|
محتاجه استشارتكم..الحائــــرة
السلام عليكم ورحمة الله وبركاته..
عارفه تعبتكم معاي بس والله تعبت من وضع بيتنا...ولا عارفه كيف اتصرف ... راح اقولك الوضع وياريت تعطوني رأيكم.. قبل رمضان اختي المتزوجه تأتي بيتنا كل يوم ماعدا يوم السبت والجمعه..واحين من بدأ رمضان تأتي كل يوم تفطر معانا ويكون معاها زوجها وانا واختي وامي نتضايق عدل لان ماناخذ راحتنا احنا ساكنين بشقه مو بيت يعني المكان صغير..واحنا كل يوم ننحبس بغرفتنا وزوجها يجي من الاذان ويظل جالس لين 11 وهكذا كل يوم خلاص مو قادره اتحمل البعض منكم يعرف اني صار لي اكثر من شهر تعبانه بس من اول يوم برمضان اقوم واساعد امي بالطبخ وبكل شي اما اختي الله يهديها تجي قبل الاذان ب5 دقايق وعلى الجاهز بدون تعب انا مااقول لاتجي بس مو كل يوم وخاصه ان معاها زوجها امي كلمتها قالت لها اخواتك يتضايقون ماياخذون راحتهم تقول كلها شهر ويعدي عادي يعني مو من حقنا نأخذ راحتنا انا قلت بكلمها بس قلت خلني اخذ رأيكم.... |
انا رأي انها تأكل مع زوجها بغرفه وإنتي وامك واختك تتحركوا برا حتكم في البيت واللي عاوز يجلس معاهم يدخل
|
رائي اختي الفاضلة ان الرجال مكانة المجلس وبسسسس
وموووو كل رمضان الفطور عندكم مرة بـ بيتكم ومرة بـ بيت اختك |
اقتباس:
احنا ساكنين بشقه يعني مافيه الا المجلس او الصاله والباقي غرف نوم..وزوجها مايجلس الا بالصاله واهي جايه علشان تفطر مع الكل مو لوحدهم..وبعدين اختي عندها بنات يعني مو لوحدهم.. ان شاءالله تفرحينا بخبر زواجك قريب..ويسعدك.. مشكوره ماقصرتي |
السلام عليكم ورحمة الله وبركاته,, شبه يوميا محبوسين لمدة خمس ساعات تقريبا:16: اعذريني لاقلت ان زوج اختك (مايستحي) واللي (مايستحي) لاتخجلوا منه اخبري أختك إنه إلى هنا كفاية وماقصرتوا,, يخرج لصلاة العشاء والتراويح أفضل من جلوسه على قلب غيره وسجنهم بغرفة, إذا لم تجدي إستجابة من اختك الوسائل كثيرة منها (كمثال) تخبريها بإنك سترسلين رسالة إلى جوال زوجها ليفهم الأمر , حاولي أن تقولي لها والإبتسامه على شفاتك لكي لايكون الأمر جديا ويصل إلى مرحلة الزعل, مهم جدا كيفية إيصال ماتريدينه بطريقة مقبولة لكي يتقبلها الطرف الآخر , نصيحة غاليتكم الوالدة أخرجوها من الموضوع,, لك كل التقدير |
:22::22:
اقتباس:
|
والله زوج اختك انسان غريب
المفروض يستحي على دمه ولايفكر يجي فعلشان كذا قولي لاختك مافيها شئ زوجها وعلى العين والراس بس مو كل يوم يجي ويطول منتو مجبورين تنحرمون من الحركه علشان خاطره |
انا ابي افهم اختك وزوجها ما عندهم بيت يالكلون عندكم كل يوم لا حيا ولا مستحا من البخل وحب التوفير والا وش قصتهم واختك ما تفهم كان زوجها ثور اسمحيلي في ها الكلمه اختك وش تصير بعدين اذا يسحب بطنه عندكم كل يوم يجلس في المجلس ما هو الصاله البيت فيه حريم يتغطون عنه فهمي اختك بكل صاحه واذا بتزعل احسن والله ارتفع ضغطي من تصرفاتهم
|
هنا المشكلة في زوج اختك وليس في اختك كيف يرضى انه كل يوم يتطفل عليكم حتى لو كان زوج اختك البيوت لها حرمات مادام البيت فيه بنات لازم يعرف على نفسه لكن وش تقولين بعض الناس ماعندهم احساس انا اعاني من نفس المشكلة مع اخواني كل يوم يجون ويجيبون حريمهم معاهم من الفطور الى السحور وكنا نتضايق ومناخذ رحتنا وهم شخصياتهم ضعيفه والواحد تلعبه مرته لعب حتى ترتاح من الطبخ والنفخ |
(((انا قلت بكلمها بس قلت خلني اخذ رأيكم....)))
الموضوع واضح ..حبيبتي ..ما يبيله... هذي إختك حبيبة قلبك...مو معقول تشوفينها تتصرف بهذي الطريقة السيئة.. وتتركينها....قولي لها ....وإذا ما خاب ظني انها ماراح تستجيب بسرعة....لأنها واضحة شخصيتها...إنهاما(تحس) لذلك راح تحتاجين ..مستقبلا....إنك (تكثرين عليها الكلام)... يا إختي... أنا في هذا الشهر ( زوج إختي ما جاء يسلم على أهلي) مع إنها مو عادته!!!! .... ما خليتها ...مسكتها وقلت لها عسى ماشر؟؟ والله من بكرة والموضوع ( محلول) لا تخلين شي في نفسك ... طبعا هذا الكلام كله إذا ما عند إختك أسباب يمكن احنا ما نعرفها مثل فقر أو غيره... الله يعينك... |
| الساعة الآن 06:52 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©