|
المسجد النبوى ماذا يحدث فيه
السلام عليكم ورحمه الله وبركاته
ماشاء الله التقدم مازال مستمر والعنايه والاهتمام هنا فى المسجد النبوى واضحه الاهتمام بالنظافه وماء زمزم والعساكر والحراس رجال ونساء وبخور العوده الاصليه و و و ماشاء الله فى رمضان يكون هناك نظام خاص يليق بالحرام واهتمام خاص لهذه الايام الروحانيه وجزاه الله خير مليكنا حيث فتح المجال للزوار والمعتمرين وترى المسجد مليان من جنسيات مختلفه لاكن هناك مناظر مؤسفه ليست من من يقومن برالرعايه لا لان اذكر جنسيه معينه ولاكنى راح اتكلم بالعموم لمن نروح للحرم هناك مواقف خاص للسيارات فى رمضان لايدخاها الا الى معاه بطاقه وهذى البطاقه حقتنا http://up5.m5zn.com/photos/00281/dqdq3q1in8s3.jpg فين المؤسف فى الموضوع لمن تلاقى ناس ماعندهم بطاقه ويجو يزحمو الدنيا عن بوابه الدخول لاوالمصيبه الحرس يقولهم ممنوع مافى مواقف الا للى معاكم بطاقه اشتراك لاكن تلاقى الى يجادل ويعابط ووو وتلاقى ناس مايعرفو يكونو مهم من المدينه لاكن الى نهايه الشهر هذا المنظر المؤسف يتكرر المنظر الثانى الى يحز فى نفسى كثيييييييير يعنى الناس الى بتفطر فى الحرم وماشاء الله بتتمد لهم سفر خير الله وبركاته ونعمته لمن اجى اروح لصلاه العشاء والتراويح الاقى عصيرات مكبوبه فى الارض مويه وقشر الفواكه والنعمه منتره هنا وهناك والله عيب مره عيب نفسى اذكر واخص الجنسيه الى بتعمل هذى الحركه وكله كوم والى استغفر الله يتفلو و و فى الساحه ياهو هذى ساحه الحرم اطهر بقاع الارض والله النظافه من الايمان والله احنا اولى من اوروبا بالنظافه ياعالم والله مايصير مساكين حقون النظافه ينهلكو فى التنظيف وياليتهم يتعاونو ولا يتحركو الى بياكلو الا يكملو بعد مايروحو حقون النظافه حتى لمن نروح للتهجد نلاقى فتافيت وبلاوى طيب ليه يعنى لمن ياكلو مايلم و وسخهم فى كيس وينظفو مكانهم وحق النظافه يجى يمسح ويشيل الى مايقدرو عليه حرام الى بيصير فى الحرم والله انى اشفق على حقون النظافه لانه الرعايه والاهتمام فى كل مكان لاكن الناس الله المستعان هذى حقيقه مو خيال والله لو مو عيب كان صورت لكم المناظر لاكن المكان مختلط بنساء ورجال والنساء الى بعتكفو فى الحرم ياليتهم يدخلو ينامو جوا بدل ماينامو فى الساحه وجسمهم واضح من تحت العبايه حرام استرى عمرك جايه تكسبى اجر ولاذنب الساحه فى التهجد فيها حريم ورجال اتمنى ان تنشرو موضوعى وتترجموه كمان عشان الى مايعرف عربى الحرم مسجد رسول الله فيه اهتمام بالغ لاكن فيه ناس لاتستحق الاهتمام او هو الجهل لاادرى واسفه جدا على كل ماسطتره ولكم فائق احترامى |
بجد والله صدقتي حتى الحرم المكي نفس الشيء وبصراحه حتى احسن انهم يتعمدون الشيء هذا ومهما تكلمنا وقلنا ماراج ينفع معاهم اللي ماتعود على النظافه ببيته ماراح يراعي نظافه اي مكان ثاني ..........
الشكوى لله وش نسوي .....ماباليد حيله .... |
أحسنتي أخــــتي الكريمة في ماذهبتي اليه ,,
الله المــــستعان .. يعود ذلك الى ثقافة الشخص نفسه وبيئته ,, ومع الجهود المبذولة من المسؤولين ,, نجد اناس الله يهديهم اتكالين في مسألة النظـــافة ,, ومصلى الرجـــال ليس أحسن حظا من مصلى النســـاء ,, تجد بعض المعتكفين هداهم الله ,, ليسوا معتكفين وأنما ..... سوالــــيف اثناء صلاة التهجد ,, لعب بالجوالات ,, وأخص بالذكر صغــــار السن ,, وممارسات خاطئة الله يصلحهم ,, الرئاسة العامة لشؤون الحرمين ,, وفرت لهم ادراج أو دواليب ,, لوضع أغراضهم تجدهم يضعونها على مخارج هواء التكيف ,, الله يصلح الحـــــــــال .. |
صدقتي اخيتي جزاك الله خير
و اسأل الله ان يجزي حكومتنا الرشيدة كل خير |
اي والله النوم في الساحه هاذا اللي لاحظته من الحريم ... وتراهم من جنسيه معينه وهم الوحيدين اليي ينامو فيها ...
الله المستعان ... هموووم |
والله حبيبتي معاك حق
واكثر ما نعانيه في الحرم المكي رمي بزر التمر بالارض والدعس عليه جدا مؤلم ازالة الاذى عن الطريق صدقه فالاولى بنا ان لانرميها بالارض ولنا اجر عظيم وايضا رمي العيش والرز بالطرقات امام الحرم استغفر الله العظيم والله هذا شئ جدا فظيع وذنب كبير بارك الله فيكي حبيبتي |
اختي جزاك الله خير على ملاحظاتك الرائعة
لدي تعليق بسيييييط جدا جدا جدا:) بخصوص مواقف الحرم والاشتراكات انا انزل الوالدة واخواتي للمواقف السفلية للحرم :23: انزلهم تحت واخرج على طوول :d طيب ليش ما تدخلني للمواقف انزلهم واخرج ....؟؟؟:(:( واغلب الناس اللي تشوفينهم واقفين هناك امام المدخل :29: جايين ينزلون اهلهم تحت ويمشووون على طووووووووول:25: برضوا مايخفيك الزحام والارهاق لحد لما السيدة توصل للحرم اذا بتمشي مع الساحات:11: ومسئلة النظافة اسمعها منكم يالنساء وعند الرجال الحمد لله الوضع :cool: تمااااااااام:22: اعتقد سببها الاول الاطفال :15: ودائما اهلي يشتكون من الاطفال اللي يتواجدون بالحرم وتحصلي الام الله يهديها مطنشششة والطفل قاعد يذي الناس او يلعب مع باقية الاطفال وزعاج ووسخ و و و و:29::16: |
جزاكم الله خير على ردودكم
اخوى غير مسجل هذه المواقف طول السنه مفتوحه تدخل تاخذ كرت وانت خارج الساعه اظن بريال لاكن رمضان نظرا للزحام عملو حركه البطاقه عشان لايصير ضغط وحوادث وبلاوى اشترك فى البطاقه ماادرى هما من متى يفتحو المجال للأشتراك وريح نفس وريح الوالده عندك موقف 9أ على طول من المواقف قسم الحريم ماراح تتعب ابدا اما انك تنزل المواقف تنزلهم وتمشى ليش طيب تأخر غيرك وتأذى المسلمين كل يوم نفس الموال نخرج من بدرى لاكن الى مهم مشتركين يعملو زحمه وإذاء لغيرهم والله نوووووورتو |
صح كمان
تقولى الاطفال هما الى بيوسخو لاوالله غير انه الكبار بس الله المستعان اما الامهات الى بيجيبو اولادهم معاهم والله هى ماعرفت تصلى ولاخلت غيرها يستمتع فى صلاتهم انا عن نفسى اهرب من المكان الى فيه اطفال انا اولادى تاركتهم عند خالاتهم عشان اعرف اصلى اقوم اجلس جمب وحده مهى عارفه تصلى ولاتخلينى اعرف اصلى كم رمضان هو فى السنه الله يتقبل مننا ويغفرلنا ذلاتنا |
ياه والله اقشعر بدنى لما تحكينه من عدم اهتمام بنظافة الحرمين. هل تعرفين ماهى امنية أمى حفظها الله لى وشفاها آمين ؟ أمنيتها منذ سنوات طوال ان تستطيع الذهاب للحرم والمكوث فيه للصلاة والتعبد ليلا ونهارا ولما قلت لها يا ماما ماينفعش طيب وتصرفى منين قالت لى اتمنى اشتغل بالنظافه فى الحرم ( علما بأن أمى معها أعلى الشهادات العلمية وتعمل) فاستغربت منها كثيرا قالت لى وهل يوجد مكان على سطح الأرض يستحق ان ننظفه ونعتنى به ونتعب عليه ونأخذ أجر تعبنا من المولى عز وجل غير هذا المكان . والله وانا أقرأ كلماتك رنت بأذنى كلمات أمى وتعجبت كثيرا على ما آل اليه حال بعض المسلمين وما ينقلونه من صورة خاطئة عن الاسلام للعالم كله. جزاكى الله كل الخير وحمى الله الحرمين الشريفين وجازى حكومة المملكة خير الجزاء على ما تبذله من جهود منقطعة النظير للحرمين وجازى بالخير كل من أزال الأذى عنهما .
|
| الساعة الآن 02:17 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©