثيراً من يتشرط مواصفات معينه بالفتاة وتجده يتزوج بفتاة أقل من عادية والسبب في ذلك توافق الأرواح سبحان الله!!
أسأل الله أن يرزقك ويرزقني وجميع البنات الزوجات والأزواج الصالحين

لا منت مجرم

ومن حقك

والجمال مهم

ماقلنا شي

بس ياخي مواضيعك تستفز الأعضاء احيانا

المشكلة انك تكتب موضوع وكأنك بتاخذ بردود الأعضاء او تستفيد منها

والأعضاء يجتهدون في نصحك ويعطونك تجاربهم وعصارة تفكيرهم معاك

لكن أبدا

رايك هو رايكمايتغير


ومادمت مقتنع بالجمال
ليش تكتب مواضيع وتبين انك راح تاخذ راي رالاعضاء

مدامك مقتنع برايك

والله أمر ك محير

ولا اربع سنين وانت تدور عروس ؟؟!!

طبيعي البنت يتاخر زواجها لكن يمكن نصيبها ماجاها

لكن رجال يتاخر زواجه كل هالوقت لأنه مالقى وحدة على مزاجه

والله شي يخوف

والله لو يجيني واحد ويقولون لي صار له اربع سنين مالقى اللي تعجبه

والله لواني واثقة بنفسي

والله بخاف ويمكن ارفض

لان هذا معناه ان مايعجبه العجب

هذا اللي حنا نسميه ((وسواس))



انا بسألك سؤال

الحين هلك مايشوفون البنت قبل مانت تشوفها

مستحيل هلك مايعرفون ذوقك

المفروض تراعون مشاعر بنات الناس الصراحة

هم المفروض يوصفون لك شكل البنت تمام

وبناء عليه تقرر

يعني النحيفة اللي تركتها

معقوله ماقالولك نحيفة ..

خليهم يوصفون لك البنت وصف دقيق ..

والله عيب بنات الناس تصير سينما ..

لكل من هب ودب ..

وبعدين تعيب على شخص رفض بنت عشان ابوها مايصلي ..

وتقول هذا شي عادي ..

هو يمكن البنت مالها ذنب صحيح في ان ابوها مايصلي

لكن استغربت بصراحة من ردك عليه

قلت في نفسي (طالع من يتكلم )

جرب مرة تكون كتوم

غير معرفك ...

أسأل عن بنت جميلة

قول للعالم ابي بنت جميلة ..

وبتلقى

الجميلات الله مكثرهم

غض بصرك شوي ..

لو كنت كثير تتفرج على التلفزيون او البنات المتبرجات

فخف نظرك عنهم

لانك في هالحالة

مستحيل تقنعك اي بنت في الكون

استغر الله العظيم واتوب إليه

على فكرة الجميلة

او ملكة الجمال اللي شكلك تدور عليها

تشوف نفسها غالية ومو أي واحد يستاهلها

وتتشرط في المهر على كيفها

فإذا انت بتشرط وهي بتشرط ..

وانت ماتقدر تدفع ثمن طلبك

مشكلة

يعنيأضرب لك مثال ..

على إمكانياتك (المادية )

يبدو انك تقدر تشتري خاتم ذهب ابيض ..

لكن ماتقدر تشتري ألماس مثلا

أنا طبعا أقصد بالذهب الابيض البنت متوسطة الجمال

وبالألماس ((البنت الجميلة جدا))

واللي يقدر يدفع يشيل

مع احترامي للبنات ..وانا وحدة منهم

صرنا بضاعة الله المستعان

:22::22::22:

فديتج امة الله 28 :d.. فعلا انا حبيتج في الله :):).. اسأل الله لي ولج الجنة .. ولجميع المسلمين

انا بنفسي صادفت سالفة التعلق بالجمال ... يا اخواني الشباب .. الله يهنيكم بشبابكم وصحتكم ويحفظكم .. بس تخيلوا تزوجتوا بنت قطعة من الجمال .. واخلاااق فوق السحاب .. ودفعتوا الشئ الفلاني مهر وغيره وغيره ... تخيلوا صارلكم حادث بسيييييط وتعورت البنت فوجهها ... أو صار شي خرب أسباب هالجمال .. شو بيصير ؟؟؟؟
..لا تخلي نفسك مثالي وجاوب بصراحة

ياخوي ماعليك من كلام هدا ولا من كلام هديك اهم شئ راحتك النفسية الي تحس فيها من اول ما تدخل (لانه توافق بين الارواح)لان اهم شئ في الشوفة الشرعية الراحة ولعلمك فية ناس يرتاحون من دون ما يدققون في ملامحها لانها تكون مستحية ومنزلة راسهاوالشوفة الشرعية جق من حقوقك لانك انت الي بتتزوج ولا تلؤم نفسك وتاخد كلام غيرك ويقولون انت مجرم انت ما اجرمت انت تدور حقك في هدي الدنياالفانية واجمال شي اساسي ومهم ولا احد يقدر يلؤمك فية لان الرسول (ص)من ضمن الامور الاساسية في الزواج الجمال فهو بحد داتة مقياس والرسول اللهم صلي وسلم علية لاينطق عن الهواء

ولا يهمك كلامهم ادا قالوا موسوس اوانك ما يعجبك العجب ونفسيتك اهم شي في زواجك لانة بتنبني عليها اسرة كاملة

ولا تخاف مو كل جميلة بتشوف نفسها على زوجها بالعكس ادا كان هو يدور هدا الجمال ولقاة فهو اكيد بيقدسها ويدور رضاءها واكيد هي بتبادلة بالمثل لان المعاملة بالمثل


واخيرا الله يرزقك بالزوجة الي تسرك ادا نظرت لها

اخوي يقولون لكلاً من اسمه نصيب وانت شكلك صدق متوهق بعمرك
والله حاسه انك في وادي واللى يخطبون لك في وادي
وتدري وين المشكله ...............المشكله عندك ,واضح من مواضيعك انك ماتعرف تقول اللى في خاطرك وبالتالي اللى انت تبيه ماوصل للي يدورون لك ( انت حاط شكل معين في بالك وماقدرته توصفها صح)
الله يرزقك ببنت الحلال الى تفهمك وتملى عينك وتملى عينها

أنا مع تعديل مشرفتنا الفاضلة فيافي نجد

وارجو متابعة مواضيعك وعدم فتح موضوعين بنفس الوقت



أخوك

عزوبي:21: بس:d رجل:30:
دمتم بحفظ الرحمن