قرحة عنق الرحم
 

السلام عليكم

اليوم كان عندي موعد عند الدكتورة لان هرمون الحليب عندي مرتفع جدا علشان يشوفون شنو السبب عطتني حبوب dostinex مرتين بالاسبوع وأخذت مني عينة من الرحم وتألمت وايد وقالت انها تشوف لون أحمر واحتمال وجود قرحة في عنق الرحم وعطتني برهم Berlidne gel وسوري اذا الاملاء خطأ لان مو واضح خطها

بصراحة انا مو متطمنة احط هالبرهم لاني مو متعودة احط لي أشياء داخل أعضائي التناسلية وقالت لي دخليه بأنبوب ما ادري بشنو فكلش خايفة بشنو تنصحوني ؟؟؟
مع العلم انها سألتني اذا ما كنت أعاني من نزيف او نزول دم بعد الجماع وأجبتها بالنفي وما اعاني الا من آلام أسفل البطن أحيانا بس دم ما نزل مني الا ليلة الدخلة
وقالت لي ان احتمال بعد ما تكمل الفحص ينزل مني دم المهم عاد انا احتطت وخليت لي فوطة صحية وجان ارجع البيت ونزل مني دم وباقي يومين عن موعد الدورة فما ادري هل اهو دم الدورة او شنو بس كميته أقل
محتارة احس لايعة جبدي وللحين آلام وكأنما للحين تاخذ العينة وهالدم الي ما ادري شنو اني احتياط ما صليت قلت بنتظر بعد لين يوقف او يتضح انه مو دم الدورة بس لمتى أظل جذي



مين صار لها مثلي؟؟



ارشدوني انا ضايعة

أنا أصبت بقرحة فى عنق الرحم أيضا نتيجة استعمالى للولب ولم اكتشف ذلك الا وأنا بأشيلة عند الدكتوره وأعطتنى ايامها ( الكلام ده من أكثر من خمس سنوات) تحاميل مهبلية وحبوب وكان عندى ايضا زيادة فى هرمون الحليب وأخذت حبوب الدستونكس نصف حبه يوميا واتعدل مستوى الهرمون فلو انتى خايفه من المرهم ممكن تسأليها عن التحاميل المهبلية وبسيطة ان شاء الله وبتخفى على طول بعدما تنهى العلاج.

بشوف مشكووورة ما قصرتي

حبيبتى دم الدوره معروف من حيث لونه رائخته وحتى شكله فادا كان الدم تماما كمثل شكل دم الدوره فهى بالطبع دوره أطمئنى عزيزتى وربنا يرزقك الدريه الصاله بأدن الله

لالا كلش مواصفاته غير لونه بني وافيه احمرار شوي غير المواصفات من جذي شكيت بس في ايامها وهذا الي خوفني

والحين اشوفه وقف مع ان اليوم موعد الدورة عندي والحين انتظر الفرج

نسألكم الدعاء