زوجي لا يحب الذهاب الى مناسبات اهلي..
 

السلام عليكم ورحمة الله وبركاته
بصراحه انا اول مره اشارك بالمنتدى بس اتمنى تتقبلون مشكلتي ومشاركتي بصدر رحب وسامحوني على القصور


انا متزوجه من 4 سنوات وعندي طفل واحد والحمد لله حياتي على احسن حال زوجي معي طيب وحبوب وحنون بس عندنا مشكلة وحده انه ما يحب يروح المناسبات الكبيره ولما تكون المناسبة من طرف اهلي احسة بزياده ما يبي يروح علما ان مناسبات اهلي مره قليلة يعني مره برمضان واذا صار فيه مناسبة خلال السنة بس صدقوني ما يتعدون المناسبتين بالسنة انا ما اجبره يروح معي جمعات اهلي الصغيره الي يتجمعونها كل اسبوع واصلا اهلي تعودو انه ما يجي بس لما تصير مناسبة كبيره او زواج وخاصة لما يصير ابوي الي قايم بالعزيمه وزوج بنته ما يروح احسها شينه بحي وبحقه وبحق ابوي هذا غير اني اضطر اتعذر له وكل مره بعذر شكل مع انه يصير ما عنده شئ وجالس بالبيت بس كذا مزاجه ما يبي يروح وحنا تكلمنا بالموضوع هذا كثير بس ما فيه فايده والموضوع صار باين عند اهلي انه ما يبي يروح عزايمهم وهو يقولي اذا على ابوك انا اروح واسلم علية باي وقت مش لازم عزايم والحق يقال هو ما يقصر مع امي وابوي ويحبهم بس انا اتفشل ما يصير كل رجال خواتي وعماتي وخالاتي جايين العزيمه الى هو ما يجي والمشكلة انه فاضي وماعنده شي
وش رايكم ايش اسوي ؟؟؟؟؟؟

عفواً تم تعديل العنوان ليفصح عن المضمون
الإشراف

اهلا عزيزتي

لم تشغلين نفسك بالموضوع
هو رجل...بالغ وعاقل وفاهم
عارف الاصول
صدقيني...كلامك لن يزيده الا عندا

في المستقبل ان صارت عزيمة
اتكري الامر بينه وبين والدك
اي اطلبي من والدك ان يحادثه مباشره
فلعله يحرج ويوافق على الحضور

لا تجعلي نفسك في ووجه المدفع

الله يوفقج

في رجال اختي طبيعتهم هكذا

زوجي عنده نفس الطريقة ودائمًا أجد له العذر لدرجة أن أي مناسبة كنت أذهب مع أبي أو أحد أخوتي لدرجة أن كثيرين لا يعرفون شكل زوجي ، هو أحيانًا يذهب للضرورة ودائمًا الحجة الموجودة لا يستطيع ترك أمه الكبيرة التي ترفض أن تحضر مع أنها أحيانا تذهب لابنتها ويبقى هو في البيت مع كتبه وأحيانًا يطلبه أخوتي أو أبي مراعاة للأصول وهو يوافق ويحضر لكن اما متأخر بعد الأكل أو يحضر لوقت قليل وينصرف سريعًا ويقول هو محرج لأن ما معاه مال يسوي عزايم كبيرة كهاتي رد عليهم وأنا أقول اللمة في رمضان أو الزواج مش كل يوم وهي فرصة وبكره ربنا يسهل لنا وترد والله المستعان

انا زوجي جذي :)

الزوجه تستحي من اهلها قعدت سنين اعاني

عقب قلت لاهلي وخواتي بالصريح ان زوجي مايحب القعدات الكبيره والعزايم وهو جذي حتى مع اهله وريحت قلبي

وودي للحين والله اننا نروح مع بعض مثل باقي الناس صرت اروح بروحي غالبا صح احس بروحي ناقصه بس ابرك عن الهوشه على كل مناسبه تعبت :)

وصدقيني مايتغيرون ابد ريحي قلبج وعلمي اهلج بالحقيقه وارتاحي وان هذا طبعه والا هو يحبهم ويحترمهم

تخيلي امس اهلي معزومين عندي امي وابوي واخواني يقولي شرايج افطر واروح فوق وتاخذون راحتكم هاها يبا الفكه

قلتله لا حبيبي مو حلوه ابوي بالسنه مايجيني مره فقعد بس والله غصب صح يقابلهم زين بس يقعد متنكد بوجهي كم يوم :)

الله يصبرني ويصبرج على هالنوعيه بس لهم حسنات صح :)

يمكن البيئة التي نشأ فيها كانت هكذا (عدم الاهتمام لمناسبات اهل الزوجة او ان هذا يقلل من شأنه )
او ان اصدقائه ومن يجالسهم أفهموه ان هذا يزيد من قدره عند أهل الزوجة
صدقيني كلهم هكذا ولكن بعد فترة ((ان طالت او قصرت ))سيتغير الى ما تريدينه
ولكن لا تلحي عليه بالذهاب وسترين الفرق باذن الله
واتمنى لكما السعادة

شخصيته وطبيعته كذا .. صعب جدا التغيير .. ولازم تتكيفين على الأمر هذا ولا توقفين ضده .. خصوصا إنك مبسوطة مع زوجك ولله الحمد

وتنبهي لسؤال الأخت شيهانة .. ربما لو اتصل والدك ودعاه للحضور يتشجع أكثر