|
زوجي لايبوح لي بمشاعره ماذا افعل؟؟؟؟؟؟
السلام عليكم ورحمة الله وبركاته
مشكلتي باختصار ان زوجي لايبوح لي بمشاعره بمايكنه لي من مشاعر لاابالغ اذا قلت لكم مااناديه الا باحب الاسماء الى قلبه شايلته بعيوني مدلعته البس له افضل الملابس اتزين له ولا اسمع ولا تعليق اعلم بانه يحبني لايسافر بدوني لايخرج للتنزه الا معي ولكن احتاج منه الى كلام حلو عندما اقول له يقولي فاضيه اقول طيب انا محتاجه اسمع منك يضحك ويسكت تصور صرت عندما انظر لنفسي بالمراه اطلع بنفسي ميت عيب انا مهتمه برشاقتي وبشكلي وبنظافتي قلت لنفسي يمكن مايعرف يتغزل بس اول الزواج كان مدلعني ماابي كل وقت اسمع كلمه منه لما اسمع الثناء من الناس احس بانهم يجاملوني اصبحت اتزين على عجل حتى لا انظر لنفسي لاني اصبحت ارا اني لست جميله احيانا اكتب له خواطر وارسلها على جواله ياتي الي مبتسم ولكن بدون تعليق انا احبه جدا جدا بس كيف احس بالامان واهو مايتكلم مره كنت اتحدث مع امه عن بنت عمته كانت زعلانه على زوجها قالت لي امه اكيد بتزعل وبتتغلا عليه بين لها حبه الواحد المفروض مايبين لزوجته حبه؟؟؟؟؟؟؟؟؟؟؟؟؟:18: تكلمت حتى تعبت حاولت بشتى الطرق لكن بدون فائده الحمدلله مو مقصر علي بشي بتقولون احمدي ربك بقول الحمدلله بس والله نفسيا محطمه ابي اسمع كلمة غزل ماادري بس من جد تعبت عفواً تم تعديل العنوان ليتضح المضمون الإشراف |
بعض الرجال يعتقد ان الكلام الحلو و الغزل لا فائدة منه ومن الواضح ان زوجك من هذه النوعية ..
طيب انتي دلعيه وناديه بااسامي الدلع يمكن يتعود منك .. |
ماني مقصره طول الوقت ماانديه الا حبيبي حياتي كل شي يخطر على بالك
الله يهديه مشكوره على وقتك الله يجزاك خير |
شكله زوجك متعود انك تدلعيه، خليه كده اسبوع من غير اي كلمات حلوه او دلع، ناديه باسمه العادي. لا تغيري معاملتك بس خليها من غير رومانسيه، عشان يحس الفرق بين المعاملتين. واذا حس وسالك ليش متغيره؟ كان بها قولي كل الي بقلبك . الله يحنن قلبه ويسهل لسانه بالكلمات الحلوه عشانك. |
شوفي حبيبتي الرجال موكلهم زي بعض فيه الي متعود
على الكلام الحب والغزل وفيه الي الحياه والمسؤليه والتفكير في المستقبل الزوجه والاولاد عنده الشي الاكبر .طيب انتي لما تجلسون مع بعض وشفتي احد يدلع ويتكلم عن الحب والرمنسيه قوليله شفت الواحد كيف يدلع وانت لاحياه لمن تنادي وزي كذا الله يهديه ويسخر ه لك ان شاء الله |
فيه موضوعين جميلين ممكن تنسخينها وتخلينه يقراها
أحدها أسرار النساء ..في الأسفل في التوقيع والثاني دعها تعشق دنياك.. في عالم المواضيع المميزة مهمة وإن شاء الله راح تغير في زوجك كثير بالتوفيق |
والله ياختي كاني اشوف حيااااااتي مع زوجي
لدرجه اصبت بالملل من كثر المحاولات التي بدون جدوى ...... انا لااملك لك الحل فأنا لم اجد الحل لنفسي ولاكن املك الدعاااااااااااااااء اللهم حنن قلوب ازواجنى علينى ياااااااااااااااارب |
ام مشموشه ،،، الفرويه ،،، اسمعو نصيحتي / اذا كنتو معودين ازواجكم على الكلام الحلو والدلع ، اقطعو هالعاده لفتره .
ان جيتو للحق / انا كنت بنفس اسلوب زوج ام مشموشه تقريباً زوجتي ماتناديني إلا بأحب الاسماء واحلى المسجات توصلني ، وكنت افرح من جد ، بس مايبين علي ماهو لأني جلف !! والله اني رومنسي وحنون ، بس لمجرد اني قبل ما اتزوج كانت حياتي نوعاً ما ذكوريه بحته وفيها من الجد الشيء الكثير ، وما اعرف اعبر عن مشاعري بالمررره مع انها تكون موجوده بصدري وودي اعبر بس ما اعرف ، فلما استمريت على وضعي بهالطريقه مع زوجتي تفاجأت ان زوجتي ماعاد تناديني بأسماء الدلع والكلمات الحلوه ، ولاعاد ترسل شي ، وصارت تعاملني عااادي جداً ، فبعدها انا بديت احن وابغى اسمع اييي شي منها ، واضطريت اني اصارحها وانا (منحرج بصراحه ) لأني خجول نوعاً ما في هالامور ، فلما صارحتها وقلت لها وش فيك تغيرتي علي ماعاد اسمع منك كلام حلو مثل اول ؟ قالت وش اسوي ( انا كريمه معك ، وانت بخيل معي ) والمثل يقووول ( مايُخدم بخيييل ) . صدقوني ثاني يوم انا جايب لها ورده حمرا وانا منحرج ، والحمدلله تغير حالي من حااال إلا حااال وصرت ابادلها الكلام الحلو بأحلى منه :) . وصلت الرساله ؟ |
لأسف الزوج عندما يقصر مع زوجتة بالغزل والكلام الحلو والهدايا
طبيعي جدا انها راح تكون باااااااااااردة وهو الخسران واذا الزوجة ماسمعت من زوجها الكلام الحلو تسمعو من مين انا ايضا اعاني من نفس المشكلة حتى في الغزل كاني اتشحدها اشحادة مايعلق ولا شي حتى يوم فرحي وشبكتي ولا كلمة غزل ؟؟؟؟؟؟؟؟؟؟؟؟ تحطمت في نفسي جدا |
اختي في الله
ادعي الله بصلاتك ان يحنن قلبه دائما وان يسخره لكي وشغلي سورة البقره واعملي تجديد بحياتك ولكن ليس يوميا حتى لا يتملل |
| الساعة الآن 10:01 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©