|
معاناتي مع ابنتي الحبيبة
بصراحة أبدخل في الموضوع على طول وأحكي لكم معاناتي مع ابنتي ذات 3سنوات
فوالله لقد عانيت منها كثير وكثير ما شغلت وقتي بالتفكير فيها فهي طفلتي الثانية ومن صفاتها أنها شقية جددددا بشكل لا أحد يتصوره دائما تحرجني مع الناس أثناء زيارتهم إضافة إلى عنادها وأصرارها على رأيها وعدم تغييره إطلاقا سواء كان معي أو مع أبوها أو أي أحد من الناس وأهم شيء متعبني هو تبولها وبرازها في ملابسها على من أنه تحس أنها تريد الذهاب للحمام (أكرمكم الله ) لكنها مازالت تعملها على نفسها وأعرف بكذا عندما تذهب بعيد عني وتعملها إضافة إلى غيرتها الشديدة ممن هم أصغر منها سنا من الأطفال وتحاول تقليدهم في كل شيء ودائما تحاول الرضاعة من صدري مثلهم وتحرجني أمام الناس على الرغم من أنه أخذت فترة رضاعة كافية تقارب السنتين وهذه الفترة طالعة في الكذب الله يصلحها لي يارب ياكريم أرجوكم قولو لي وش الحل معها ،وهل هناك من عانى من طفل مثلها؟ |
أختي الحبيبه الله يعينك ويهدي بنتك
عاقبيها على تصرفاتها بأنك تحرميها من شي تحبه وتقولي لها ان الحرمان بسبب تصرفها وانصحك كمان انك تحصنيها كل يوم وتشغلي القرآن في بيتك |
ابنتك تعاني من اضطراب نفسي ليس بسببك ولكن بسبب غيرتها من اخوتها الاصغر سنا وتحاول لفت انتباهك
بنتك بحاجه الى المزيد من الاهتمام والرعايه والحنان والاحساس بالامان والاطمئنان وبعدها سيزول اضطرابها وتعود طبيعيه ان شاء الله |
الله يخليها ويحفظها لك حبيبتي,أنا أحس ان بنتك تسوي كذا عشان تلفت نظرك ,انا أقول طولي بالك عليها واهتمي فيها أكثر ,وعطيها حب وحنان قد ماتقدرين,والغيره أمر طبيعي ويخليها تسوي أكثر من الي قلتيه انا عندي بنتي الكبيره عمرها 4سنوات و10 شهور تغار من أخوها بجنون مع ان كل الحب والاهتمام لها
|
أتوجه بالشكر الجزيل لكل من تفاعل معي
فشكرا لك يالأوزون وماتعرف غلاهاوسلطانة نفسها والله يعيني والجميع وينعم علينا بالصبر |
عندنا وعندك خير .. ولدي عمره اربع سنوات نفس حال بنتك كل شوي طالع لي بشغله لدرجه احيانا اقول مراح احد يجيب لي الضغط والسكر الا هو واتوقع اغلب الاطفال اللي بعمرهم كذا لانه اشوف الامهات دايما يشتكون من اطفالهم وانا اتوقع انه يمكن لاننا ننشغل عنهم ويحتاجون حنان وامااان اكثر من الام والله يقدرنا على تربيتهم التربيه الصالحه .. |
| الساعة الآن 03:54 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©