التشنجات ومضاعفاتها
 

السلام عليكم
الحمدلله على كل حال
امس بالليل كان زوجي سهران عند اصحابه
واصيب بتشنج وتم نقله للمستشفى من قبلهم والحمدلله
واليوم طلع من المستشفى وقد تحسنت حالته
اللي عرفته من اهله انه كان يصاب بها ولكن من اكثر من عشر سنوات لم تنتابه حالة تشنج
وابلغني الطبيب بأنها قد يكون سببها ضغوط في البيت او العمل فقط
وهو بالفعل يمر الان بضغوط اسريه ويفكر بعدة امور مصيريه

سؤالي للمختصين واللي عندهم مرضى يعانون من التشنج
هل هو خطر؟
كيف التعامل معه لو حدث بالبيت؟ كيف اتصرف؟
علما انهم اعطوه تحاميل ودواء واحد ؟
وشكرا

اختي في عدة اسباب للتشنج مع وجود مفاهيم مختلفه
ف اللي عند حد تشنج عن الشخص الثاني يكون شيء ثاني
ياريت توضحين اكثر اللي صاب زوجك وكم كانت طول المده مع شرح تفصيلي لحركة الجسم بنس الوقت واذا كن غايب عن الوعي او لا؟؟؟؟
واذا كان في تبول لا ارادي او تبرز مع التشنج ؟؟؟؟؟؟؟؟

بانتظار ردج

هلا دكتور
انا ماشفته لمن أصيب بها لأنه كان مو عندي برا البيت
بس مافي تبول ولا براز
وفقده وعيه لمدة ربع ساعه تقريبآ
ولمن وصل الطوارئ اعطي ابره في الوريد وتحسنت حالته
أهله قالوا كانت تجيه وهو صغير بس لمن كبر اصبحت نادرآ ما تجيه
هو الآن ياخذ للتشنج حبوب اسمها ليريكا
ياخذها مرتين باليوم
وتحاميل وقت التشنج بس زوجي ما اشتزاها يقول سخيفه :(
واسمها مو قادره اقرأه لأن خط الدكتور صعب قراءته
بعد التشنج صار يشتكي من ألم بعينه وقال الدكتور عادي
سؤالي هو كيف اتصرف لو لا سمح الله اصيب بتشنج بالبيت؟
طبعآ قبل نقله للمستشفى
وشكرآ