![]() |
أم زوجي و المصروف بالله عليكم تحكمو بيننا
السلام عليكم و رحمة الله و بركاته
كل عام و انتم بخير راح اقول اللي عندي باختصار و امانه اذا انا غلطانه تقولولي و توجهوني لان نفسيتي مرررررررررة تعبت اولا احكيكم عن وضعي انا متزوجة من 4 سنوات و الله لم يرزقنا باطفال حتى الان و الحمد لله ام زوجي و ابوه ما عندهم مصدر دخل للاسف كانت لوالده تجارته كبيرة في البلد ثم فقد كل امواله و الحمد لله و هو الان بدون وظيفة لدى زوجي 3 اخوة واحد فيهم عنده عيال و الثاني متزوج من سنه و بدون اولاد و الثالث فرحه في العيد و زوجي اصغرهم منذ ان تزوجت و انا اعرف ان هناك جزء من مرتب زوجي يروح كل شهر لاهله و اعرف ان نصيبهم من زوجي هو الاكبر لانه اللي اتزوج قبل الاثنين اللي قبله و بدون اطفال و الحمد لله ميسورة معاه لكن مع كل مرة تقريبا ينزل الراتب الاحظ ان زوجي يضع لامه 1500 ريال و 2000 ريال لوالده و هذا المتوسط فقط و احيانا تنقص لكن غالبا تزيد مع كل مكافأة تنزل في الراتب عمرنا ما قصرنا معاهم و دايما نتذكرهم بالهدايا و العزايم و المطاعم قبل فترة لما تزوج اخوه الكبير صارت حماتي تفرق بيني و بين سلفتي الجديدة كثيييير و ملاحظ من قبل الجميع و انا صابرة ما اكلمها اقول عيب و يمكن بدون قصد حتى لما حملت و اسلبت مرة ما فرحت بخبر حملي بعكس سلفتي الجديدة و لما اسلبت هيا انا بعدها اسلبت و حسيت انهم يفكرو اني اكذب عشان اجذب الانظار بس و الكل مو مهتم و الموضوع كل ماله يزيد وضحت الصورة دحين ندخل في الموضوع امس جات عندي ام زوجي عشان سلفتي الكبيرة عندها ولاده و كانت تستنى عندي لحد ما تولد و نروحلها زوجي اعطاها فلوس كثيرة فوق السبعة آلاف 4 الاف كانت متدينتهم من صاحبتها و زوجي قبض مكافأة رمضان و على طول سدد الدين عنها لوحده ؟!؟!؟! طيب فين اخوانه ما اشوف اخوانه يعطو امهم بس اللي الاحظه انهم ياخدوها مطاهم و كافيهات و حاجات مالها داعي المهم بعد ما اخذت الفلوس مدري ايش سار و فتحنا سيرة العفش و اعطيتها كتالوج مفروشات ايكيا قلتلها خذيه يا ماما انا عندي اثنين قالت و نبرة صوتها اتغيرت و مدري ايش صار فيها (من كثر الفلوس اخذ مجلة مفروشات كانه عندي فلوس زايدة )!!! عديتها قلت مو قصدها لكن بعدين اتكلمنا عن متوسط فواتير الجوال و انا قلت ان فاتورتي باقتصد فيها كثير عن اول و حدي الااتماني 400 ريال و الحمد لله هذا معقول امه و ابوه انفجرو و كل مين صار يقول كلمة شكل اللي يقول انتي تعلقي السماعة في راسك و اللي يقول حرام و و و !!! لهذا الحد و انا سااااااااااااكتة و اقول مزح لكن اللي فجر قلبي ان البيت عندي مو مكمل يعني في اماكن نقول تحتاج برواز و تحف و و و و المطبخ يبغاله شوية حاجات و يكمل و و و فجأة زوجي الملقوف اتدخل و قال اصلا انتو الحريم ما تحاسبو في المصاريف و دايما ايدكم مخروقة و اللي يتعب و يجيب القرش مو زي اللي يصرفه تفاجأت بكلمات زي الخنجر على قلبي قالت انا اتعب في صرف القرش انا اذا رحت اي مكان ابغى اشتري احاسب نفسي مليون مرة قبل ما اخده و احاسب نفسي و لا اشتري كل اللي نفسي فيه و كلام كثيييييييير ماله داعي و ملاحظ جدا انها تقصدني بالكلام والله والله والله يا ناس انا ماعندي مصاريف زيادة يعني حالي مو زي حال غيري انا ما احب السوق ابدا ابدا و هذي الحمد لله نعمة كبيرة و ما احب اروح الافراح و هذي نعمة اكبر يعني مافي فلوس فساتين و لا عبايات جديدة _العباية من السنة للسنه _كل سنة عباية وحدة بس ولا كوافيرات و لا شي مكياجي من يوم فرحي شوية يزنخ من كثر ماهو قديم و اقول ب\لاشي صرفيات زيادة مو لازم هدايا و اعياد ميلاد و كلام فاضي و رومانسيات و مفاجآت و سفر نهيييييييييييي مرة ماااااافي ملابس بس في العيد اجدد و ما اشتري من الماركات يعني من السوريين و الهرم و احيانا اوقات التخفيض و الرخيص بس يعني بالله بعد هذا كله انا اللي باحرم امه من الفلوس و هيا ما تطلب من اخوانه و هذا مو ذنبي واحد من اخوانه يسافر مع مرته من 3 الى 4 مرات في السنة على دول غااالية نار و ما تفتح فمها و تقول له زي ما تقول لنا و مطاعم غالية اكله و لبسه من الغالي و عنده وظيفة حلوة و راتبه طييب بس اش اقول انا من ساعة ما رجعت من عند سلفتي امس و انا ما اكلم زوجي و الليلة رمضان و انا مرة زعلانة منه و ما جا حتى كلمني و انا حموت من القهر كلامي ملخبط و ما ادري اش قلت ان كان معايا حق ادعولي و ان كنت غلطانة انصحوني بس امااانه لا تطنشوني انا حانفجر و سامحوني اختكم دودي |
والله اختي موغلطانه وانتي ماسويتي شي ولاقلتي شي .... واستمري كذا ساكته لان هذي امه وعيب تردين عليها ..
بس وضحي لزوجك ان جملته اللي قالها غلط وان موكل الحريم زي بعض ... بس لاتقلبيها زعله على هالشهر الكريم والله يرزقك الذريه الصالحه ان شاء الله. |
حبيبتي لا تحزني و ارمي كل شيء وراء ظهرك و استعدي للعبادة في هذا الشهر المبارك و ما سينفعك لآخرتك و خليك من كل ها الخرابيط, اللي بدو يقول شي يقولو ما تهتمي المهم انت عارفة حالك انك مش مبذرة و انك ما بتعمليش حاجة غلط
ربنا يصلح الحال |
حياتي
اتركي كلام امه على جنب وتحمليها عشان ترضي زوجك بالنسبه لزوجك وضحي له وقولي له انا ما اصرف بس اذا حبيت من اليوم ورايح اصرف زياده وما اقدر تعبك مستعده من بكره اسويها صدقيني راح يخاف من هالنقطه |
ترا شي نوعيه من الرياييل لازم اتفقرينهم عشان يتادبون يوم اتراعينهم ييلسون جيه يتكلمون ..
وقوليله انا اراعيك جي تتكلم بسوي مثل ما تسوي حرمت اخوك كله بشتري الماركات .. |
شوفي حبيبتي اللي حاصل ان هذا الشئ اصبح واجب على زوجك فقط لانه هوا عودهم على كده
واخوان زوجك عودوها على عدم تحمل مصاريفها فاصبح حق مكتسب ليس شئ مطلوب عليه الشكر وانتي ما اشوفك غلطتي الا بهذه الكلمة اقتباس:
المهم طنشي كلامهم ولا يهمك واحتسبي الاجر والثواب عند الله الله يبعد عنكم الهم يارب |
اختى العزيزة انتي مو غلطانة ولا اشي
بس شو بدنا نعمل الناس الكبار بيفكرو بطريقة غير عنا احنا الشباب للاسف وزوجك عودهم لازم زوجك يتفاهم مع اخوانه انهم يتقاسمو المصروف على شان يكون في عدل بالموضوع بس انصحك خليكي ساكتة وما تردي عليها احسن تصير تقول انت عملتي وانت سويتي الله يصبرك يا دودي |
فرضا لو انا بمر بنفس الظروف
واخواني مطنشين ومو منتبهين لاهلي؟ يا ترى اصير ادور على حلول كيف اخلي اخواني يصرفوا على اهلي وانا مقتدر؟ حتى لو كان والدي مقتدر شو بتساوي الفلوس امام رضاهم عني؟!!! بالنسبة لي لا احب بتاتا تدخل زوجتي فيما اقدمه لاهلي وما الي علاقة باخواني قدموا والا ما قدموا التقديم واجب علي اسأل عنه يوم الحساب بأديه بطيب خاطر نصيحة امشي بتيار اهل زوجك لا تشذي عنهم ولو على حساب لقمتك طبعا اذا بدك تكسبي زوجك والحماوات اغلبهم بفضلوا كنة اكثر من اخرى اذا كانت اسهمك منخفضة عندها فاعتبري انه هالاشي نصيبك واعيني زوجك على برهم وقدميلهم حتى تظلي تعكسي صورة اصلك النقية وما تدخلي بوجع راس ومقارنات وحكي ما اله طعمه وكل عام وانت بخير انتبهي ان تنامي وزوجك غاضب منك |
اختي انا لي تسع سنين والله ما ادري زوجي كم يعطي اهله ولا لي الحق اني ادري دامنه مايقصر علي
فانتي خلاص طلعي نفسك من هذا الموضوع ومالك علاقه اذا اخوانه اعطو والا لا وانتي لا تقصرين على نفسك طبعا في حدود المعقول دامنك تقولين ان زوجك مقتدر وانتي حارمه نفسك وماعليك من كلام زوجك طنشي وعدي الموضوع لان الرجال مايدري بسواليف صرف الحريم يعني كل باله انه الحين انتي عايشه ملكه مايدري انك تقصرين على نفسك علشانه فعلشان كذا اجلسي معاه جلسة هدوء ووضحي الامر من ناحية مصاريفك وكيف انك ترضين باقل القليل وان شاء الله تنحل اموركم ايه صح نسيت ترا الميك اب له مده صلاحيه وبعدها اكسبايرد فانتبهي على بشرتك والله يعني ممكن تشترين كريم اساس وبوره خدود وفيها لمعه بفس الوقت ومحدد وقلوس وكحل ومسكره وخلصنا وبنفس الوقت ماترمين مبلغ وقدره على ميك اب ممكن في خلال ست شهور تنتهي صلاحيته |
المشكلة تنحصر في شيء معين
إنت في نفسك بتقارني بينك و بين سلفاتك و بين زوجك و إخوانه و المقارنة هي أصل المشكلة حبيبتي اتجنبي أخبارهم و اتجنبي مواضيع فلانة اشترت و فلان سافر و فلانة يهتمون فيها و فلان لا يصرف مثل زوجي خليكِ مهتمة بزوجك فقط و لاحظي إنه لما قال كلامه اللي أزعجك لم يذكر أشياء معينة أنت مسرفة فيها إذا في قرارة نفسه هو يعلم جيدا أنك غير مسرفة و إلا كان ذكر عشرات الأشياء اللتي تضايقه في صرفك إذا هو فقط كان يجاري أهله في الحديث و لا يقصدك بشيء ربنا يعينك و يوفقك |
الساعة الآن 12:30 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©