|
أصبحت سارقه
السلام عليكم ورحمة الله وبركاته
في يوم من الأيام سافرت مع زوجي لزيارة خالتي في مدينه بعيده عن مدينتنا واقترحت على زوجي الذهاب للسوق لحاجتي لبعض الاغراض المهم اني دخلت السوق وذهب زوجي لقضاء بعض الأغراض وقال لي لانريد التأخير ورانا سفر حاولي تخلصين أغراضك بسرعه وانا كعادتي ماسكه الورقه واقر أ منها حاجاتي عشان ماانسى غرض وانا كالريح الهوجاء وسط السوق اسرع عشان انجز اغراضي بسرعه دخلت محل عطورات ومكياج وشريت عطر ووقفت عند المحاسب وكنت انتظر يعطيني اغراضي بعد مايحطها بكيس وكانت وحده واقفه جنبي تنتظر مثلي اغراضها المهم في هالوقت دخل المحل ثلاث نساء يتسولن وكان السوق يعج بمجموعه كبيره من المتسولين من نساء واطفال وقد نهر صاحب المحل هؤلاء المتسولات بعد دخولهن ا لمحل وكان يتسولن ويقفن فتره ليست بالقصيره وهن يتسولن ويلحن بالسؤال بشكل يضايق الزبائن وبعدها خرجن من المحل وانا استلمت كيس العطر وفي هالوقت قالت المرأه إلي بجنبي وين أغراضي ؟؟؟؟؟ وانزعجت وقال لها البائع انا عطيتك الأغراض وقالت أنا ماستلمتها !!!! وبعها صارت تدور على أغراضها وانا واقفه جنبها ادور على الأرض والطاوله وبعدها قال لها صاحب المحل يمكن هالمتسولات اخذوهن هاذيحركاتهم يلتصقون بالزبائن يايعطونهم او يسرقونهم |
بسراحة ما افتهمت شي
|
هلا اسفه
اعذروووووووووووووني ماكملت القصه لخلل فني في الأتصال ويارب يضبط معي الإتصال عشان اكمل القصه انتظرووني |
كملي هل سرقت أم سرقوك ؟
|
اكمال القصه
بعدها قال صاحب المحل الله يهدي المتسولات دايم يضايقون الزبائن لحد مايعطونهم أو
يسرقوهم وقلت حسبي الله ونعم الوكيل عليهم وطلعت من السوق وقلبي يتقطع على هالمسكينه وركبت السياره مع زوجي وطول الطريق وأنا أحكي لزوجي الموقف ويقول لي : :30: انتبهي من هالمتسولات ترى يسوون بلاوي والحمدلله انها جت على سرقه فقط والله يعوض الحرمه خير قلت له ما أدري وش يستفيدوون من هالسرقات لأن الله يمهل ولايهمل وبالأخره بيكوون بما سرقوه بنار جهنم المهم وصلت للبيت وبديت أتفرج على مشترياتي وقلت ابشوف عطري الجديد وفتحت الكيس وكانت الصاعقه لأني وجدت أغراض ليست لي وماشريتها وتذكرت موقف السوق واذكر إن المرأه عددت نفس الأغراض المسروقه للبائع عندها غضبت من نفسي:19: لأني أصبحت أنا السارقه وخجلت من نفسي:o واتصلت بزوجي:27: وحكيت له القصه وترجيته أن أعود لأرجع الأغراض للمحل لكنه رفض لثلاثة أسباب الأول بعد المسافه والثاني لأن صاحبة الأغراض لن تعود للمحل تسأل لإعتقادها انها مفقوده وليست مسروقه والثالث لأن البائع قد يكون عديم الأمانه ويبيع الاغراض لأنها جديده المهم مرت الأيام وانا متكدره :( من هالموقف وتمنيت أن أضرب نفسي واعاقبها وازددت كرها لنفسي كلما فتحت الدرج وشاهدت اللأغراض وحكيت الموقف لأختي وكنت دائما استشيرها فقد كانت حكيمه واقترحت علي اقتراح ان اقدر قيمة الاغراض واتصدق بقيمتها بنية صاحبتها وبذلك تكسب صاحبة الأغراض الأجر والحسنات واكون قد قدمت لها الخير دون علما وبالفعل تصدقت بقيمته وساعدني السعر فقد كان مكتوب على تلك الأغراض والحمدلله ازحت هماكان قد كتم أنفاسي وارتحت بعدها &:17: ويبقى السؤال لوكنتم مكاني لاقدر الله ماذا ستفعلوووووووووووووووووووووون ؟؟؟؟:25: |
انا من رايي انك كان لازم ترجعينهم للمحل ... وتبرين ذمتك .
بالنسبه لاقتراح اختك بعد حلو والله يتقبل منك .. |
لو كنت مكانك .. لعدت إلى المحل .. ولوكان عندي موعد طائرة مثلاً ولا استطيع العودة إلى المحل أو لبعد المسافة .. أرسل الأغراض مع أحد أقربائي ليعيدها إلى المحل .. احترامي |
يعني حصل خطأ لو كنت رجعت الأغراض الى المحل في ذلك الوقت لكان أفضل
لكن بما أنك تصدقت بقيمة الأغراض فهذا خير ان شاء الله |
عفواً / يُنقل للعلاقات و المشاكل الإجتماعية حيث مكانه الأنسب ..
|
هلا بك أخي الزعيم و شكرا لتفاعلك وابداء رأيك لكن الأغراض لم تعد تخص المحل لأن البائع أخذ قيمتها بل
تخص صاحبتها لانها اشترتها وخرجت من ملكية المحل لملكية صاحبتها فكيف اعيدها للمحل ؟! وكان خطأ البائع فقد وضع مشترياتي مع مشترياتها بنفس الكيس & وكيف سأجد صاحبتها ؟ |
| الساعة الآن 01:49 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©