السلام عليكم ورحمه الله وبركاته

صبحكم الله بالخيرات السرور

متصفحه دائما ومنذ فتره طويله لكن مشاركاتي قليله اتمنى وقوفكم معي

فقط أريد كلمات اقنع زوجي فيها انني لا أريد احد يذهب معي ويسكن معي في منزلي ؟؟ <<هذه البدايه

وحتى تتضح الصوره سوف احكي لكم مااحصل

انا متزوجه حديثه ولله الحمد من أبن خالي انعم الله على بزوج اللهم لك الحمد والشكر وماشاءالله تبارك الرحمن صحيح احيان واغلب وقته متغلب المزاج لكن متسامح ويراجع نفسه سريعا

:(من بداية ملكتنا بعد عقد قراني بصراحه ظهرت تصرفات من اهله لا أستطيع تبريرها من حفله عقد زواجنا اخته الي كان عمرها 18 عام عملت شوشره اختفت من الاستراحه وبحجه انها تبحث عن اكسسوارها بالسياره << نص ساعه كانها مضيعه نمله المهم الله يستر عليها

انا اتيت مكان الحفل ووجدت امها تبكي واختها حالتهم حاله وبعدما اتت كان شيء لم يحصل كملنا حفلنا لكن لا أعلم ماذا اصابها كانت تبكي بغرفه بجانب غرفتي بحجه انها مصدعه المهم مادري وش السبب

انهينا الحفل وانا بصراحه ماهان علي اتصلت عليها وماردت ارسلت رساله عن سبب تضايقهاا قالت مافي شيء وكنت تعبانه(( انتهت السالفه))
جاني زوجي بعد فتره قال اختي تضايقت من اختك الكبيره عشان ماخلتها تنزف معك ومن هالكلام الفاضي اصلن هي تبكي من قبل زفتي ((انا طنشت الموضوع وماحبيت اوصل الكلام لاختي واجيب مشكله من سفائف الامور رديت عليه اني مادري عن شيء بصراحه

:(من بعد ملكتي تخيلو عشان زوجي مايعرف يختار طقم ذهب هديه عطاهم الف ريال جابو لي طقم 250 ريال طقم اطفال بس والله ماتكلمت سكت قلت ان شاءالله بيعوضني بعدين


:(قبل زواجي اتكلمنا عن البيت قالو هم مترددين لان طالب نقل من المدينه الي موظف فيها وهي بعيده الى منطقه قريبه وينتظرون اذا قرب الزواج بيعفشون بيت

قرب وقرب وقرب الزواج:30: وقبلها بشهر قلتله لازم ترتب بيت قال لا ابيه على ذوقك لمن نتزوج اوديك فندق ونرتب البيت انا فرحت :17: بعد زواجنا انتظر من هنا من هناك جاتني الطامه وبعد ماتعشينا باافخم مطعم جلسنا نحلي قال اهلي اخذو مالي كله وحتى المعونات حقت الزواج 37 الف اخذوها وامس ابوي مرسلي رساله يقولي مالك شيء عندنا :29:


انا خفتت الامر عليه وقلت هذولي اهلك بصراحه حزني جلس يتكلم ويبكي مااقدرت اتحمل والإ الوومه ومن يومها انقطعت عنا اخبارهم لايكلمونا ولا شي ء وكنت دائم اقول كلمهم واسال عنهم <<


:(ومن يومها انا عند اهلي وهو بدوامه وحتى والله ماتهنينا بشهر العسل ولا اتمشينا مثل ماتخيلت ودوامه بمنطقه غير منطقتنا بعيد يعني بسياره تقريبا 10 ساعات

وقدم على سلفيه من البنك عشان نرتب لنا بيت والحمدالله قرب الفرج وكل يوم أسال واستفسر :17:

وفجاءه اتصل ابوه علي الي هو خالي وحتى والله ماعرفت رقمه :25: كيفك وش اخبارك اذا ناقصك شي ارسليلي رقم حسابك قلت ان شاءالله وانا فرحانه انه سأل عني :22: وخبرت البيت وامي فرحت لي وصلحت حفله روضه ذاك اليوم

وبس بعد خمس ساعات يافرحه ماتمت كلمني زوجي قال ابوي كلمني ويطلب مني مبلغ عشان سيارته:29:وتخيلو والله العظيم كانو مسافرين للمدينه المنوره اسبوعين وانا عروسه ماشفتها مع زوجي:29:

انا بصرراحه ماتحملت ولا عمري عصبت على زوجي قلتله خلاص ارسله الفلوس ولا عاد اشوفك اذا صلحت لي بيت تعالني <<<:29:الى متى نسكن فبيت اهلي انا استحيت

مع ان امي مره مبسوطه بجلستي عندها وحتى اخواني كل شوي يسالوني متى بيجي فلان متى بيجي:11:

بس الى متى

والله ملابسي الي اشتريتها لزوجي كلها جديده مااقدرت البس منها شيء

المهم بعد يومين تعوذت من ابليس ورديت عليه وكان الايام الماضيه يتصل بس انا مطنشه ويرسل بعد رسائل انه مايقدر يصبر على بعدي :18:

اتصافينا الحمدالله وخلاص حصل شقه وبدأ يعفشها وفرحانه:28:

اليوم بصراحه قالي ان وده اخته تروح معانا وانا قلت لا واحنا اثنين وماندري بكره احيان نتغدا واحيان انام مافيني اشيل هم ضيفه عندي قال لالا بالعكس هي بتساعدك ومن هالكلام وقال هي تقول ودها تروح معانا

<<< يعني بالعربي هذا اقتراحها مو من عنده

وانا مااحبهااا بصراحه وابي اخذ راحتي مع زوجي والبس الي ابي وش دراني امكن بكره تشيل هرج وتروح تقول لأمها :24:

زبده الكلام

	ابي كلمتين على بعض عشان زوجي يشيل فكره اخته تروح معانا نهائيا :29:

وانتم كمان الرجال تتضايقون لو قالتلك زوجتك مانبي اختك عشان اخذ راحتي معاك والا بتزعل ابي ارائكم

عشان اعرف اتصرف


اسفه طولت عليكم بس حبيت افضفض شووي

الله يسعدكم اي كلمه تنصحوني فيها لا تبخلون فيها علي

واتسبدي


صادق بكل كلمه اخوي لكن انا زوجه وحق من حقوقه اني يسعدني يرميني فبيت اهلي ثلاث شهور والراتب لاهله وفي النهايه اخته بعد معه

الرجل لابد ان يكون مسؤل ومستعد للزوواج

شكر لك اخي الفاضل