![]() |
يا ما من الدمع .. لأجلك هلته عيني ..
يــا مـــا من الـدمــع .. لأجلـك هـلتــه عيني .. http://www.7mar.cc/get-8-2008-gokh26tp.JPG السلام عليكم ورحمة الله وبركاته .. وكل عام وانتم بخير .. ***** الطلاق .. وما أدراك ما الطلاق ؟!! http://www.7mar.cc/get-8-2008-tqxkxvfk.jpg لن أطيل عليكم بديباجة جميلة .. فالموضوع ديباجته منه وفيه .. من الواقع .. معاناة أم لفراقها أولادها السبعة بعد طلاقها http://www.7mar.cc/get-8-2008-c2ck0kh4.jpg تكفين يا طيور الحـرار افزعيلـى ابى عن ديار الاهـل منـك اخبـار تكفين حومـى فوقهـم وارجعيلـى وإلا ان حصل لك حومه داخل الدار تكفيـن حـول بيوتهـم دوريـلـى سبعة فروخ يـوم اخليهـم صغـار شوفى ضناى وعودى وانكفى لـى واشلونهم يا علهـم صـارو كبـار نسوا دفاي ونومهـم فـى شليلـى وش علمهم يا علهم بطول الاعمـار قولي لهـم ان امكـم لها عويلـي خمسه سنيـن دمعهـا دوم مـدرار وقولي لهم إني علـي طـول ليلـي أنوح وليـا قـرب الصبـح أنهـار وهذه معاناة طفلة صغيرة لفراق والدتها http://www.7mar.cc/get-8-2008-6hvist6u.jpg يــمـــه ... أسمع أنــا صوتك .. كل يوم اسمعه .. واذا حاكيتك هاوشوني .. قالوا انسي .. روحي يالله العبي .... !! يمه تعالي ارجعي ... والله خلاص بسمع كلامك .. ما اخرب العابي .. وان قلتي يالله .. روحي نامي .. أروح حتى ماتزعلي .. يمه تكفين ارجعي .. اليوم حطت لي المديره .. نجمه من فوق جبهتي .. يمه سمعتها تقول.. مسكينه هالبنت صارت يتيمه .. قالت لها ابله منيره .. مسكينه توها صغيره .. وش كانوا يقصدون ..؟ يمه مريولي توسخ .. ماكان قصدي اوسخه ... بس تذكرت انك تقولي .. بعد شهرين.. بشتري لك لبس ثاني .. يمـه تعالي اشتري ... يمـه عرفتي مها ..؟ صديقتي اللي معي .. زاعلتني .. تقول ماصرت انا اضحّـكها راحت تدور غيري عشان تلقى احد يونسهـا يــمــه يالله خلاص لاتمزحي يالله قومي تعالي معي للبيت ارجعي يمه .. يمه نسيت شي .. بقولك ترى بيتنا صار فاضي .. ماحد يجينا .. وكل اللي فيه انا واخواني .. ليه وين اقاربنا ..؟؟ وين خالتي .. اللي كانت تجينا ... تكفين يمه ارجعي .. تكفين يمه ارجعي .. تكفين يمه ارجعي.. وهل الجرح يندمل مع تقدم السنين ؟!! بل على العكس تماماً ، تكبر ويكبر جرحها معها .. فهذه أخرى ضحية من ضحايا الطلاق تقول وهي على الكبر : عشـت الحيـاة وكنهـا عيشتنـي بين الجحيـم وبيـن نـار الهزيمـه اقرا عيون النـاس لـو مـا قرتنـي عيـنٍ تصوبنـي وعيـنٍ كريـمـه الحال مايـل والظـروف ارهقتنـي والدمع سيلٍ سال مـن دون غيمـه عشـت الحيـاه ودنيتـي عذبتنـي والله يعيـن اللـي حياتـه سقيمـه يا بوي وين امي عسى مـا جفتنـي ما شفتها يا بـوي وش هالظليمـه طلقتها وتقـول لا مـا اعجبتنـي وش يعجبك يابوي مانـي غشيمـه راحت وكانت ودهـا لـو شرتنـي ضاع الحنان مـع النـدم والنديمـه ذكرتها واليـوم هـي مـا نستنـي يمـه تعالـي لـك معـزه وقيمـه يمه تـرى الدنيـا بعدكـم رمتنـي في بيت ابوي ولا عرفت الحشيمـه تدريـن يمـه والعيـون اسهرتنـي ما ذقت طعم النوم ذقـت الحريمـه النـاس وعيـون العـواذل بلتنـي ولولا الحيا لسـوي اكبـر جريمـه يمـه شربـت المـر حتـى سقتنـي ايـام بقعـاء مرهـا والصريـمـه لو جيت ابا اضحك بالألم عاقبتنـي عشت الليالي مثـل عيـش اليتيمـه واليـوم والله حالـتـي محزنتـنـي قمت اتذكـر لـي جـروحٍ قديمـه ذكرى جروحٍ مع شقاهـا غزتنـي ما عاد به رحمـه ولا فيـه شيمـه هذا وانا ذكـرى السنيـن اتعبتنـي جاريتها رغـم الضغـوط الأليمـه http://www.7mar.cc/get-8-2008-beo0a4tr.JPG وهذا طفل يتحطم فؤاده إذا سمع الأطفال الآخرين ينادون أمهاتهم (يا يمــه ) من يوم مشيه ما عمره قال يايمه ****** غايبة أمه ولا اش أم يناديها وإذا نادوا بأعلى الصوت ... يا يمه ****** ضلوع قلبه تحطم من مثانيها اقتباس:
في النهاية : (( لا تقلها )) http://www.7mar.cc/get-8-2008-71ab73w6.jpg لا تقلهـا يـا حبيـبـي ***** فـأنـا أم و أكـثــر بيتنـا هــذا جمـيل ***** سوف يفنـى و يدمـر بيننـا طفـل صغـيـر ***** سوف يشقى حين يكبـر أيهـا البركـان مهـلاً ***** لا تثر .. فالبيت أخضر لا تـدمـره عـزيـزي ***** بعد أن أزهـى و أثمـر لا تقلـهـا فتـعـانـي ***** يا أبا طفلـي ونخسـر فتمهـل حيـن تغضـب ***** حولك الشيطان .. فاحذر قم توضأ .. قم تطهـر ***** واقـرأ القـرآن تظفـر (أنت طالق) .. لا تقلها ***** يسعـد البيـت ويعمـر ودمتم سالمين ،،، |
للأسف المجتمع عندنا لا يزال يعاني من التخلف والعنجهيه التي ليست من الدين في شئ ,,
أقول لكل زوج وزوجه = لاتجاملوا أحد من قريب أو من بعيد على حساب حياتكم وحياة أبنائكم ,, لن يدوق مرارة الطلاق إلا أنتم , لاأهلكم ولا غيرهم يستطيعون أن يلملموا جراحكم الغائرة والتي ستظل تنزف (ربما) إلى اخر العمر. |
الله يسامحك يا اخوي
والله ماوقفت دموعي وانا اقرى هالموضوع وربي حرام الي جالس من هالعالم الظلم انتشر بين الناس الله يغفر لنا ويرحمنا ناس تقول تزوجوا وانسوا وخلفوا وراح تنشغلوا وناس تقول لا ترحوا للمحاكم اولادكم يكبروا ويكرهوكم وناس تقول وناس تقول رحمتك يا ارحم الرحمين فقرار الطلاق والانفصال لا يتخذه الأب إلا إذا تيقن أنه أنفع لجميع أفراد الأسرة -خاصة الأطفال- من البقاء معاً في بيت واحد، وأن الآثار الناجمة عن الانفصال أقل ضرراً على الأولاد من الحياة المشتركة في جو متوتر مليء بالمشاغبات والتنازع نعم اتخذت هذا القرار وكان هذا من احد اسبابها بعد استشارات واستخارات اتخذته كم تنميت ان تستقيم الحياه كم تمنيت ان يعيش ابنائنا في احضاننا كم تمنيت ان اكون معهم في كل لحظات حياتهم واشارك افراحهم واحزانهم اليوم تذكرت حينما كانوا يعودون مع ابي من صلاه الجمعه وكيف كانوا يزعلون لو ماصحيتهم ولبسوا ثيابهم وراحوا مدري هم باقي يرحوا للمسجد هم يصلون واحد يشجعهم على الصلاه هم باقي فاكريني هم مشتاقين لي ما ادرين عنهم الا انهم ان شاء الله بخير استودعتكم الله يا اولادي الغالين استودعتكم الله الذي لاتضيع ودائعه وحسبي الله ونعم الوكيل في كل من حرمني منهم جزاك الله على هذا الموضوع واتوقع انه من الافضل للمتزوجين ولمن لديهم مشاكل قرائته قبل اتخاذ قراراتهم وايضا لكل من كان اطفاله معه من المطلقين ولكن للاسف من من الذين يحرمون اولادهم يقرى مثل هذا المواضيع |
جزاك الله خير اخي الزعيم كثير من الامهات يعشن في جحيم مع ازواج منحرفين او ازواج لايصلون وكل يوم همها يتجدد وتصبر وتتجرع مرارة الالام لماذا مالذي يجبرها انها اعين صغارها وحفظا لهم من الشتات وان يتولاهم من لايرحمهم نساله الله العظيم ان يرد لاام السوسه اولادها وجميع اخواتنا المحرومات منهم مؤثر جدا موضوعك لم اتمالك نفسي لانني احيانا حين تضيق بي اتذكر كيف سيعيشون لو تركتهم هم الضحيه في كل الحالات الله يحفظهم ويصلحهم |
موضوع يقطع القلب ومعبر للغاية
ياليت الأزواج يقرأوه عشان يعتبروا قبل مايطيح الفاس على الرأس ويندموا بعد فوات الأوان والضحية الأم وأولادها في الغالب جزاك الله خير على الموضوع مع أنه أبكانا لكنه يخلي الواحد يفكر ألف مرة قبل ماياخذ قرار الإنفصال والله يجبر كسر أخواتنا المطلقات ويحفظ لهم أولادهم ويجمعهم على خير |
موضوع اكثر من رائع خصوصا وان نسبة الطلاق في تزايد مستمر
فلا حوله ولاقوة الابالله |
موضوع جدا مؤثررررررررر الله يجزاك كل خيررررررررررر
لم أتمالك نفسي انامنفصلة وماعندي عياااااااااااال وتقطعع قلبي من الموضوع الطلاق يحدث عندما تستاحل العشرة اماالآن فهوويحدث لاسباب تافهة الله يعوضنا ويصبرعلى مرارتة أسال الله أن يرزق المنطلقات كل خير ويصلح احوالهممممممم ووييسرر أمورهم ويهدي شباب المسلمين |
لا حول ولا قوة الا بالله
موضوع محززززززززن جدا الله يصبر قلب كل أم فارقت عيالها ويجمعها بهم عاجلا غير آجل ويحفظ لنا عيالنا و لايحرمنا منهم ولا يحرمك الأجر يالزعيم |
موضوعك مؤثر جدا ... بس بالاخير رحمه ربنا اكبر من كل شي تذكرت معناه فراقي لامي لاني قد عشت هالتجربه...بس الحمد لله على كل حـال. رجاء اي امي تعيش بعيدا عن عيالها كل يوم مع اذكار الصباح والمساء قولي: اودعتكم الله الذي لاتضيع ودائعه تذكري انا ربنا معهم وربي هالتجارب بتفيدهم وتخليهم اكبر واكثر استيعاب للحياه .. كثير اسأل نفسي لو اني ماصارت كذا حياتي واتخيل لنفسي حياه افضل وبعدها اذا جيت للواقع وشفت البنات الي بعمري وعايشن انواع الرفاهيه مع ام واب وطلعات وسفرات وناسه واذا تكلمت ماتقول جملتين على بعض. والله اعرف وحده الله لايبلانا تقول انا مااعرف ادعي ...؟ يعني تأكدي حاجه ابنائك لك بتقربهم من ربي بس انتي ادعي لهم .. والله يرد كل ابناء لحضن امهاتهم... |
فعلا الطلاق صعب وخصوصا اذا كان فيه أطفال
إن شاءالله مانمر بموقف زي كذا |
الساعة الآن 01:53 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©