الحمدلله ولدت ...ولكن ادعوا لابنتي بالشفاء
 

بسم الله الرحمن الرحيم
وصلاة والسلام على اشرف الانبياء والمرسلين
السلام عليكم جميعا ورحمة الله وبركاته
حبيت اخبركم اني ولدت والحمدلله وجبت بنت ولكن الى الان ابنتي في المستشفى خرجت من المستشفى لوحدي وانا مكسوره ودمعتي على خدي ادعوا من الله ان يمن عليها بصحه والعافيه وترد لي وتتربى بعزي وبعز ابوها وتكبر واشوفها عروس
فقد اصابها اختناق ولاده ولا اعلم ما السبب ولدتها ولاده طبيعيه والحمدلله وبعد مانظفوها جابوها لي وحطوها على صدري وشفتها طبيعيه وفاتحه عيونها وبستها وبعد شوي اخدوها وجت لي دكتورة الاطفال وقالت لي بنتك تعبانه شوي منخليها عندنا وقالوا لي وقت الولاده صادها ختناق قلت ان شاء الله خير والحمدلله على كل حال والحين كل يوم اروح لها المستشفى واشفط لها حليب مايصير ارضعها لانه حاطين لها انبوب اكسجين في فمها موصل لرئتين الله يساعدها وانبوب ثاني علشان يشربونها به الحليب
تكسر خاطري من اشوفها تعور قلبي واصيح عليها
وادعوا لي الله يصبرني لانه مو حاسه اني والده والله يفرج همي ويكشف غمي لانه نفسيتي تعبااااانه
وادعوا ليها الله يشافيها ويشافي الاطفال الي معاها والله يخليهم
دعاء الغريب للغريب مستجاب
ومشكورين
ومسامحه ادري كلامي مخربط بس ان شاء الله فهمتونه
وفي امان الله
اختكم لوجينا

الله يشفيها ويعافيها ويقر عينك بها ويخليها لك
امين يارب العالمين

الله يجبر بخاطرك وكسرك حبيبتي

وان شالله شده وتزول

تصدقي عنها

تحياتي

الحمد لله على سلامتك يالغاليه

وان شاء الله ربي يقوم بنتك بالسلامه

طمنينا عليها يالغلا

و عليكم السلام و رحمة الله و بركاته ..

الله يشفي أبنتك عاجلاً غير آجل ..

و الحمدلله على سلامتكم ..


يُـنـقـل لـلـدعـوات حـيـث مـكـانـه الأنـسـب ..

مبروك وحمد الله على السلامة
والله يشفيها

الحمد لله على السلامة

أسأل الله تعالى أن يشفي بنتكِ عاجلاً

حمدلله على السلامه أختي المسأله بسيطه فالحمد لله على تمام الخلقه وان شاء الله ربي يعافيها وتطلع من المستشفى وتشوفيها ست العرايس..ولاتنسي طمنيني لأني راح أبقى شايله همك.